مشاهدة النسخة كاملة : مكتبة أشعار فرقتنا 1st civil :):)
clever engineer
27-12-2009, 06:52 PM
:salam:
ازيكوا يا شباب لعلكم بخير :127:
احب اني اتقدم بخالص الشكر الى كل من ساهم في تاسيس اسرتنا
الجميلة ((احنا نقدر)) واحييهم بهذه القصيدة المتواضعة
قالها حبيبنا سعيد بشجاعة كلنا نقدر نعمل خير
يلا تعالى معانا وشارك يلا نساعد كل فقير
ادفع يلا معانا وساهم والله دا احسن من التوفير
هو دا بس اللي هيبقى لك عند الرب وعند الغير
دي أسرتنا ودي اهدافنا يلا تعالوا صغير وكبير
أسرة جميلة واعضاء ناجحة أسرة عظيمة رائدها كبير
دكتور ثروت هو رائدنا وهو قائدنا للتغير
راجل صح أبوته واضحة لأ وعطاءه بدون نظير
صحى عقولنا بعد النومه ورجع ليها تاني ضمير
شكره علينا واجب دايما ده من حقه وحقه كتير
وقبل ما ننسى نفكر تاني يلا معانا بدون تفكير
((إحنا نقدر)) دي أسرتنا بيكم بس هي تصير
نسعد جدا مشاركتكم ومساهمتكم في التنوير
ويجعله عامر:127:
eng.medo0o
27-12-2009, 07:15 PM
جااااااااااااامده جدا يا هندسه واضح ان احنا عندنا مواهب كتير في الدفعه وان شاء الله الاسرة هاتنجح بينا وبكل الي هايشركنا
Eng. Hala
27-12-2009, 07:15 PM
جميييييييييييييييييلة يابشمهندس
ربنا يوفقكم
civileng37
27-12-2009, 07:29 PM
جامدة يا هندسة
الظاهر ان مدنى كلة مواهب
ههههههههههه
استمر..........
أحمد قمصان
27-12-2009, 07:45 PM
جامد يا صالح والله ما شاء الله عليك
الكلام في الصميم
وربنا يكرم
ويجعله عامر ..هههههههه اسمحلي اقتبسها منك دي
over the moon
27-12-2009, 07:46 PM
كل دى مواهب عندنا فى الدفع لا بجد احنا كده نتحسد جميل جدا يا هندسه
eng_osama
27-12-2009, 08:33 PM
************beautiful*************
captain hema
27-12-2009, 09:11 PM
على فكره يا صالح لما قلتلك في المدرج كملها كنت متاكد انها هتبقى جميله جدا
استمر
وبانتظار المزيد
elsa3id
27-12-2009, 09:31 PM
ع فكره يا جماعه القصيده دي متألفه ف ٥ دقايق بس.. لقيته جابلي أول بيت وبعد ٥ دقايق جابهالي كلها قبل محاضره د.الجمل النهارده...وبجد أنا بشكر صاحبها الجميل والمحترم جدا جدا ...ويلا عايزين مواااهب
الفرعون الشقى
27-12-2009, 09:51 PM
ههههههههه
جميلة اووووووووووى يا هندسة
تسلم يا باشا
eng.nopro
28-12-2009, 03:11 AM
:eh_s(4):جامده طحن يا ساطور كده قشطه وعاوزين المزيد من جعبتك
وربنا يوفق الاسرة دى للخير
eng.white knights
28-12-2009, 10:37 AM
اية يا بشمهندس الحلاوة دي اظاهر ان في ناس كتير بيكتبوا في الدفعة دي
عايز اشوفك
zorosaid
28-12-2009, 01:28 PM
جميييييييييييل جدا يا هندسه الله معكم
ENG:A.Abdalla
28-12-2009, 05:31 PM
بجد
بجد بجد
روعه روعه روعه
ويجعله عامر
ههههههه
abotrika22
28-12-2009, 06:39 PM
ايه الحلاوة دى يا صالح
قصيدة جميلة جدا
بس يا ريت تنكون مألفها مش ناقلها
ENG:A.Abdalla
28-12-2009, 07:56 PM
لالا ياهندسه أنا واحد من الي يشهد ان صالح مألفها مش ناقلها لاني كنت معاه وهو بيألفه
وبجد صالح دا عنده موهبة تأليف شعر كبيره ويارب يوفقه
خالد البنا
28-12-2009, 08:47 PM
:bsm1:
بارك الله لهذه الأســــــــرة
:eh_s(15)::ta_clap1717:
clever engineer
29-12-2009, 01:53 PM
مشكورين جدا لمروركم يا بشمهندسين:127:
وشكرا ليكم على اشادتكم وكلامكم الرائع
وانا بجد من غيركم ما اسواش حاجة
و ربنا يديم المعروف
ويجعله عامر:127:
العبارة في الشكارة
01-01-2010, 07:00 AM
انت موهبة يا ابني والله
hardheart
02-01-2010, 09:12 PM
جامدة اخر حاجة يابشمهندس
clever engineer
03-01-2010, 08:15 PM
:salam:
ازيكوا يا بشمهندسين لعلكم بخير:127:
طبعا انا عملت قصيدة جديدة متواضعة وما رضيتش احطها على المنتدى
العام لاني حبيت انكم تكونوا اول ناس تشوفها ومستني اراء جميع زملائي الاعزاء
وراي ابي الغالي الدكتور ثروت سرحان
والقصيدة بعنوان فضفضة وبتتكلم شوية عن الاحداث الجارية ومش مقصود بيها
اي سياسة لكن هي بجد فضفضة
فــضـــفــضـــــة
مرة سكت انا لما سألني ابن اخويا كده في سؤال
قالي ياعمي دي حاجة غريبة إن الدنيا بمليون حال
قولت له يابني هو دا حالها ودي طبيعتها ودا المنوال
ناس في الدنيا دي عايشة وتايهة وناس في الدنيا دي سلطة ومال
وناس في الدنيا غناها التقوى وناس في الدنيا هدفها المال
وناس في الدنيا دي تدي الفقرا وناس تسلبهم راحة البال
وناس في السلطة دي عايشة وهايصة وناس بتبالغ في الاذلال
يدي المسكين كدا بالجزمة وهو يا عيني ضعيف الحال
بص لي كدا انا ابن اخويا قالي يا عمي معاك شغال
كمل كمل انا بسمعلك والله كلامك عال العال
قولت له يابني في حاجة جديدة لسه قاريها كده في مقال
ناس بتبهدل فينا وتشتم ويقولوا فينا كلام بطّال
قالوا علينا خونة وبعنا قضية غزة يمين وشمال
لأ والأدهى يقولوا حاصرنا احنا اخونّا وكنا عيال
وبنينا سور بينا وبينهم يقصدوا نقتل كل نضال
وكأن القصة قضيتهم واحنا دماغنا بدون ارسال
لأ والأدهى مظاهرة في لندن قالت المصري دا بقى زبال
ماشي يلم قذارة اللوبي وعلى كتافه كدا تتشال
فجأة ببص لابن أخويا لقيته سرح بدماغه ومال
قولت له فوق- بكلم نفسي!- قال بالذمة دي حاجة تتقال
دا احنا العظما من يوم مينا وحّد مصر جَنوب وشَمَال
ولا النصر اللي في أكتوبر اسألوا سينا جبال ورمال
ولا الاستنزاف وتوابعه ودق دماغهم بالف نعال
بص يا عمي انا مش هسكت على اهانتنا او اللي اتقال
قولت له حيلك ، هي دي سايبة المسالة مش عايزة جدال
اصبر بس معايا واحكمها المسالة محتاجة لرجال
ولازم نبدأ من جواتنا وهتتغير الاحـــــــــــوال
ويجي اليوم اللي رايتنا تبقى العليا بدون إذلال
يلا معانا بعلو الصوت يلا معانا كده في الحال
يلا جميعا كلنا ندعي ربنا يصلح بيك يا جمال
يلا جميعا كلنا ندعي ربنا يصلح بيك يا جمال
وربنا يستر من المعتقل هههههههه !
