طلب أو نصيحه م الكبار

[اريج المصطفى]

بسم الله الرحمن الرحيم
السلام عليكم ورحمة الله وبركاته

ياريت تكونو جميعا فى اتم الصحه والعافيه

الموضوع
بما اننا كلنا محتاجين نناقش حد مر بالاعدادى وكان محتار زينا كدة

فياريت اى باشمهندس او باشمهندسه فى اى قسم من الاقسام يدخل ويدينا
رايه


يعنى مثلا لو حد فى مدنى يتكلم عن مدنى ومميزاته وعيوبه

وايه اللى بيططلبه القسم عشان ندخله ويبقى فى مجال
ان لو حد ساله فيه يجاوب خلال الموضوع

وياريت الباشمهندسات يدخلو يقولو لينا القسم مرتاحين فيه ولا ايه

ويعنى بعد ما جربو القسم حاسين انه نافع للبشمهندسات ولا لا

واى قسم تانى يبقى نفس الكلام

عشان ان شاء الله مع نهاية الترم يكون كل طالب
حدد ميوله وكدة وكل واحد يقرر هيدخل قسم ايه

وياريت برضو من طلاب اعدادى اللى ليهم حد اكبر
ونصحهم بحاجه ما يبخلش علينا بيها

وجزاكم الله خيرا
والسلام عليكم ورحمة الله وبركاته

[nono]

والله أول حاجة أقولها إن مفيش حاجة اسمها قسم للولاد وقسم للبنات كل واحد بيدخل القسم اللى بيحبه وإللى بيتناسب مع قدراته وطموحاته واللى عاوز يحققه ومفيش حاجة اسمها قسم سهل وقسم صعب كل قسم وليه مميزاته وعيوبه وليه درجة صعوبة فى شىء معين

أنا هتكلم عن قسمى (مدنــــــــــــى) قسم الشعب
فى ناس كتير بيقولوا إنه مش للبنات يمكن علشان شغلنا عملى أكتر وبننزل مواقع وكده بس أنا رأى بعد مادخلت مدنى لقيت الحكاية عادى جدااااااا ومش بتفرق بين ولد وبنت
وطالما إننا مش بنعمل شىء غلط
مميزات مدنى:
إن فرصة الشغل فيه عالية جدااااااااا والمهندسين المدنين مطلوبين فى كل مكان
وكمان مجالاته كتير مساحة ,تصميم ،سكك وطرق ، ورى،وكبارى ،وهندسة الانشاءات .......
وكمان قسم لذيذ وشيق وعملى بيربطك بالواقع
وكمان فيه دكاترة محترمين جدااااااااا
عيوبه
كمية الشيتات الكتيييييييرة اللى بتاخدها فيه وبتاخد كل وقتنا
وأهم حاجة تكون داخل مدنى عن حــــــــــــــب
وفى الآخر بقول(لم لم أكن مدنية لوددت أن أكون مدنية)
وربنا معاكم ويوفقكم جميعا ياااااااارب

[اريج المصطفى]

افهم من كدة يا بشمهندسه ان صعوبة القسم فى الدراسه

لكنه بصفه عامه كويس

طب كويس والله

ياريت نسمع اراء من كل الاقسام يا جماعه

وشكرا ليكى يا نونو ع المرور

[nono]

افهم من كدة يا بشمهندسه ان صعوبة القسم فى الدراسه

لكنه بصفه عامه كويس

طب كويس والله

ياريت نسمع اراء من كل الاقسام يا جماعه

وشكرا ليكى يا نونو ع المرور
أيوه فعلا ياأريج زى ماأنتى قولتى الصعوبة فى الدراسة
وده علشان تكون مهندس كويس وخصوصا مدنى لازم تتعب لأن هتبقى مسئول عن حياة الناس

[كوكى]

:bsm:



انا فى اعدادى معاكوا
بس حبيت اقولكم نصيحه سمعتها من بابا
وهى
لو انت عايز اى قسم ماتختارهوس عشان حبك للماده وبس لا اختاره كمان عشان الحياه العمليه
يعنى المفروض انك تشوف الاول هل هتكون سعيد فى الحياه العمليه وهتقدر عليه ولا لا؟
دا لان الحياه العمليه هى مستقبلك والمستقبل هيبقى اكبر من المده اللى انت هتدرسها
فلو انت عايز قسم اختاره للمستقبل قبل الدراسه



ارجو انى اكون افدتكوا وان تكون الفكره وصلت





:salam:

[ΞŃġ.ҚôňĂŇ]

بسم الله الرحمن الرحيم


ممممممم بما إنك عاوزه رأيى يبقى خلينا فى ميكانيكا باور أحسن

اكتر ما يميز القسم هوا التميز والانفراد


فى البدايه لدخول القسم هتحتاج مجهود شويه عشان تقدر تتعامل وتتكيف معاه

والمجهود هيبقي اكتر بشويه من كل الاقسام

ودا طبعا بالنسبه للظروف المحيطه وعوامل التعريه الى هتقابل الى هيدخل القسم


اول ما حد يعرف انك فى ميكانيكا يفتكر انك بقى متعرفش اى حاجه فى اى حاجه وشيلت مواد فى اعدادى ومجموعك هوا الى رماك فى القسم دا دا بجانب دعوات الوالده عليك

لا والله ابدآ

ميكانيكا فيها صفوة الكليه واوئل اعدادى وبكررها ماشاء الله عقول جباره تستاهل تقلها ذهب

