عزيزي المهندس عزيزتي المهندسه ماهو السبب ؟

[loveangel12]

السلامو عليكم ورحمه الله وبركاته
اخي المهندس اختي المهندسه ماهو السبب ؟
ماهو سبب دخولك كليه الهندسه بالتحديد ؟
وماهو سبب دخولك القسم اللي انت فيه ؟ مجبر او اختياري ؟
واخيرا هل انت سعيد بتواجدك فيه الان ام ماذا ؟

ارجو من الجميع الادلاء برأيه وشكرا 8:::

[Mr Mohamed]

انا مش مهندس بس حبيت ارد على الموضوع وفعلا عاجبنى

واما نشوف اراء المهندسين ايه ؟؟؟؟؟


تحياتى

[bsg_eng]

أنا عن نفسى من صغرى عمرى ما أتمنيت انى أطلع دكتور أوصيدلى
طول عمرى أصلا بحب الرياضيات وكان نفسى أطلع مهندس
لأنى بحس ان المهندس ده هو أهم واحد فى الدنيا والعالم كله بيتقدم بالمهندسين
وبفضل الله ربنا كرمنى ودخلت كليه الهندسه

أما حكايه القسم دى موال
وانا داخل الكليه كان فى دماغى ادخل تحكم واطلع مبرمج كمبيوتر
لكن لما بدأت الدراسه وبدأت أتعرف على المواد العمليه باظت خالص
بقيت مش عارف أدخل إيه وكل اما قابل حد يقولى قسم مختلف
لحد ما أتكلت على الله ودخلت مدنى ولقيت معظم زمايلى معايا والحمد لله
يعنى بيقولوا انا مدنى شغله حلو وحتى المهندسين المدنيين كتروا بس الشغل فيه مش بيخلص
أنا دلوقتى فى تانيه وربنا يسهل وتعدى بقيت السنين على خير

[محمد فتحى رمضان]

انا دايما والله مش بحلم غير انى اعمل حاجة لمصر وكلية الهندسة هى طريقى لدة .... انا كان ادامى كل الاقسام عدا عمارة واتصالات فأختارت كهرباء وبينى وبينكم مكنتش متحمس وحسيت ان الامل اللى كان منور جوايا فجأة نورة بدأ ينطفى لانى كنت عاوز اتصالات بس بعد شهر من الدراسة وفهمى للقسم وفروعة وامتدادة اقسم بالله كنت هندم ندم عمرى لو مدخلتش قسم كهرباء ..... انا فى حاجة كدة بحاول اعملها مع اتنين اصحابى ليهم نفس الفكرة بتاعتى ... هى فكرة صعبة بس عاوزة مجهود جبار وتقنية احنا مش بنمتلكها واقصد بأحنا يعنى مصر كلها بس احنا هنحاول نعمل لها محاكاة ان شاء الله وادعلونا .... حلمى بسيط جدا كلة علشان وطنى بلدى حبيبتى ( مصر )

[بنت مصريه]

انا من صغري بحب الرياضيات وكان نفسي ادخل هندسه وبس ماكنش قدامي قسم معين بس في اعدادي لما شفت الرسم حبيت قسم عماره قوي وكان نفسي ادخله . بس للاسف شلت فيزياء وملقيتش قدامي غير تحكم بس الحمد لله ماشيه فيه .الحمدلله لان ربنا مش بيجيب حاجه وحشه ابدا

[dr.reham]

انا مش مهندسة برده
بس متعرفوش والله بحب هندسة اد ايه
وطول عمرى من غير مناسبة كدة اقول ان دماغكم فلكى وبيعجبنى ما شاء الله عليكم
(انا بسميه كدة ومعنديش تفسير بحس كدة مش عارفة ليه والله )
انا كمان بحب الرياضيات جدااااا بس الحمد لله على كل حال
انا برده بحب الاحياء والكيميا وربنا كرمنى ودخلت صيدلة
وحباها جدا الحمد لله والله ربنا مش بيجيب الا كل خير
اهم حاجة تكون متوكل عليه كويس وسيب الباقى عليه هوا هيكرمك ويرضيك
انتوا ما شاء الله عليكم ربنا رزقكم بكلية زى الفل وكتيييير بيتمنوها واقسامكم ما شاء الله تشرف
يعنى احمدوا ربنا اوى وحاولوا تعملوا حاجة
كل واحد فى مجاله احنا كمان بنحاول نعمل حاجة عشان دينا وبلدنا وعندنا طموح الحمد لله زيكم ااااااد الدنيا كلها ههههههههههه
أنا عن نفسى من صغرى عمرى ما أتمنيت انى أطلع دكتور أوصيدلى
هههههههههه
عملت خيييير يا فندم
والله اهم حاجة تكون راضى بمجالك وهوا ده المهم بس
ربنا يكرمك فى كليتك ونسمع عنكم كل خير

انا فى حاجة كدة بحاول اعملها مع اتنين اصحابى ليهم نفس الفكرة بتاعتى ... هى فكرة صعبة بس عاوزة مجهود جبار وتقنية احنا مش بنمتلكها واقصد بأحنا يعنى مصر كلها بس احنا هنحاول نعمل لها محاكاة ان شاء الله وادعلونا .... حلمى بسيط جدا كلة علشان وطنى بلدى حبيبتى ( مصر )

الله بجد حلو اوى اللى حضراتكم بتفكروا فيه ده
حتى لو كان بسيط
ربنا يكرمكم وتقدروا تحققوه ياااارب
ربنا معاكم وربنا كبيير وقادر على كل شئ

لو عايزين اى حاجة من صيدلة يا جماعة
احنا فى الخدمة برده
اخواتكم يعنى
وتحت امركم ............ اطلبوا انتوا بس
ههههههههه
ربنا يعينكم يا شباب
سلام عليكم

[EnG.islams0kar]

انا كان نفسي اخش هندسه من زمان بس من اول لما فهمت الحياة وكدة يعني وانا صغير كل الي بيسالني انت عايز تطلع ايه ااقول ظابط
لكن لما كبرت بقي وفهمت كان ديما في دماغي هندسه
.والله انا لسه في اعدادي وربنا يستر
.انا فعلا كنت مبهور اول لما دخلت كنت معتقد انها كليه مش زي اي كليه يعني كنت حاسس اني هلاقي نظام وكدة
لكن لما دخلت لقيت كل حاجه ماشيه كوسه زي ما اتعودنا ديما
بس الحمد لله لسه فرحان بيها

[modydody]

بجد بجد انا كان نفسي من أول ما دخلت ثانوية عامة اني اطلع مهندس

حتى رغبة قسم علمي رياضة .. كنت كاتبها من الاول .. مش عدلتها علشان المجموع ولا حاجة خالص

بس كان كل اللي بيضايقني .. النظرة المتطرفة بين علم علوم وعلم رياضة

مع ان انا اكاد اجزم ... ان علم رياضة لازم يكون عقله انشط من علوم .. ( حسابات .. قوانين ....... الخ )

أما بقى عن ايه اللي دخلني مدني

فانا من اول كبرت كنت معجب جدا بالبناء ..

اي مبنى جنبنا كان يتهد او يتبنى

كنت اقف اتفرج عليه من البلكونة

حاجة كده زي ما تقولوا نفسي اعرف ميكانيزمة عملية البناء

[ساهر الليل]

سيبها على الله