ويجعله عامر :127:
Eng. Hala
03-01-2010, 08:21 PM
بسم الله ماشاء الله عليك
بجد ممتاز
تسلم ايدك
وربنا يصلح بيك الحال ياجمال هههههه
أحمد قمصان
03-01-2010, 08:22 PM
والله العظيم جامد جدا يا صالح .. ربنا يزيدك يا ابني
بس بعد اخر بيتين دول مستحيل يكون في معتقل ..هههههههههههه
captain hema
03-01-2010, 08:23 PM
جاااااااامدة
فين يا بني المواهب دي من زمان
تسلم يا عم صاالح
بس متخافشي من المعتقل
بانتظار المزيد
sheetos
03-01-2010, 08:47 PM
هههههههههه
جميله بجد يا هندسة لولا انى لا اميل الى الشعر الحر بس انت سبب انى احبه
طبعا بعد احمد بيك مطر ..ياريت تقرأ له هيعجبك جدا
تسلم ايدك
eng.white knights
03-01-2010, 09:00 PM
وووووووووووووووووووووووووووووووووو ووووووووووووووووووووو
جامده اوي تصدق سبقتني المرة دي انا كنت عايز انزل قصيدة فلسطين بس خفت تتشال
هنزلها و امري لله
بس بجد قصيدتك معديه
احمد النمر
03-01-2010, 09:03 PM
قولت له حيلك ، هي دي سايبة المسالة مش عايزة جدالهي سايبه ولا سايبه
ســـــايبه
ههههههههه جامده يا هندسه
ايه الجمال ده يا صالح
لا بجد معلمـ يا واد
تسلم ايديك يا صالح
وربنا يزيدك ويوفقك
clever engineer
03-01-2010, 09:07 PM
مشكورين يا بشمهندسين لمروركم:127:
بس في ملاحظات نسيت اقولها
اللوبي : المقصود بها اللوبي الصهيوني
ملحوظة اخيرة يجب قراءة القصيدة قراءة عامية صرف حتى يتمكن لك فهمها
وربنا يستر
ويجعله عامر:127:
المشمهندس على
03-01-2010, 09:17 PM
ايه الجمال دا؟
بجد قصيده جميله جدا يابشمهندس ربنا يكرمك كمان وكمان دى تحفه
بس معلش عندى ملحوظه رفنعه
فى قواعد وقوانين كتابه الشعر والدواوين والقصائد ماينفعش نكرر نفسى القافيه قبل مرور 7 ابيات على الاقل وانا لاحظت بس انك مكرر نفس الكلمات الاخيره فى اول الابيات قبل ماتمر 7 ابيات ع الكلمه الاولى
بس انت شغال زى الفل والله مبدع وربنا يكرمك ياريت تتقبل نقدى
فارس النيل
03-01-2010, 09:20 PM
رووووعه....بس كان عندي تغير طفيف شكلا...عظيم مضمونا
يلا جميعا كلنا ندعي ربنا يرجع لينا زمانك جمال
يلا جميعا كلنا ندعي ربنا يرجع لينا زمانك جمال
انت فنان يا ابني ..... ربنا يبارك فيك يا رب..
بس لو عايز تكون فنان بجد... متعملش حساب لحد ومتخفش حد ومتنافقش حد....
انت اكيد فاهمني
sheetos
03-01-2010, 09:32 PM
ايه الجمال دا؟
بجد قصيده جميله جدا يابشمهندس ربنا يكرمك كمان وكمان دى تحفه
بس معلش عندى ملحوظه رفنعه
فى قواعد وقوانين كتابه الشعر والدواوين والقصائد ماينفعش نكرر نفسى القافيه قبل مرور 7 ابيات على الاقل وانا لاحظت بس انك مكرر نفس الكلمات الاخيره فى اول الابيات قبل ماتمر 7 ابيات ع الكلمه الاولى
بس انت شغال زى الفل والله مبدع وربنا يكرمك ياريت تتقبل نقدى
المشمهندس على منور البلد ..صباح القشطة ...بعد اذن شاعرنا بس ارد على الملحوظة الرفيعة
الظاهر يا مشمهندس ان الكليه نستك الادب العربى ودراسة الممتعة بس لو رجعت ليه هتلاقى ان الشعر الحر غير ملتزم اطلاقا بهذه القواعد التى سار عليها الشعر فى العصور السابقة مثل الجاهلى والعباسى وغيره.....وهذا ما ادى الى ضياع اللغة العربية فى عصرنا هذا
وبقينا بفضل الله نكتب العربى بس انجليزى (فرانكوا ) مش عارف ايه السبب ..بس هنعمل ايه ..امر الله ومكتوب :127:
المشمهندس على
03-01-2010, 09:38 PM
ياشيتوس باشا والله انت اللى منور البلد والمنطقه كلها
امممممممم شعر حر ايوه ايوه انا فهمت وجهه نظرك بس انت شكلك ضليع فى الادب معلش عندى انا دى ابقى علمنى مش تسيبنى ادب زى الرطل كدا ههههههههه
sheetos
03-01-2010, 09:43 PM
ههههههههههههههه
يا باشا انت تأمر ولا يهمك
صباح الفل
elsa3id
03-01-2010, 11:11 PM
بجد بجد إنت موهبه يا صالح ربنا يصلح حالك .. القصيده جاااامده بس "جمال" دي خلتها مش جميله ف الآخر لأن زمنه بدأ خلاص ...