كمان فى حاجه ميكانيكا مش تلبس بدلة زرقا وتمسك مفتاح 12 وتقف جنب عربيه

لا والله مفيش حاجه من دى

واحب اوضح ان الصوره لقسم ميكانيكا باور مش ورديه زي ما البعض متخيلها

بخصوص الدراسه انتى بتدرسى اصعب ماده من كل قسم الي

جانب موادك وفيه حاجه تانيه قسم ميكانيكا معروف انه اقل تقديرات وديما بتبقي اسواء نتيجه

وبيبقي في الغالب أصعب امتحانات

طبعا مفيش نظام الورق زي اعدادي في كل ماده ولاكتر من معيد

هوا يدوبك بتلحقوا المعيد بالعافيه الدفعه كلها بتاخد فى سكشن واحد

ولا تتعجب من هذا فهى قسوة الزمن


المهم بالنسبه للمواد

بخصوص المواد اللي احنا بناخدها بتنقسم الا ثلاث اقسام كورسات اساسيه وكورسات ثانويه
وكورسات مشتركه

اما عن الكورسات الاساسيه فدي بتتمثل في المواد اللي احنا بندرسها علي مدار 4 سنين

باستفاضه وتوسع مثل الثيرمو (ديناميكا حراية) والفلويد (ميكانيكا الموائع) ورسم الآلات

الميكانيكيه.........والعديد والعديد

اما عن الكورسات الثانويه فدي بتبقي كورسات من اقسام تانيه بنحتاجه في قسمنا

زي البرمجه والاسترنس(مقاومه المواد وتحليل الاجهادات) والكهربيه وهندسه الانتاج

والاستراكشر (الهندسه المدنيه)......... الخ


اما عن الكورسات المشتركه فتتمثل في الرياضه (3,4,5)


علم الميكانيكا من أعرق العلوم وياريت الكل يقرأ الموضوع دا


المسلمون وعلم الهندسة الميكانيكية (http://manseng.net/showthread.php?t=15680)


بالنسبه عن المستقبل المهنى

لما بتتخرج انتا بتفرق عن اى قسم تانى فى شوية حاجات اولها انك تعتبر درست كل حاجه عن الهندسه ودا مش كلام والله حقيقه

هيكون عندك معلومات عن كل حاجه دا بالنسبه لميزه هامه جدا وهيا تعدد فرص الشغل وان ميكانيكا القوى يندرج تحتها فروع كتير تقدر تشتغل فيها زى :


محطات توليد القوى الكهربيه - شبكات الرى والهيدروليكا - هندسة البترول والتعدين - هندسة التكيف والتبريد - هندسه آلآت الاحتراق الداخلى - هندسة الطيران - تصميم ميكانيكى - صيانه معدات مدنيه وانشائيه - مصانع سماد وتوليد طاقه ............................. يعنى دول على سبيل الذكر


ولما تيجى تتخرج مش هتلاقى تقديرات يعنى ممكن يكون الاول عالدفعه مقبول ربنا يحرسه

والى هيميزك هوا مشروع تخرجك يعنى دا ممكن يشغلك من غير ما تنجح حتى والقسم فيه

دكاتره هما ممكن يكون اسلوبهم ما يعجبش ناس كتير بس والله دماغهم تتلف فى حرير
وهيساعدوك فى اى طلب
جامد فى اى حاجه

كلامى لسه ما خلصش وليا عوده

والى عنده اى طلب او استفسار عن القسم او المواد يبعتلى

وأو يدخل منتدى ميكانيكا الفرقه الاولى بالتحديد بس ما نصحش بده :D

لانه هيلاقى كلام عكس الى انا قولته خالص ههههههههههههه


// دمتمـ بودِِ ِ //

[mr.hamada]

يا ريت الناس تتكلم عن باقى الاقسام .........

إن شاء الله نستفيد منكم

[كوكى]

انا عايزه معلومات عن قسم حاسبات ونظم التحكم
يريت ياجماعه بسرعه عشان انا محتاجها جدا

[اريج المصطفى]

شكرا يا باشمهندس كونان
وياجماعه لو حد بيفكر فى
ميكانيكا بور يتفضل يسأل الباشمهندس
كونان وهو أكيد مش هيتأخر

بس بجد فين بقية الاقسام

[ball and socket]

مبدأيا شكراً ليكى أريج على طرح الموضوع لأننا بجد محتاجين حاجة زى كده
حتى الدكترو احمد الصروى قال إن ممكن فى كل لقاء طلابى يجيبوا رؤساء الأقسام يكلمونا عن القسم
بس طبعا أحسن واحد يكلمك عن القسم طلاب القسم

ثانياً طبعا بشكر nono و كونان طبعا على التفصيل ده

ثالثا عايز معلومات عن قسم الحاسبات ؟ و ميكانيكا إنتاج ؟ و هل فعلاً الأقسام اللى هنا ( بالذات ميكانيكا إنتاج ) بتحاكى العمل فى الدول الأوروبية ولا إحنا متأخرين فى الدراسة كمان ؟

[Macclourin]

ههههههههههههه
شوهت القسم كدة ليه يا كونان :eh_s(4):


بجد بحس في ميكانيكا باور دي انها بتحسن طريقة تفكيرنا
طول مانت في القسم عمال تفكر و تشغل دماغك

المواد كلها محتاجة تفكير و فهم ( نادر اما تلاقي مادة نظري زي الانسانيات وكدة بخلاف معظم الاقسام التانية )
تحس بجد انك بتبدع

غير انك في شغلك ودراستك بيبقى قدامك برامج كتير بتستخدمها في الرسم والتصميم وحساب الاجهادات و كل شئ غير انك بتدرس برمجة وبتدرس كنترول ( للناس اللي بتقول ان القسم ده شغله كان زمان بس )

