بخصوص التدريب

[piocivil]

بخصوص التدريب انا التدريب بتاعى هيبدأ 21/8 ... وبصراحه مش هيبقى تدريب بجد وانا عايز انزل تدريب بجد ... فهل فى اى حد يعرف حاجه عن فرص تدريب كويسه ممكن اقدم فيها دلوقتى وياريت لو حد يعرف حاجه عن التدريب بتاع الدكاترة يبقى يقووووووووووووووول

[Eng. Hala]

انت اللى هتحدد ان كان التدريب له لازمة ولا لا باجتهادك

اما التدريب اللى انت عايزه اضافى ،،

شوف اى مبنى بيتبنى قريب منك ف البلد وانزل اقف مع المقاول واتعلم والحاجة الغريبة عليك ... عندك موضوع اسمه (( فكيرة )) للزميل محمد فتحى اسأل فيه

انزل بردو الجامعة وشوف مشروع بتاع كلية الاداب واقف واتعلم محدش هيقولك لا


مش فاهمة ايه تدريب الدكاترة اللى بتكلم عنه ده . تقصد طلب تدريب ف الكلية ؟؟
لو ده قصدك فاحنا قدمنا الطلب ومستنيين الموافقة

لو عايز تعرف تروح لمين هبقى اعرفك لو ده كان قصدك

تحياتى وبالتوفييق يامهندس المستقبل :)

[piocivil]

اولا شكرا يا بشمهندسه على اهتمامك .... هو انا فعلا عايز اعرف اسم دكتور يكون مختص بموضوع التدريب وكنت عايز اعرف ايه موضوع التدريب اللى فى الكليه اللى انتى قدمتى فيه وازاى اقدم فيه انا كمان ؟؟

[Eng. Hala]

هو احنا اتيح لينا نقعد مع دكتور سعدالدين مصطفى وكيل الكلية
وطلبنا منه افادة يعنى عشان مش بندخل المعامل وكده
فقالنا اكتبلولى طلب واكتبوا اسمائكم فيه وقدموه لعميد الكلية
وهنعملكم تدريب ف المعامل بشرح واسع وتجارب ع المعدات الموجودة سواء ف الاستيل او معمل تانى وده مختلف عن الهبل اللى اخدناه ف اولى

لسة معرفناش الرد بس صاحبتى هتنزل بكرة تسال الدكتور

انا فرقة تالتة ومعرفش ده متاح ليكم ولا لا

[المشمهندس على]

بالنسبه لتانيه اعتقد للاسف باب التقديم فى مركز الدراسات((الجامعه والدكاتره)) اتقفل خلاص لاننا بدانا النهارده اول يوم
ممكن تروح الشؤون وتسأل ولو وافقت تحولك هتطلع بالورقه اللى هتعطيهالك فى الدور التالت مكتب مركز الدراسات والاستشارات الهندسيه وتهتلاقى هناك جدول متعلق باسامى المجموعات واماكن تدريب كل مجموعه وجدولها الزمنى
بالنسبه للاستفاده بتلف على كل المواقع والابنيه الجديده اللى تحت الانشاء فى الجامعه . احنا ماخدناش غير يوم واحد ويعنى ماشى الحال لسه مقدرش افيدك بصراحه

أتمنى لك التوفيق

[piocivil]

بالنسبه لتانيه اعتقد للاسف باب التقديم فى مركز الدراسات((الجامعه والدكاتره)) اتقفل خلاص لاننا بدانا النهارده اول يوم
ممكن تروح الشؤون وتسأل ولو وافقت تحولك هتطلع بالورقه اللى هتعطيهالك فى الدور التالت مكتب مركز الدراسات والاستشارات الهندسيه وتهتلاقى هناك جدول متعلق باسامى المجموعات واماكن تدريب كل مجموعه وجدولها الزمنى
بالنسبه للاستفاده بتلف على كل المواقع والابنيه الجديده اللى تحت الانشاء فى الجامعه . احنا ماخدناش غير يوم واحد ويعنى ماشى الحال لسه مقدرش افيدك بصراحه

أتمنى لك التوفيق

يعنى هو انا لو جيت وحضرت التدريب كده وخلاص من غير ما اقدم هيحصل ايه ... مش هيرضوا يدخلونى ؟؟؟؟

[محمد فتحى]

لالالا طبعا عاااااااااااادى جدا
ده ممكن يقبلوك كمان لو ضغطت عليهم
احضر مع اى مجموعه عادى