elsa3id
03-01-2010, 11:12 PM
بجد بجد إنت موهبه يا صالح ربنا يصلح حالك .. القصيده جاااامده بس "جمال" دي خلتها مش جميله ف الآخر لأن زمنه بدأ خلاص من زمااااان...ومش لوحده كمان...
elsa3id
03-01-2010, 11:18 PM
نسيت اقولك إنت مطرود من الأسره ههههههههههه لأ بجد إنت قيمه لازم نحافظ عليها بس وقتها مش هعرفك من اللي هيحصلنا لأني هكون معاك .... وشاعرنا الآخر إنتظروا قصيدته عن حال فلسطين وغزه هو كان بيفكر يأجل رفعها وأخد رأيي من يومين وأنا شجعته إنه يرفعها لأنها معاه من زمااااان وأكيد ذي ما وضح فوق هينزلها قريب ربنا يسترها
civileng37
04-01-2010, 06:31 PM
ايوة كدا يا وديع
ههههههههههه
بجد روعة يا بشمهندس
تسلم يا هندسة
وفى انتظار المزيد
ENG:A.Abdalla
04-01-2010, 07:45 PM
بجد
بجد
بجد
بجد والله روعه
وكل يوم بتثبت لي أنك عندك موهبه شعريه طاغيه
والله حرام تسكت عليها
بجد والله
ENG:A.Abdalla
04-01-2010, 09:27 PM
أبو السعود حبيبي
أحب أوضحلك حاجه ..انت ما فهمتش القصيده دي كويس
جمال دا أكيد يبقي ابن أخوه اللي بيكلمه وياريت كلامي يطلع صح
صح يا صالح ولا؟؟؟؟؟؟؟؟؟؟؟؟؟؟؟؟؟؟ لأ
محمد فتحى
04-01-2010, 11:01 PM
حقيقى انت عندك موهبه كبيره يا ريت تنميها
والقصيده جامده بجميع المقاييس
CR@ZY_ENG
05-01-2010, 12:17 AM
بجد قصيده جميله
ربنا يوفقك
تقبل مروري
until death
06-01-2010, 03:24 PM
معلهش انا كنت عايز اعرف اهداف الاسرة بالضبط
هو يوم الثلاثاء الدكتور ثروت قال لنا عليها
وكمان قال ان هى اسره ملهاش اهداف سياسية ولا دينية
تب ايه هى اهدافها بالضبط ؟
يعنى تقصدو ايه ب احنا نقدر ؟
احمد النمر
06-01-2010, 04:00 PM
معلهش انا كنت عايز اعرف اهداف الاسرة بالضبط
هو يوم الثلاثاء الدكتور ثروت قال لنا عليها
وكمان قال ان هى اسره ملهاش اهداف سياسية ولا دينية
تب ايه هى اهدافها بالضبط ؟
يعنى تقصدو ايه ب احنا نقدر ؟ الاسره دي طبعا ملهاش ميول لا سياسيه ولا دينيه ...
الموضوع وما فيه انها اسره زي بقيه الاسر لها كل الانشطه
انشطه ثقافيه انشطه دينيه ورحلات وكده يعني
بس الاهتمام الكبير هيبقى من الناحيه الاجتماعيه
احنا نقدر دي بقى
على اساسا ان احنا مش مجرد طلبه بتدرس وبس
لا احنا هنقدر ونقدر نساعد ناس محتاجين
بس هو ده غرض الاسره الرئيسي
eng.white knights
06-01-2010, 08:11 PM
مشيت جريح في وسط الريح ... بقول بعلو صوتي ليه؟؟؟
خلاص هموت انا من السكوت...نفسي اقول جوايا ايه
يبنوا جدار و يبقى نار...لو انت راجل قرب ليه
هتشوف الويل و مستحيل ...تعرف تبص حتى عليه
في فلسطين المجروحين...مش عارفين هياكلوا ايه؟؟
مفيش غذاء مفيش دواء...مفيش سرير ينام عليه
ده كله كوم و غزة كوم ... بيضربوها قولي ليه؟؟
كل ده و بيسألوني.... يقولوا مالك؟؟؟ اقول سيبوني
و لما قولت فيا ايه... قالوا لي اسكت ليحبسوني
يفرق بيننا و بين اخونا ...كل ده علشان يحمونا!!!
يا عم سيبنا نعمل حاجه...حرام عليكوا هتخنقونا
في حد يفرق بين الاخوات؟؟...ضميركوا فين ؟دا شكلوا مات!!
اضحك على نفسك مش عليا... هو احنا يعني ارجوزات؟؟
واحد سألني هتعمل ايه؟؟؟...في خطوتين قربت ليه
و قولت بس اصفي النيه...نعمل اللي نقدر عليه
ندعي في صلاتناو بدعائنا ...ينصره على من يعاديه
عرف اخوك اختك و ابوك... و قوله برده يدعي ليه
و اوعى تنسى من مصروفك...سيب له جزء اتبرع ليه
هو دا اللي بين ايديا ...هو دا اللي اقدر عليه
خلص كلامي مع سلامي ... مستنيكوا تردوا عليه!!
و عجبي!!!
dream4four
06-01-2010, 08:13 PM
جميلة جدا بجد والله انت بجد فنان
المشمهندس على
06-01-2010, 08:20 PM
جميله جدا جدا يابشمهندس والله
على فكره الدكتر ثروت عجبه كلامك اوى اصله بيحب الحجات دى انا كنت حاضر المحاضره بتاعته الاخيره بس مكنش ينفع اقوله انا اهه
بس انت تسلم ايدك ع القصيده
مستنين الفعل بقى مش مجرد كلام وشعارات
وربنا يوفقك
abotreka5
06-01-2010, 09:38 PM
رائعه جدا يابشمهندس اتعلمت منه الدعاء لفلسطين فى صلاتي واعرف الناس بقضيه فلسطين وما حدث فى بناء الجدار ومحاصره الشعب الفلسطينى واتعلمت معنا الاخوه (الدين)
فانت رجل تسخر موهبتك فى خدمه دينك
l'aimeur
06-01-2010, 10:45 PM
شكرا يا هندسة انك بتصحى ضميرنا بالنسبة لموضوع فلسطين لعل وعسى ان احنا نقدر نعمل حاجة ولو حتى بالدعاء .
و بجد انت رائع.....
وربنا يوفقك.....
elsa3id
06-01-2010, 11:54 PM
إنت راجل محترم وبجد فرحان إن إنت عندك موهبه بالشكل ده....وأتمني إنك تحافظ ع تنميتها بإستمرار .....وقولتلك إن "شكلوا مات" مكانتش عاجباني ورأيي"أكيد مات"....أشوفك بكره يا باشا
eng.white knights
07-01-2010, 10:00 AM
36 لوحة مطلوبين ...و مفيش معايا الا 30
فضلت اضرب كف على كف...هجيب ال6 دول منين؟؟
قولت اما ارسم لوحة كمان...جايز تيجي في الامتحان
قومت فاتح على اي صفحة...لاقيت ادامي رسمة جنان!!