كونان طبعا اتكلم عن المواد اللي بتدرسها و مجالات الشغل :eh_s(15):

برده عشان الناس تكون مستعدة من مشاكل القسم قلة عدد الدكاترة والمعيدين ( عشان كتير منهم بيسافر برة )
يعني هتلاقي صعوبة شوية بس هتتأقلم على الوضع

من الحاجات الحلوة اللي في القسم برده من وجهة نظري ان في مواد مش هتلاقي فيها كتاب للدكتور
انت طبعا هتعاني شوية في الاول
لكن بعد كدة هتضطر تروح المكتبة و تدور على مراجع ( هتحس انك طالب في هندسة بجد )

بالنسبة للرسم

ساعات كتير اقابل ناس بيكونوا عاوزين يدخلوا ميكانيكا بس بيغيروا رأيهم عشان خايفين من الرسم
احب اطمنكم ان الرسم في ميكانيكا باور هو متعب شوية لكن ممتع والله بخلاف رسم اعدادي
انت في ميكانيكا بتجمع قطع ميكانيكية في بعضها عشان تنتج حاجة ليها استخدام زي الصمامات و كراسي المحاور و المكابس و حاجات كتير
بتحس انك مش بترسم وخلاص لكن بتحس انك بترسم وفي نفس الوقت بتركب حاجة بايدك وبرده بتتعلم التصميم و بتعرف بعض الفنيات التي تم مراعاتها في التصميم
يعني مثلا ليه حاجة اتصممت على هيئة جزء من مخروط و ليس اسطوانة
و ليه سبنا مسافة معينة ما بين الجسم والغطاء بتاعه وحاجات تانية كتير

فبتحس بمتعة كدة ( بخلاف رسم اعدادي بيبقى الرسم عبارة عن قطعة ميكانيكية واحدة ليس لها معنى
ممكن تكون متخيل شكلها لكن مش عارف دي بتستخدم في ايه )

غير كدة للي حاسس برده ان المتعة دي مش هتعوضه عن التعب اللي هيتعبه شوية
احب اطمنكم ان الرسم بيكون اول سنة بس


وبرده حاجة اخيرة

موضوع الاقسام ده بتبقى رغبة و ميول شخصية
يعني اكيد كل واحد متخيل نفسه لما يتخرج هيبقى مهندس ميكانيكا ولا مدني ولا كهربا ولا اتصالات .... الخ

فانت لازم تكون داخل قسم انت حابه
عشان تقدر تتحمل عيوبه وتحس بمتعته ( مفيش قسم مفيهوش مميزات و عيوب )

يعني المفروض انك متتأثرش بحد من اصحابك
يعني مش يجي واحد صاحبك يقولك انا سامع ان قسم كذا حلو وانا هدخله تروح انت داخل معاه عشان تبقوا شلة مع بعض على الرغم من انك كان نفسك في قسم تاني


اتمنى التوفيق لكم جميعا

[ΞŃġ.ҚôňĂŇ]

انا لو مكنتش لسه دخلت باور وقرات كلامك دا

كنت هغير رأيى على طول واقعد فى بيتنا احسن ههههههههههههه =))

لا بجد الله ينور يا ماك انتا لخصت المتلخص وقولت المفيد

المهم سيبك مش انا كنت سايبك فى منتدى ميكانيكا من شويه ايه الى جابك هنا يلا تروح على هناك حالا انا ما صدقت

[Macclourin]

ههههههههههههههههههههه
لسة ممكن تحول يامعلم :P :eh_s(19):

انا كنت هناك في منتدى ميكانيكا بس لقيتك مزنوق هنا ومش عارف تعمل اي منكش كدة :D
قلت اجي اقف جنبك بدل مانت عمال تطفش الناس :eh_s(5):

[عروسة البحر]

السلام عليكم...........
الصراحة الموضوع دة جامد اوي ,
انا جيت النهاردة عشان اكلمكم عن قسمي قسم غزل ونسيج يمكن في ناس كتير اوي تفتكر ان القسم دة قسم الفشلة وان اقل الناس مجموع هم اللي بيدخلوه بس على العكس تماما القسم دة كل اللي فيه ناس دماغهم( تتاءل بالدهب )
وتتلف في حرير
انا مش بقول دة عشان انا في القسم لا اعتبروني مش معاهم لكن كل اللي معايا فعلا كدة سواء بنات او شباب
بالعكس انا معايا ناس دخلت القسم بمزاجها وجايبة اعلى تقديرات في اعدادي
ومش شرط على فكرة لو انت جايب مجموع قليل يبقى انت كدة فاشل ومش ليك في هندسة بس هو الموضوع موضوع مذاكرة لا اكتر ولا اقل لكن انت ممكن تكون عبقري ومش بتذاكر دي الفكرة بس
,القسم على فكرة من الاقسام الشيقة اوي بس انا هاقول عيوبه قبل مميزاته
اولا لازم تعتمد على نفسك يعني احنا مثلا مش لقينا حد من الدفعات اللي اكبر مننا عشان يساعدونا يوجهونا
ثانيا الباشمهندسين بتوع القسم يتعدوا على صوابع اليد الواحدة
ثالثا في بعض المواد مش ليها كتب يعني لازم تكتب كل كلمة بتتقال في المحاضرة والسكشن .
اما المميزات اولا العدد قليل
ثانيا الدكاترة هتلاقيها بعد وقت قليل عارفينك وبيتصاحبوا عليك اوي
ثالثا معظم الدكاترة اللي في القسم زي العسل وهتلاقيهم بيساعدوك في كل اللي انت عاوزه وبيبقوا عاوزين يدوك عينيهم
رابعا بتلاقيهم يحللولك مشاكلك في كل حاجة في القسم وخارج القسم
خامسا الدراسة سهلة ولذيذة اوي وهتلاقي نفسك ماشي فيها جدا
سادسا كل اللي القسم من نفس الدفعة هتلاقيهم بيساعدوا بعض بنات مع ولاد
واخيرا وليس اخرا الشغل في القسم دة متاح بكل الاشكال والانواع
و لو عايزين تعرفم معلومات عن القسم ادخلم على منتدى غزل ونسيج وهتلاقونا موجودين وبنجاوب على كل اللي انتم عايزينه وهاتعرفم من على المنتدى ان الشغل فعلا متاح لكل دفعات نسيج (المنصورة والاسكندرية) لان مافيش غزل ونسيج غير في الكليتين دول بس يعني الاقبال على مهندسين غزل ونسيج زي النمل على السكر ,
وفي النهاية ربنا يوفقكم وتدخلوا القسم اللي انتم عايزينه .
واحنا برده موجودين .

والسلام ختام............

[eng hasnaa]

اولا انا مبسوطه جدا بالموضوع ده وتسلم ايدك ياهندسه لان فعلا فكرته جامده اخر حاجه
وبنشكر وبنحترم كل اراء البشمهندسين اللي قالو رايهم ف اقسامهم
انا بقي هتكلم عن قسمي(اتصــــــــــــــــــــــــــ ــــــــالات)
انا اولا دخلته لاني حباه من قبل حتي ما ادخله ومن غير سبب والله
كنت بسمع ف الاول انه قسم صعب جدا ومحتاج
انا هقول رايي يمكن صح ويمكن غلط...القسم لذيذ جدا ومش بقول كده عشان انا فيه بس هي دي الحقيقه
يمكن محتاج شويه مذاكره بس لو ركزنا هنعرف ان كل الهندسه بكل اقسامها محتاجه تعب ومذاكره
اتصالات فعلا مش محتاجه غير تركيز ف محاضرات وحضورها وطبعا السكاشن كمان
متاح جدا لكل البنات والشباب بدون استثناءات
ان كان ع العيوب ف انا فعلا شايفه عيوب بس والله والله ف الطلبه مش ف القسم
مثلا نقول ان الدكتور مش بيشرح مش كويس بس للاسف بنقول كده عشان احنا عايزين نقول كده
سوري ع الاطاله بس حقيقي قسم رائع
والاهم تدخله وانت حبه بجد

[s.shawky]

واضح ان كل الاقسام الناس فاكراها..... لكن هيي اقسام الناس اللي دماغهم عليا واللي بيلاوا شغل اول ميتخرجوا

[اريج المصطفى]

اولا انا مبسوطه جدا بالموضوع ده وتسلم ايدك ياهندسه لان فعلا فكرته جامده اخر حاجه
وبنشكر وبنحترم كل اراء البشمهندسين اللي قالو رايهم ف اقسامهم
انا بقي هتكلم عن قسمي(اتصــــــــــــــــــــــــــ ــــــــالات)
انا اولا دخلته لاني حباه من قبل حتي ما ادخله ومن غير سبب والله
كنت بسمع ف الاول انه قسم صعب جدا ومحتاج
انا هقول رايي يمكن صح ويمكن غلط...القسم لذيذ جدا ومش بقول كده عشان انا فيه بس هي دي الحقيقه
يمكن محتاج شويه مذاكره بس لو ركزنا هنعرف ان كل الهندسه بكل اقسامها محتاجه تعب ومذاكره
اتصالات فعلا مش محتاجه غير تركيز ف محاضرات وحضورها وطبعا السكاشن كمان
متاح جدا لكل البنات والشباب بدون استثناءات
ان كان ع العيوب ف انا فعلا شايفه عيوب بس والله والله ف الطلبه مش ف القسم
مثلا نقول ان الدكتور مش بيشرح مش كويس بس للاسف بنقول كده عشان احنا عايزين نقول كده
سوري ع الاطاله بس حقيقي قسم رائع
والاهم تدخله وانت حبه بجد


الله متشكرة جدا يا باشمهندسين ع غالمرور

وكمان الباشمهندسات

بس ياريت يا باشمهندسه حسناء تقولليلنا اكتر عن القسم

يعنى موادة والصعوبات اللى فيها

هنتعبكم شويه معانا
بس اكيد كنتو فى حيرة قبل كدة زينا

وبشكركم كلكم يا جماعه

وياريت طلبة اعدادى يدخلو ويسالو الباشمهندسين

عشان يستفيدو بجد

[FrEe MaN]

مش هضيف كثيرا عما قاله الزملاء الافاضل
لكن اتفق مع كلام نـونـو في انه مفيش قسم للولاد وقسم للبنات !! لكن الهندسه للجميـع
ومن وجهه نظـرى ان الاهم تدخلى القسم اللى بتحبيه عشان تقدرى تبدعى فيه .. شوفى ميولك ايه وشوفى القسم اللى دراسته وشغله مستقبلا اللى يتوافق مع ميولك ورغباتك دى
وياريت ان شاء الله لما ربنا يكرمك بتقدير كويس فى اعدادى ياريت تنسى التقدير ولا تحسمى امورك بناءا على المجموع والتقدير انما بناءا على رغبتك وميولك كما ذكرت حتى لو القسم دا اقل بكتير من تقديرك