كانت 227 ...اروح شمال تيجي لي يمين
لاقيتها واقفة مستحلفالي...تقول و الله مانتم راسمين
طلعت لوحة السنة اللي فاتت...عرفت و كنت هطب ساكت
قفلت كتابي زي الباشا...و قولت يالا اهي ماده اتشالت
l'aimeur
07-01-2010, 10:20 AM
هاهاهاهاهاهاهاها جميلة جدا جدا انا مش عارف امسك نافسى من الضحك جميلة جدا يا هندسة اصل هو ده الى حصلى
The..One..MiShO
07-01-2010, 10:36 AM
ههههههههههههههههههههه
والله العظيم انت دماااااغ ....
هوه ده فعلا اللى هايخرجنا من التشاؤم اللى احنا فيه !!!!!!
:D:D:D:D:D:D:D:D:D
incredible_heart
07-01-2010, 10:46 AM
يا بشمهندس احمد ربنا واحد غيرك مش معاه غير 22 لوحه مش عارف اجيب الباقى منين
يارب( توب علينا بقى)
civileng37
07-01-2010, 10:55 AM
جميلة جدا يا هندسة
بجد الواحد مش عارف يعمل اية فى الرسم دا والمقابلة يم الاحد وكمان فية مقابلة رياضة فى نفس اليوم دا غير امتحان المصادر بكرة
بجد والله انا اتخنقت
ربنا يستر من اليوم دا ويعدى على خير
احمد النمر
07-01-2010, 11:21 AM
الله هو المعين
C.E.HIMAAA
07-01-2010, 12:43 PM
ههههههههههههههه
اقل حاجة تتقال على الرسم والله
eng_osama
07-01-2010, 01:05 PM
nooooooooooooooooo cooooooomment
m.eng73
07-01-2010, 01:08 PM
مشكور يابشمهندس على القصيده
ولكنى مخنوق موت من حماس وزفت وصدقنى مصر مقصرتشى فى حق فلسطين
وربنا يرحم الشهيد احمد شعبان
ويصبر اهله
eng toti
07-01-2010, 01:09 PM
ياجماعه أنا خلصت في الثانيه دي 31 لوحه هل ممكن أروح بيهم المقابله ولا ايه حد يرد ولو ممكن حد يقولي اللوح اللي الدكتور طلبها ايه
C.E.HIMAAA
07-01-2010, 01:09 PM
جميلة يا بشمهندس
m.eng73
07-01-2010, 01:22 PM
دى سهل جد جدا يا بشمهندس
والله حاجه تسد النفس
ومن اول السنه رسم مدنى اسهل من الميكانيكى
mody90
07-01-2010, 01:41 PM
جامده جدااااااااااااااااااااااهههههههههه ههههههههههههههههههه
m.eng73
07-01-2010, 01:42 PM
اسمع القصيدة
دى مقطوفه من مقطوفات تامر حسنى
انا شايف دلوقتى قدامى رسمه هيجرالى حاجه لو مرسمتهاش
مشفتش فى غبائها انا اى واحده هيجرالى حاجه لو عرفتهاش
واعمل ايه وانت تعب كدا اولى مدنى وانا واحد من اولى مدنى اللى تعبوا منك
وانا كنت فاكر نفسى كدا فى الرسم استاذ
وجيبتنى بطرق وترعك وكبريكى
يارسمه اللى انت عملت فيها مش قادر افسر فيكى كلمه
كدا بقى يرضيكى ااااااااااااه
ياوحشه اللى انت عملتيه فيه مش قادر افسر فيكى كلمه
معقول تثبتنى التثبته دى
طب كلمه لي طب نظره لي طب ارسم فيكى الخطوط العاديه طب اهشر اى حاجه
واعمل ايه وانت تعبه كل الناس
وانا كنت فاكر نفسى فى الرسم استاذ
captain hema
07-01-2010, 01:53 PM
كده والله طمنتوني
ربنا معانا
وحسبي الله ونعم الوكيل
clever engineer
07-01-2010, 02:01 PM
:salam:
ازيكوا يا شباب لعلكم بخير :127:
طبعا انا كتبت حاجة جديدة بس مش كبيرة فقلت اقولها لكم
وطبعا انا عاوز في الاول انوه على شوية حاجات : ان اسرتنا ملهاش
اي اتجاهات سياسية ولا دينية وقصائدي لا تمثل الاسرة بل تمثلني وده
طبعا علشان لو خربطت في حاجة فالاسرة ملهاش دعوة وثانيا قصائدي
لا تتعارض مع النظم السياسية ولا مع اي حاجة بس هي حاجات بفضفض
بيها بدل ما نطق من اللي بنشوفه وعلشان ما اطولش عليكم نقول:
ظلم أمريكا
متى يزول الظلام وظلم أمريكا زادت جميع المكاييل والموازينا
بين التجبر والاجرام حلَّ بنا خَوَرُ وضعفُ وجُبنُ عمَّ وادينا
أبناء جِلدتِنا هزوا كرامتنا باعوا المآذن والقرانَ والدينا
جاء العدا بجنود لا خلاق لهم يروون أرضي دماءً من اهالينا
حب التشفي أصل في طبيعتهم بل والغباءُ وبغض السِلمِ واللينا
هم يكرهون رسولي بل ومن يدعوا الى المكارم والاخلاق والدينا
يارب مزق جموع الكفر قاطبة وزلزل الارض دوما تحتهم شينا
وارحم عبادا لقوا بالظلم مصرعهم بين المدافع والتحطيم والطينا
وانصر عبادك يا مولاي وارفعهم واقتل بعدلك أقواماً تعادينا
واهد العروبة يا رحمنُ واجبرنا و اهدم كيانَ اليهودِ الملاعينا
وكالعادة مستني ارائكم جميعا
وربنا يستر وما نروحش المعتقل ههههههههههه
وربنا يهدي الجميع ويوقع الهدى
ويجعله عامر:127:
بجد ربنا يوفقك يا هندسه وموهبتك دي جميله جدا والله وانا موش بحسد والله انا بحقد بس ههههههههههههههههه
انا بهزر طبعا
بس ياريت يعني لو مكنش يدايقك تنشر قصيده عن الحب عشان بس محدش يفهم الاسره غلط
يعني ميبقاش كله امريكا وكده يعني
شكرا
clever engineer
07-01-2010, 02:18 PM
علشان خاطر الاخ mnmn خد دي يا عم
أمات الحب عشاقا وحبك انتي احياني
ولو أنسالك ياعمري منايا القلب تنساني
وأنا ما ضعت في وطن ففي عينيكي عنواني
بس دي مش بتاعتي
وخد دي كمان
دي بقى اللي بتاعتي
ماذا اقول لدمعة نزلت على الخدين كالبركانِ؟
ماذا اقول وادمعي يئست بها جوارح الاركانِ؟
ماذا اقول وضيعتي كانت بقلبٍ هاجرٍ لحناني؟
ان السُكَارى في العذاب تقلبوا، ماذنب قلبي؟ هل دائم السُكرَانِ؟
فيا ايها القلب البئيس ألاانتهي واهدأ وكُن اسداً على الأشجانِ
ويجعله عامر:127:
متشكر جدا ليك يا هندسه والله العظيم جميله جدا
CR@ZY_ENG
07-01-2010, 02:46 PM
بجد ربنا يبارك فيك ويوفقك
وتكون متميز في دراستك زي قصائدك
ومستنين المزيد
ahmed22
07-01-2010, 03:37 PM
ههههههههه قصيده جامده يا هندسه انا زيك برضو عملت 30 لوحه ومش عارف اعمل حاجه تانيه وعلى رايك اهى ماده اتشالت والبقيه تاتى
احمد النمر
07-01-2010, 04:06 PM
هه
ههه
هههههه
هههههههههههه
ههههههههههههههههه
ده احنا بقينا في السحلبان خــــالص
هههههههههههههههههه
هههههههههههههه
هههههههههه
هههههه
ههه
ه
ده احنا فكينا من الرسم وقعدنا نألف اغاني
هههههههههههههه
clever engineer
07-01-2010, 04:07 PM
ايه يا جماعة فينكوا :eh_s(10):
حاجة غريبة جدا انا شايف ان عدد المشاهدات بيزيد وعدد الردود زي ما هو
انتم خايفين تردوا ولا ايه
محدش عاوز يجي المعتقل ههههههههه ولا ايه
ويجعله عامر:127:
ENG:A.Abdalla
07-01-2010, 04:44 PM
متزعلش يا يا هندسه اصل الناس كلاها مشغوله دلوقتي .....