مش هتكلم عن مدنى حاليا .. لان اى حد يتكلم عن قسمه هيكون من رؤيته الشخصيه اللى اكيد سيغلب عليها بعض الانحياز !!
كويس انك تستشرى اللى اكبر منك فى اى مكان وتستشرى اهلك وتستشرى اصدقائك لكن الاهم قبل كل دا تحددى ميولك الاول عشان تتجنبى دخول قسم ما تأثرا بكلام الغير
واستخيرى ربنا فى الاخر .. محدش عارف الخير فيـن .. وفى النهايه ايا كان اختيارك تأكدى ان ربنا رايدلك خير فى المكان دا

اما بالنسبه لحكايه الشغل
فكل قسم وله ظروفه طبعا ومش كل الاقسام فرص الشغل فيها متكافئه.. وهتسمعى عن الحوار دا كتير .. اللى يقولك مدنى شغله كتير .. واللى يقولك ميكانيكا فلوسها كتير وووو الخ من الحوارات الفاضيه دى
لكن تيقنى تماما ان الارزاق بيد الله فادخلى اللى تحبيه واجتهدى فيه وربنا مش هيضيع تعبك وان شاء الله كل خير بأذن الله

[أحمد قمصان]

انا حابب اتكلم في نقطه كانت شاغلني جدا وانا في مرحلتكم وهي الرسم ..

في اقسام ليها علاقه بالقدرات في الرسم زي قسم عماره وقسم ميكانيكا وانتاج وغزل ونسيج يعني لو مستواكي ضعيف في الرسم بلاش دول خالص ..

اما تقريبا باقي الاقسام مفيهاش رسم

اما مدني بقي قسم الشعب وبما اني فيه فاحسن قسم في الكليه من وجهه نظري هو اينعم فيه رسم بس مستواه اقل من الرسم الميكانيكي بكتير يعني المتوسط في الرسم يمشي فيه

وحابب اكد علي حاجه متخليش المجموع هو اللي يختارلك القسم لان مش معيار خالص
خلي ميولك وقدراتك وخصوصا حته الرسم دي وانا بركز عليها ..

[The Mysterious]

أعتذر علي التأخير في الرد

ولي رد قريبا جدا ان شاء الله

:)

[اريج المصطفى]

منتظرين يا باشمهندس رد حضرتك

وشكرا للباشمهندسين اللى تفاعلو مع الموضوع

[اريج المصطفى]

انا حابب اتكلم في نقطه كانت شاغلني جدا وانا في مرحلتكم وهي الرسم ..

في اقسام ليها علاقه بالقدرات في الرسم زي قسم عماره وقسم ميكانيكا وانتاج وغزل ونسيج يعني لو مستواكي ضعيف في الرسم بلاش دول خالص ..

اما تقريبا باقي الاقسام مفيهاش رسم

اما مدني بقي قسم الشعب وبما اني فيه فاحسن قسم في الكليه من وجهه نظري هو اينعم فيه رسم بس مستواه اقل من الرسم الميكانيكي بكتير يعني المتوسط في الرسم يمشي فيه

وحابب اكد علي حاجه متخليش المجموع هو اللي يختارلك القسم لان مش معيار خالص
خلي ميولك وقدراتك وخصوصا حته الرسم دي وانا بركز عليها ..

وطب واللى حابب الرسم جدا دة يعمل ايه

مع العلم ان فى ناس بترفض فكرة مدنى ومعمارى للبنت

[أحمد قمصان]

اللي بيحب الرسم ومستواه حلو فيه يعني مميز يبقي تمام ويفكر كما يشاء في اي قسم.. لان من وجهه

نظري المشكله اللي ممكن تواجه اي حد في اي قسم هي الرسم لو ضعيف فيه لان قدره وموهبه اما

باقي المواد بحضور المحاضرات و مجهود قبل كل امتحان سواء_ ميد ترم_ او ترم هيبقي تمام وعن تجربه شخصيه

اما النا س اللي بترفض فكره مدني او عماره او اي قسم للبنت او للولد فيرفضوا بمزاجهم؛ دي مجرد فكره

عندهم بدون تجربه المهم هكون مستريح فين وايه المواد اللي تمشي مع دماغي .... وربنا يوفقكم جميعا واي سؤال بخصوص مواد القسم وكده... اكيد الكل في الخدمه

واما تقرروا تبقم تخدم فكره عن المواد..

[ball and socket]

الموضوع نام ليه يا جماعة ؟

[mohamed_hegazy]

انا بئا فى قسم كهربا بور
انا رايى ان دا اهم قسم فى الكليه انتوا لو بصيتوا لاى حاجه هتلائوا الكهربا لازم تدخل فيها
يعنى مثلا هتعمل ايه بالشقه لو من غير كهربا؟؟ الالات ازاى تشتغل من غير كهربا؟؟ وغيرها وغيرها
قسم الالات والقوى الكهربيه قسم شيق جدا وممتع بس بصراحه صعب شويه
عيبه ان انت بتدرس نظرى لحد الترم التانى فى الفرقه التانيه تبدا تشتغل عملى وطبعا تكون نسيت النظرى اللى درسته
اما فرص العمل بئا والله متوفره مش لكهربا بس لكل اقسام الهندسه فى 6اكتوبر وفى المدن الجديده بس لازم تحب القسم اللى تدخله ولازم تكون داخله بمزاجك ودى اهم حاجه

[أحمد عبد الرحمن]

منصحش اي بنت انها تدخل ميكانيكا او مدني
وطبعا مش علشان الدراسة
علشان الشغل بتاعهم مش مناسب خالص للبنات
وشكرا

[اريج المصطفى]

بجد جزاكم الله خيرا بس فين بقية الاقسام

[The Mysterious]

:bsm1:
:salam:

ازيكم يا بشمهندسن ويا بشمهندسات ؟؟

يارب تكونوا جميعا بخير ان شاء الله

:eh_s(7):

في البداية .. أعتذر عن التأخير في الرد .. لظروف خارجة عن ارادتي فعلا

خلونا نتكلم شوية واستحملوني لو طولت عليكم

في الأول

كل اللي يجيبه ربنا كويس جدااا .. ولازم نرضي بيه ونقول الحمد لله

مننساش الاستخارة قبل اختيار القسم طبعا .. ونكون واثقين أن كل حلو ان شاء الله

نصيحة لحضراتكم

ودي عن تجربة بجد لواحد أعرفه ... وياريييييييييييييت فعلا تحاولوا أنكوا تعملوا بيها
هيا ممكن تكون صعبة شوية .. بس عشان الندم ممكن يكون كبير أوي لو معملناش بيها
أهلا وهي :
" ادخل القسم اللي أنت تختاره .. مش والدك ولا والدتك ولا حد من قرايبك ولا دكتور قريبك ولا أي حد غيرك "

يعني مش عشان والدك أو والتدك عايزينك تدخل قسم معين و أنت مش حابه ... وحابب قسم تاني ... تقوم داخل القسم اللي بيقولوا عليه وتطنش اللي في بالك واللي انت عايزه

حط لنفسك هدف معين .. وحاول أنك تسعي له

بمعني ... أنت دلوقتي خلاص .. ماشي في طريق أنك تبقي مهندس
مهندس دي كلمة كبيرة أوي
يعني واحد عنده طموح .. عنده شغف .. عنده حب للعلم .. عنده هدف في حياته .. شايل رسالة لازم يوصلها لكل الناس وقبل كدة يعمل هوا بيها .. يعني من الأخر :
العيون كلها هتبقي عليك

فلازم كل حد فينا .. من دلوقتي .. يحط لنفسه هدف .. أنا عايز أبقي مهندس اتصالات زي فلان اللي أعرفه .. أو نفسي أبقي طيار .. أو نفسي أبقي متخصص في مجال الالكترونيات .. أو نفسي أعمل حاجة لبلدي في مجال كذا ............
كل دي أمثلة يعني
أنت اللي تختار الهدف بتاعك وتحطه قدامك ... عشان كل ما تلاقي نفسك وقعت في الطريق أو ضعفت شوية .. تبص لهدفك وتحاول أنك تقوم وتكمل طريقك
وأوعي تسمع كلام أي حد من غير ما تدور الكلام في دماغك الأول وتشوف هل ده بيخدم هدفك اللي بتسعى له ولا لأ ؟؟

النقطة اللي بعد كدة

قسم اتصالات والكترونيات


القسم مناسب للشباب والبنات .. سواء في الدراسة أو الشغل ان شاء الله

القسم عندنا تفرعاته تلاتة :

اتصالات
الكترونيات
شبكات

يمكن شبكات دي تبع قسم حاسبات شوية .. بس دي بردو مجال دراسة عندنا يعني

في أول وتاني سنة

الدراسة بتبقي متركزة أكتر علي مجال الالكترونيات
ومن أول سنة تالتة نبدأ ندرس اتصالات كويس أوي
وفي سنة رابعة بيبقي فيه دراسة للشبكات

للناس اللي متعرفش ...

احنا كورساتنا في الكلية مش هيا اللي هتشغلنا
لأ
الكلية بتدينا شئ عن كل شئ
يعني بتعرفنا كل حاجة .. بس الـ Basics بتاعتها
واحنا علينا
الاول : نقرر احنا عايزين نكمل في مجال كذا ...
بعد كدة : نبدأ نعرف المجال أكتر وأكتر ونسأل ونشوف الكورسات بتاعته ونبدأ ناخد الكورسات في الاجازات مش لما نتخرج

يعني الكلية بتكمل الكورسات اللي برا ..
أنت بتاخد الأساس في الكلية .. اللي مش هتلاي حد يديهولك بالطريقة دي أبدا
وبرا .. هتتعلم أكتر وهتعرف التطبيق العملي .. عشان تعرف تشتغل لما تتخرج ان شاء الله

بالنسبة لسنة أولي :
هيا سنة الحمد لله كويسة نوعا ما
مفيش مواد فيها مشاكل خااااااااااااااالص
بس يمكن فيه دكتور هوا اللي ممكن مخلي الناس تقول أن القسم صعب .. د / عبد الفتاح
بس فعلا .. اللي يعرف الدكتور ده كويس ويعرف مدى أهمية كلامه .. هيحب أوي المادة والمواد كلها وهتقدروا تعدوا بامتياز بسهولة جداااااااااا

بالنسبة لسنة تانية :
أنا لسة فيها أهو .. الترم الاول : كان لذيذ جدا .. بس ما علينا من الامتحانات :)
والترم التاني :
مشكلته أني طويل شوية .. عندنا مواد يمكن طويلة بس سهلة جدا جدا
وعلي حسب اللي عرفته
أصعب ترم ممكن نمر بيه هوا الترم التاني في سنة تانية

اللي ناوي يدخل القسم ده يا جماعة ياخد باله من حاجة مهمة أوي أوي

الدراسة في القسم ده ..
مش أنك تحفظ المواد اللي عندك .. وتدخل تدش في الامتحان اللي حفظته وخلاص
لأ
لازم تفهم كويس أوي
وتعرف الدكاترة والمعيدين وتكون مهتم أوي
عشان تقدر تحقق حاجة بجد في القسم ده ان شاء الله