بعيد عنك عندهم مقبلات
هههههههههه
جبار يا صالح جبار
استمر علي كدا
ويجعله عامر بموهبتك دي
eng toti
07-01-2010, 04:58 PM
يا جماعه يعني ينفع أدخل المقابله ب31 لوحه ولا ايه
civileng37
07-01-2010, 05:39 PM
متقلشى يا ابو حميد هنقبى ندخل مع بعض انت 31 لوحة وانا 32 لوحة يعنى مش فارقة كتير بس قولى الاول انت خلصت شيت الرياضة ولا لسة
خربانة خربانة هههههههههه
المشمهندس على
07-01-2010, 06:17 PM
على رئيك والله
هى فعلا خربانه خربانه
يلا بقى حسبى والله ونعم الوكيل
اول مره يبقى ادامنا 100 حاجه المفروض نعملها والياس مانعنا اننا نعمل اى حاجه لاننا فى صراع مع الزمن وميت ماهعمل مش هنجز حاجه ولازم اجى على ماده او مادتين
المشمهندس على
07-01-2010, 06:23 PM
بصراحه يابشمهندس
انا شايف ان قصيدتك بتاعه امريكا دى هو اجمل قصيده انت كتبتها
ربنا يوفقك كمان وكمان ويزيدك
تسلم عيونك ويسلم قلمك ياغالى
وربنا يجازيك خير على كتاباتك الجميله دى
C.E.HIMAAA
07-01-2010, 06:33 PM
ما شاء الله عليك
يا عم سيبك من الهندسه والكلام ال يدوخ دة وخليك فى الشعر الجميل دة
ههههههههههه
eng.white knights
07-01-2010, 08:35 PM
على فكرة يا صالح جمييلة جدا بجد و عجباني اوي
يالا يا سيدي نروح مع بعض في المعتقل
eng toti
07-01-2010, 10:09 PM
متقلشى يا ابو حميد هنقبى ندخل مع بعض انت 31 لوحة وانا 32 لوحة يعنى مش فارقة كتير بس قولى الاول انت خلصت شيت الرياضة ولا لسة
خربانة خربانة هههههههههه
انا مش قلقان انا مرعوب اول مره يبقي عليا ضغط كبير كده أما بالنسبه للرياضه أنا بنقلها اهه وربنا يسهل
galaxy
07-01-2010, 10:29 PM
حلووووووة يا باشمهندس والله انا حاسة انك بتتكلم عنى اصلاً.....
انا كمان يا جماعة مش عندي غير 31 لوحة بس!!! مش عارفة اعمل الباقى منين؟؟؟ ومش عارفة الدكتور هيعمل فيا ايه اصلاً!!! انا مرعوووووبة...
مدنى ده كان المفروض يتسمى:مدنى هندسة:مش هتلحق تغمض عنيك...
والله العظيم تعبت واتخنقت انا لما بغمض عينى بلاقى حاجة غريبة كدة ذى الاسكرين سيفر على شكل تهشير اتربة وحاجات غريبة كدة...
انا بجد خاااااايفة اوى...
ممكن حد يقوللى الخمس لوح دول ياثروا معايا فكام درجة؟؟
احمد النمر
07-01-2010, 10:33 PM
ههههههههه
والله العظيم انا كل اللي عندي تلاتين لوحه
وفي كمان لوحتين الدكتور كان طلبهمـ يبقى كده 32 لوحه هأروح بيهم دول بس
ومش هأجيب اي حاجه تانيه
clever engineer
07-01-2010, 11:06 PM
بالنسبة للقصيدة مشكور جدا يا هندسة يا فنان
وبالنسبة للوح الرسم
كل اللي اقدر اقوله كلمة للابنودي بتقول
مرة رحت وبعدين رجعت لقتني تهت في بير غويط
والمعنى في بطن الشاعر
ويجعله عامر:127:
clever engineer
07-01-2010, 11:13 PM
مشكورين لمروركم يا بشمهندسين
ويجله عامر:127:
civileng37
07-01-2010, 11:19 PM
مدنى ده كان المفروض يتسمى:مدنى هندسة:مش هتلحق تغمض عنيك...
والله العظيم تعبت واتخنقت انا لما بغمض عينى بلاقى حاجة غريبة كدة ذى الاسكرين سيفر على شكل تهشير اتربة وحاجات غريبة كدة...
عندك حق والله يا بشمهندسة
مع مدنى مش هتقدر تغمض عنيك
وعلى راى واحد صحبى بحبة اوى مدنى مش هتبطل نقل شيتات
galaxy
07-01-2010, 11:37 PM
كنت زمان مدنى وافتخر....
دلوقتى بقيت مدنى و انتحر....
........................
كله كوم و الرسم فى كوم....
ضيعلى التيرم يوم ورا يوم....
.........................
والمعيد...... ومستقصدنى...
كل ما ادخله سكشن ... منه بيطردنى....
..........................
وجاى يقوللى مطلوب منى ستة وتلاتين...
فردت لوحى وقولت: وبك نستعين.....
..............................
فتحت على رسمة لقيتها من وحى الخيال.....
لقيت حاجات ولا كانت ع البال....
كل ما اجى اشدلى خط...قلمى يزعقلى ويقوللى ده شىء محال.....
........................
قولت اهدى نفسى شوية وادخل انام ....
لقيت النوم بقى عندى غير....
أغمض يا ناس واحلم بتهشير....
قولت مش مشكله... اصبر....اكيد خير....
.......................
فتحت عينى لقيت الT فى وشى....
مسكتها ورسمت قبل ما اغسل حتى وشى...
اصله بقى شيء روتينى عندى... بديهى كدة من غير تفكير...
..................
قولت هبدأ فى الخرسانة...
يعنى جديدة وفى الدماغ لسه عمرانة...
..........................
رسمت شوية وقولت هغير.....
أرسم ايييييييه؟؟؟ :eh_s(10): ارسم ايييييييه؟؟؟:eh_s(10):
.....................
كوبرى صغير....
.........................
رسمت رسمة وطلع منظرها غريب...
حتى التهشير فيها والله عجيب.....
........................
اتعقدت....
واتخنقت....
لقيتنى ضاع منى كل الوقت....
..........................
باقى دقيقة...باقى دقيقة...
اعمل اييييييه؟؟؟ :eh_s(10)::eh_s(10):اعمل اييييييه؟؟؟:eh_s(10)::eh_s(10):
كملت الكوبرى ... ورميت نفسى من عليه.....
فى النهاية...حسبى ربى...مالى غيره اشكى ليه...
توقيع طالبة فى قسم :
مدنى مش هتلحق تغمض عينيك....
clever engineer
07-01-2010, 11:43 PM
ايه الحلاوة دي
انت واشرف بتكتبوا شعر بطريق الراب
بس حلوة كمل وانضم لرابطة شعراء مدني
مشكور يا هندسة
ويجعله عامر:127:
civileng37
07-01-2010, 11:44 PM
جميلة اوى يا بشمهندسة
الظاهر ان مدنى كلها مواهب من اللى بيحصلهم
ههههههههههههههههههههههه
مدنى مش هتلحق تغمض عنيم
مدنى مش هتلحق تغمض عنيك
مدنى مش هتبطل نقل شيتات
مدنى انتحار.......................
بجد القصيدم معبرة جدا عن الواقع
ربنا يستر
ياررررررررررررررررررررب
الله يكرمك عشان عبرتى عن كل اللى جوايا
eng_osama
08-01-2010, 12:06 AM
اية الرووووووووعه دى
بجد جااااااامدة
بس هو مدنى اللى بيعمل كل دة فى الطلبة
الاشعار دى بقى عاوز ملحنين وفنانين وتتغنى وتبقى تمام
محمد فتحى
08-01-2010, 01:54 AM
على فكره سيبك من الامتحانات وخليكى فى الشعر
حسبى الله ونعم الوكيل
فى الكليه دى
halls
08-01-2010, 02:19 AM
كنت زمان مدنى وافتخر....
دلوقتى بقيت مدنى و انتحر....
........................
كله كوم و الرسم فى كوم....
ضيعلى التيرم يوم ورا يوم....
.........................
والمعيد...... ومستقصدنى...
كل ما ادخله سكشن ... منه بيطردنى....
..........................
وجاى يقوللى مطلوب منى ستة وتلاتين...
فردت لوحى وقولت: وبك نستعين.....
..............................
فتحت على رسمة لقيتها من وحى الخيال.....
لقيت حاجات ولا كانت ع البال....
كل ما اجى اشدلى خط...قلمى يزعقلى ويقوللى ده شىء محال.....
........................
قولت اهدى نفسى شوية وادخل انام ....
لقيت النوم بقى عندى غير....
أغمض يا ناس واحلم بتهشير....
قولت مش مشكله... اصبر....اكيد خير....
.......................
فتحت عينى لقيت الT فى وشى....
مسكتها ورسمت قبل ما اغسل حتى وشى...
اصله بقى شيء روتينى عندى... بديهى كدة من غير تفكير...
..................
قولت هبدأ فى الخرسانة...
يعنى جديدة وفى الدماغ لسه عمرانة...
..........................
رسمت شوية وقولت هغير.....
أرسم ايييييييه؟؟؟ http://manseng.net/images/smilies/eh_s%2810%29.gif ارسم ايييييييه؟؟؟http://manseng.net/images/smilies/eh_s%2810%29.gif
.....................
كوبرى صغير....
.........................
رسمت رسمة وطلع منظرها غريب...
حتى التهشير فيها والله عجيب.....
........................
اتعقدت....
واتخنقت....
لقيتنى ضاع منى كل الوقت....
..........................
باقى دقيقة...باقى دقيقة...
اعمل اييييييه؟؟؟ http://manseng.net/images/smilies/eh_s%2810%29.gifhttp://manseng.net/images/smilies/eh_s%2810%29.gifاعمل اييييييه؟؟؟http://manseng.net/images/smilies/eh_s%2810%29.gifhttp://manseng.net/images/smilies/eh_s%2810%29.gif
كملت الكوبرى ... ورميت نفسى من عليه.....
فى النهاية...حسبى ربى...مالى غيره اشكى ليه...
توقيع طالبة فى قسم :
مدنى مش هتلحق تغمض عينيك....