وكمان اللي نوى فعلا خلاص أنه يدخل القسم ده .. يكلمني ان شاء الله وانا أحاول بقدر الامكان أخدمه في أي شئ

:)

أسف أني طولت علي حضراتكم

أتمني أكون فدتكم بقدر الامكان ان شاء الله

بالتوفيق يا شباب ويا بنات :eh_s(7):

:127:

[boosycat]

انا شايفه ان تقريبا الباشمهندسين اتكلموا علي كل الاقسام باستثناء قسم حاسبات
و بما اني طالبه في اولي حاسبات
فانا هكلمكم شويه عن القسم و هقولكم اللي قدرت اعرفه عنه خلال الكام شهر اللي قضتهم فيه
لحد دلوقتي
طبعا كتير جدا يقولوا ان حاسبات ده اسهل قسم في هندسة و ان اي حد ممكن يمشي فيه بسهوله بس ده مش صحيح
يمكن انا مدخلتوش عشان كنت شايفه انه سهل او حلو كمستقبل ليا كبنت او الكلام ده بس انا دخلته عشان حباه
القسم لذيذ جدا بس محتاج مذاكره يعني لذيذ و في نفس الوقت صعب لانه تقريبا عندنا في القسم عايزين
يلغوا فكرة ان حاسبات سهله و ان اي حد بيستسهله عن اتصالات مثلا
و كمان ان كتير ممكن يدبلروا في اي قسم تاني و يقوموا محولين لحاسبات
فتقريبا عايزين يقولوا انه حاسبات مش سهل ابدا و ده اللي اتضحلنا من امتحانات الترم الاول
و كمان النتيجه اللي فيه كتير جدا مكانوش متوقعينا ابدا زي ما جاتلهم
بس عموما القسم جميل جدا بس اهم حاجه انها تكون رغبتك مش رغبة اي حد تاني
زي ما كل الباشمهندسين تقريبا قالوا
طبعا الاساس عندنا بيبقي البرمجه و دي اكيد الكل بياخدها في اعدادي
و كمان مادة التحكم و الشبكات ده طبعا بالاضافه لمواد من اتصالت و كمان كهربا
لا احنا في الاخر اسمنا مهندسين كهربا مش مهندسين كمبيوتر و دي معلومه كتير ميعرفوهاش

[elfares]

انا شايفه ان تقريبا الباشمهندسين اتكلموا علي كل الاقسام باستثناء قسم حاسبات
و بما اني طالبه في اولي حاسبات
فانا هكلمكم شويه عن القسم و هقولكم اللي قدرت اعرفه عنه خلال الكام شهر اللي قضتهم فيه
لحد دلوقتي
طبعا كتير جدا يقولوا ان حاسبات ده اسهل قسم في هندسة و ان اي حد ممكن يمشي فيه بسهوله بس ده مش صحيح
يمكن انا مدخلتوش عشان كنت شايفه انه سهل او حلو كمستقبل ليا كبنت او الكلام ده بس انا دخلته عشان حباه
القسم لذيذ جدا بس محتاج مذاكره يعني لذيذ و في نفس الوقت صعب لانه تقريبا عندنا في القسم عايزين
يلغوا فكرة ان حاسبات سهله و ان اي حد بيستسهله عن اتصالات مثلا
و كمان ان كتير ممكن يدبلروا في اي قسم تاني و يقوموا محولين لحاسبات
فتقريبا عايزين يقولوا انه حاسبات مش سهل ابدا و ده اللي اتضحلنا من امتحانات الترم الاول
و كمان النتيجه اللي فيه كتير جدا مكانوش متوقعينا ابدا زي ما جاتلهم
بس عموما القسم جميل جدا بس اهم حاجه انها تكون رغبتك مش رغبة اي حد تاني
زي ما كل الباشمهندسين تقريبا قالوا
طبعا الاساس عندنا بيبقي البرمجه و دي اكيد الكل بياخدها في اعدادي
و كمان مادة التحكم و الشبكات ده طبعا بالاضافه لمواد من اتصالت و كمان كهربا
لا احنا في الاخر اسمنا مهندسين كهربا مش مهندسين كمبيوتر و دي معلومه كتير ميعرفوهاش
مهندسين كهرباء ازاى يعنى

[Eng_lfc]

الاول و انا واحد من اعدادى بس اعدت مع ناس من كل الاقسام و عرفت منهم بعض المعلومات المهمه
و فى ردود اتقالت و احب اصحح فيها شويه فى اطار الواقع لو تسمحولى
الاول حكايه انا مافيش حاجه اسمها قسم للولاد و قسم للبنات ده غلط
هو فعلا فى اقسام للولاد و مش محبوبه بالنسبه للبنات طبعا كل هيعد يقول مافيش فرق بين الولد و البنت
طيب انتى مش مقتنعه بس هو ده الواقع ازاى واحده باشمهندسه تلبس البلطو او العفريته و تنزل مع العمال فى مصنع مثلا تعد تركب عدد و الالات كبيره بلاش دى طب ازاى مهندسه تنزل مع العمال تعد تنفذ المشروعات فى المبانى و الكلام ده طيب بلاش كده ازاى الباشمهندسه تعد تقف على ماكنه و تشتغل عليها طبعا البنات هينتقضونى فى الحتت اللى فاتت بس هى دى الحقيقه البنات اصلا بيدوخوا و فه واقفين فى الورش ههههه
من الاخر المفروض الهندسه مش الاقسام بس للولاد بس مش للبنات
و الدليل على كده عمرى ماشوفت باشمهندسه ناجحه فى شغلها زى الرجاله