الله الله الله عظمه على العظمه يا ست بجد راااااااائع ايه الحلاوة دى بجد روووووعه يا باشمهندسه تسلم ايدكى رائع بس هو حضرتك فى الحته الاولنيه دى والله العظيم دة انا بالظبط بجد حلوووو جدا ايه دة نزار جلكسى ..... لا لا لا لا ايمن بهجت جلكسى ....... ممنون اووووى يا باشمهنديه وفى انتظار المزيد بقى فى الرياضه والقانون والاحصااا دى هتبقى ابدااااع
احمد النمر
08-01-2010, 02:19 AM
بسمـ الله ما شاء الله
حاجه جميله اوي في ناس كتير اهي بتكتب
بس مش عارف المنتدى في ايام الامتحانات مليان قصايد واشعار
يعني احنا فاضيين نألف كلامـ معسول من ده
هههههههههه
ولا ده من حيرتنا فــ بنفكـ عن نفسنا شويتين
بس بأذن الله عايزين المواهب دي برده في الايام العاديه
يا شباب مدنــــــــــــــــــــــــــــ احنا في عرض الوقت ــــــــــــــــــــــي
بالتوفيق يا اخواتي
eng.white knights
08-01-2010, 02:24 AM
هاهاهاهاهاهاهاهاههاهاهاهاههاهاهاهه اهاهاهاي
يالا يا ولاد انا عايز المنتدي يولع اشعار
ياكش تولع المذاكرة
لا بس بجد جامده ماتنساش تاخدني معاك على الكوبرى علشان هنط معاك
C.E.HIMAAA
08-01-2010, 07:53 AM
انا بقترح اننا نعمل مكتبة شعر لأولى مدنى
بجد فى ناس تستاهل ان الناس كلها تقرأ الشعر بتاعها
تسلم يا هندسه
العبارة في الشكارة
08-01-2010, 08:11 AM
kteeeeeeeeeeeeeeeeeeeer nice .....................teslam
joky2013
08-01-2010, 10:33 AM
جمياة اوى
بس
مش كل اما افتح المنتدى الاقى قصيدة جديدة
captain hema
08-01-2010, 10:54 AM
الله الله الله
المواهب ظهرت ايام الامتحانات
دليل ان الكلام اللي بيتكتب
الناس فعلا حااسة بيه
انا معاك يا هيما في مكتبة الشعر لاولى مدني
المشمهندس على
08-01-2010, 06:43 PM
والله حلوه فكره مكتبه اولى مدنى دى يخيشك ياد ياهيما ههههههه
بس بلاش دلوقتى احسن سمعت ان الاداره ناويه ان شاء الله تعمل قسم للابداع الادبى ساعتها نحط فيه اللى احنا عاوزينه فى الاجازه بقى
Luana
09-01-2010, 03:10 PM
كنت زمان مدنى وافتخر....
دلوقتى بقيت مدنى و انتحر....
........................
كله كوم و الرسم فى كوم....
ضيعلى التيرم يوم ورا يوم....
.........................
والمعيد...... ومستقصدنى...
كل ما ادخله سكشن ... منه بيطردنى....
..........................
وجاى يقوللى مطلوب منى ستة وتلاتين...
فردت لوحى وقولت: وبك نستعين.....
..............................
فتحت على رسمة لقيتها من وحى الخيال.....
لقيت حاجات ولا كانت ع البال....
كل ما اجى اشدلى خط...قلمى يزعقلى ويقوللى ده شىء محال.....
........................
قولت اهدى نفسى شوية وادخل انام ....
لقيت النوم بقى عندى غير....
أغمض يا ناس واحلم بتهشير....
قولت مش مشكله... اصبر....اكيد خير....
.......................
فتحت عينى لقيت الT فى وشى....
مسكتها ورسمت قبل ما اغسل حتى وشى...
اصله بقى شيء روتينى عندى... بديهى كدة من غير تفكير...
..................
قولت هبدأ فى الخرسانة...
يعنى جديدة وفى الدماغ لسه عمرانة...
..........................
رسمت شوية وقولت هغير.....
أرسم ايييييييه؟؟؟ :eh_s(10): ارسم ايييييييه؟؟؟:eh_s(10):
.....................
كوبرى صغير....
.........................
رسمت رسمة وطلع منظرها غريب...
حتى التهشير فيها والله عجيب.....
........................
اتعقدت....
واتخنقت....
لقيتنى ضاع منى كل الوقت....
..........................
باقى دقيقة...باقى دقيقة...
اعمل اييييييه؟؟؟ :eh_s(10)::eh_s(10):اعمل اييييييه؟؟؟:eh_s(10)::eh_s(10):
كملت الكوبرى ... ورميت نفسى من عليه.....
فى النهاية...حسبى ربى...مالى غيره اشكى ليه...
توقيع طالبة فى قسم :
مدنى مش هتلحق تغمض عينيك....
http://www.mor3ben.com/forum/images/gifts/banota.gif (http://www.mor3ben.com/forum/vbplaza.php?do=givegift&userid=1082)والله جميلة جدا يا جلاكسي انا مكنتش مصدقة انها هتكون حلوة اوي كده ومن شخصية احلى كمان...........يلا ورينا الابداع بس بعد الامتحانات بقا منتظرينكhttp://forum.mazikaclub.com/images/smilies/showoff.gifhttp://forum.mazikaclub.com/images/smilies/showoff.gifhttp://forum.mazikaclub.com/images/smilies/showoff.gif شدوا حيلكم يا شباب مدني عمره ماكان سهل بس انتم قدها ان شاء الله.............ربنا يوفقكم يااااااااااااااااااااااااااااااااا ااااااااااااااارب
:eh_s(8)::eh_s(8)::eh_s(8):
http://t2.gstatic.com/images?q=tbn:-6jyRnUUwa28VM%3Ahttp://academics.utep.edu/Portals/990/Civil%2520CIMMME%2520logo.jpg (http://images.google.com.eg/imgres?imgurl=http://academics.utep.edu/Portals/990/Civil%2520CIMMME%2520logo.jpg&imgrefurl=http://meteng.7olm.org/&usg=__nODT8MtblMMlzhVjCxLKv4tv4jQ=&h=608&w=1289&sz=64&hl=ar&start=5&um=1&tbnid=-6jyRnUUwa28VM:&tbnh=71&tbnw=150&prev=/images%3Fq%3D%25D9%2585%25D9%2586% 25D8%25AA%25D8%25AF%25D9%258A%25D8 %25A7%25D8%25AA%2B%25D9%2585%25D8% 25AF%25D9%2586%25D9%258A%26hl%3Dar %26safe%3Doff%26client%3Dfirefox-a%26rls%3Dorg.mozilla:en-US:official%26sa%3DN%26um%3D1)
eng dody webas
09-01-2010, 03:45 PM
بجد انتى عبرتى عن جزء من البركان اللى جوايا تسلمى ياحبيبة قلبى وبجد انتى شاعرة ممتازة وعرفتى توصلى مدى المعاناة شكرا ياجلاكسي وربنا يوفقك فى الدراسة والموهبة الجميلة دى واشوفك اجمل واحلى بشمهندسة وشاعرة
بجد جامد والله يا هندسه بس هقولك ايه اكتر من اللي حليم قاله/
قسوة حبايبي مغلباني اوعا يا قلبي تحب تاني
galaxy
10-01-2010, 08:10 AM
أولاً صباح الخييييير....
يارب تكونوا كلكم تمام كدة وبخير ومظبطين فى المقابلات ..ربنا يوفقنا كلنا يارب
ثانياً الف شكر لكل الباشمهندسيبن والباشمهندسات اللى ردوا ردود جميلة وربنا يوفق الجميع...
ثالثاً أسفة جدا على النظرة التشاؤمية والمحبطة اللى بانت منى فالاغنية دى بس والله انا بحاول اخرج نفسى واخرجكم منها بشكل كوميدى ويضحكنا شويه..
التغيير مطلوب ياجماعة عشان نقدر نكمل....
رابعاً بقى: بالنسبة للباشمهندس wana doma
ايه الهبل دا
نو كومنت على الاسلوب بصراحة...