و النقطه التانيه خاصه بى انا اعدت افكر فى انى اخش قسم ايه لحد ماوصلت لقسمين محتار بينهم انتاج و باور و مش عارف ادخل اى واحد و اصلا كان النظام القديم فى ميكانيكا احسن علشان كانوا بيدرسوا الاتنين مع بعض و بعد كده بيتخصصوا فى السنه التالته على العموم لسه هفكر للمره الاخيره قبل ماكتب الرغبات

[ahmed zizo]

الاول و انا واحد من اعدادى بس اعدت مع ناس من كل الاقسام و عرفت منهم بعض المعلومات المهمه

و النقطه التانيه خاصه بى انا اعدت افكر فى انى اخش قسم ايه لحد ماوصلت لقسمين محتار بينهم انتاج و باور و مش عارف ادخل اى واحد و اصلا كان النظام القديم فى ميكانيكا احسن علشان كانوا بيدرسوا الاتنين مع بعض و بعد كده بيتخصصوا فى السنه التالته على العموم لسه هفكر للمره الاخيره قبل ماكتب الرغبات

توكل ع الله و ادخل باور يا هندسه

[ABUSALEH]

السلام عليكم
ممكن حد يقول لى هم مهندسو الانتاج بيشتغلو فين وفي ايه ؟؟
عندهم مواد ايه ؟؟؟

[sunnygirl]

=Eng_lfc;412638]الاول و انا واحد من اعدادى بس اعدت مع ناس من كل الاقسام و عرفت منهم بعض المعلومات المهمه
و فى ردود اتقالت و احب اصحح فيها شويه فى اطار الواقع لو تسمحولى
الاول حكايه انا مافيش حاجه اسمها قسم للولاد و قسم للبنات ده غلط
هو فعلا فى اقسام للولاد و مش محبوبه بالنسبه للبنات طبعا كل هيعد يقول مافيش فرق بين الولد و البنت
طيب انتى مش مقتنعه بس هو ده الواقع ازاى واحده باشمهندسه تلبس البلطو او العفريته و تنزل مع العمال فى مصنع مثلا تعد تركب عدد و الالات كبيره بلاش دى طب ازاى مهندسه تنزل مع العمال تعد تنفذ المشروعات فى المبانى و الكلام ده طيب بلاش كده ازاى الباشمهندسه تعد تقف على ماكنه و تشتغل عليها طبعا البنات هينتقضونى فى الحتت اللى فاتت بس هى دى الحقيقه البنات اصلا بيدوخوا و فه واقفين فى الورش ههههه [/COLOR]
من الاخر المفروض الهندسه مش الاقسام بس للولاد بس مش للبنات
و الدليل على كده عمرى ماشوفت باشمهندسه ناجحه فى شغلها زى الرجاله


الجزء الاول انا موافقاك فيه وكلامك صح 100 % هههههههههه وفعلا حصلت فى سكشنى وبنت داخت جدا من الوقفة فالباشمهندس سمحلها تستاذن
الجزء التانى خطا 100% هههههههههه لان فيه باشمهندسات ناجحات كتير بس ممكن تكون ماشوفتهمش لكن دى الحقيقة

[ahmed zizo]

السلام عليكم
ممكن حد يقول لى هم مهندسو الانتاج بيشتغلو فين وفي ايه ؟؟
عندهم مواد ايه ؟؟؟

بيشتغلوا في كل مكان و في اي حاجه
و بالنسبه للمواد في ثيرمودينامك _و ميكانيكا_ ماتيريال _ رسم ميكانيكي _ مات لاب ده في الترم الأول من اول سنه
ادخل هنا وانت تعرف اكتر يا هندسه
http://manseng.net/showthread.php?t=26377

[ABUSALEH]

الف الف الف شكرررررررررررررررر

[MIDO ASKR]

بسم الله الرحمن الرحيم

انا فى اولى ميكانيكا احب اقول انة اصعب قسم فى الكلية واللى يقول غير كدة يبقة مبيفهمش حاجة وفى القسم دة محدش بيطلب مننا شيتات ولا اى حاجة بالمقارنة بمدنى واحب اقول الدراسة فى القسم حلوة بس الدكاترة فى القسم مصعبينة امثال الدكتور شبارة طبعا كلكم عرفينه وعرفين اسلوبة اللى بيخلى من الحاجة الصغيرة لوغريتمات وده كان مثال ضربتة ليكم وفية دكاترة حلوة كتير زى الدكتور توفيق الميدانى غنى عن التعريف

واحب اقول انة مفيش ولا بنت بتدخل القسم دة
والحمد لله مهندسين الميكانيكا قليلين على مستوى الجمهورية عشان كدة دخلت القسم مش زي قسم الشعب "مدنى"

واللى عاوز يدخل القسم دة لازم تكون دماغة عالية والا هيتعب كتير
وانا كنت عاوز اطلع مهندس فى مجال تصنيع السيارات عشان كدة اخترت القسم

واحب انوه للولاد ان القسم مفيش فية ولا بنت وكلكم فهمينى

وسلام والى اللقاء فى الحلقة القادمة

[Eldoc]

اتصالات اوبشنززززز

[ايمن الهادى]

يا جماعه يا ريت حد من باشمهندسين اتصالات يوضح شغله عباره عن ايه وبيشتغل فين
وششششكرا