هو كل واحد بيفكر يكتب حاجة يبقى شاعر ؟؟؟؟؟؟؟؟
مين قال ان كدة انا شاعرة؟؟
اكيد ياباشمهندس انا مش هروح اكتب فالعنوان 0((قصيده)) واكتب فالموضوع بالعامية الا لما اكون بكتبها من باب الهزار والمرح عشان اخرج واخرج الناس من الجو اللى احنا فيه ...ولا ايه؟؟
كلنا عارفين ان ده مش شعر او ممكن نقول شعر هزلى لانه بالعاميه... المهم اننا عملنا الموضوع من باب المرح ليس إلا....
وحفاظاً على نظام المنتدى تكرم بعض المهندسين واقترحوا فتح الموضوع ده عشان اى حد عنده حاجة زى دى يدخل يكتبها هنا بدل مانقلب منتدى القسم استراحة.... ولا ايه؟؟
ههههههههههههه
و عــجبـــــــي !!!!
انت يا هندسة انت وهو خليكوا ف المذاكرة احسن
عموماً برضه شكراً لتواجد سيادتك معانا فالموضوع بس ياريت نهدى نفسنا شوية ونتكلم باسلوب مايضايقش حد..انا عارفة ان الناس كلها اعصابها مشدودة من الامتحانات بس مش كل الناس تتحمل عصبية غيرها يا باشمهندس..ياريت كلنا نتعلم نعارض ونعترض بس باسلوب حسن شوية ..
وربنا يوفقك...
خامساً اسفة على الاطالة
وربنا يوفكنا كلــــــــــــــــــنا ياااااااااااارب
incredible_heart
10-01-2010, 04:21 PM
مش ممكن..........
صديقة وفية
10-01-2010, 04:25 PM
تحفة بجد يا جالكسي الكلمات اللي انتي كتباها خطيرة واستمري بجد منتظرينك
واي احباط او كلام مضايقك متاخديهوش في الاعتبار
وبجد ردك جميل ومحترم
سلام يا حبي
galaxy
11-01-2010, 07:34 PM
مش ممكن..........
لا ياباشمهندس طول ما حضرتك فى هندسة توقع اى شيييييييى:eh_s(4):
ربنا يسترها علينا ونطلع منها واحنا بكامل قوانا العقليه ((او حتى نصها اهو يبقى كويس برضه:eh_s(9):....))
تحفة بجد يا جالكسي الكلمات اللي انتي كتباها خطيرة واستمري بجد منتظرينك
واي احباط او كلام مضايقك متاخديهوش في الاعتبار
وبجد ردك جميل ومحترم
سلام يا حبي
ميرسى كتير ع ذوقك حبيبتى والله انتى اللى جميله جداً...
ربنا يوفقنا كلنا يااااااارب....
clever engineer
11-01-2010, 07:43 PM
:salam:
اولا احب اتوجه بالشكر الى صاحب فكرة مكتبة اشعار فرقتنا
والى منفذ الفكرة :127:
ثانيا اتوجه بخالص التقدير الى زملائي المبدعين من الشعراء
خاصة أشرف وجلاكسي وبقولهم ان شاء الله في الاجازة لازم نكون على اتصال دائم
ببعض علشان ننزل اول ديوان لاولى مدني في بداية الترم التاني ان شاء الله
واللي على الاقل لازم يضم 30 قصيدة يعني كل واحد فينا هيبقى مكلف ان شاء الله بعشر
قصائد ولو زود يبقى خير
وربنا يديم المودة والمعروف
ويجعله عامر:127:
المشمهندس على
12-01-2010, 12:53 AM
بجد والله احييكم جدا
بصراحه انا مش مصدق ان فى ناس لسه مكملوش 20سنه وعقليتهم كبيره جدا وبالادب والاخلاق والاصرار الجميل دا
انا ليا الشرف والله انى طالب فى دفعتكو
دا لو اتنفذ هيبقى ديوان ناااااااااااااار
ربنا يوفقكو وماتقلقوش ولا تفقدو الثقه بانفسكم
للمزيد ياشباب
مهندس مدنى
20-01-2010, 06:16 AM
السلام عليكم
جميله جداً يا صالح ومستنين
قصيدة القانون والمصادر
بس مش عرفين هتكون رثاء لحالنا ولا
مدح لساده أعضاء هيئه التدريس للماده
الله أعلم.
واحده من الناس
20-01-2010, 06:36 AM
ما شاء الله
ربنا يكرمكوا ان شاء الله
Yondaime
09-02-2010, 07:09 PM
مشاء الله عليك ونرجو منك المزيد
ENG / HAZEM CORSA
18-02-2010, 01:44 PM
ربنا يقدرنا يا رب على فعل الخير دايما يا جماعه بجد ربنا يديكم على اد نيتكم
اهلاوى
19-02-2010, 11:08 AM
احـــنا ولاد مدنى الجامدين
فى اى موقع تلاقينا واقفين
وفى اى سؤال عندنا رد
انت مش بتكلم اى حد
ده احـــــنا المهندسين وفى المجتمع مهمين
ولوكان حتى معاك حصانه احنا بتوع الخرسانه
ده احـــــنا المهندسين وفى المجتمع مهمين
لو روحنا تروح الكبارى والطرق والمبانى
ده المهندس عايش بعقله مش زى ما بتقولو حرامى
احنا قسم جوا قسم
ولو دورت تلاقى صرف تلاقى سكك وتلاقى رى
ده احنا المدنين اللى فى باقى الاقسام منورين
مهما قالو عليناباقى الاقسام زلط ورمل وحفر كمان
نرد نقول احنا المدنين
اللى من غيرنا انتو مش عايشين
قسم مدنى القسم بتاعنا ولو ف حاجه قول سماعنا
لانه قسم الناس الجامدين واللى احنا كده بيه راضين
قسم احلى طلبه ودكاتره ومعيدين
بص شوف فيه مين ولا مين
دول هما المهندسن اللى فى المجتمع مهمين
فكر كده على فين رايحين
رايحين وزره ورؤسه وكمان محافظين
لان دول الدكاتره المهندسين اللى ف الجتمع مهمين
ملحوظه (رؤسه) اى رئاسه المجالس المحليه محدش يفهم غلط ويارب تعجبكو يارب وانا قولتها لانى بحب قسم مدنى مع احترامى لباقى الاقسام
دى اول مشاركه ليا بكتابه خواطر هنا يارب اعرف رايكو
C.E.HIMAAA
19-02-2010, 12:21 PM
ممممممممممم
جميلة يا بشمهندس بس فى موضوع لأشعار وخواطر فرقتنا
karkar
19-02-2010, 12:22 PM
جميل جدا يا باشمهندس
احنا محتاجين فعلا نعتز بنفسنا اكتر مشكوررررررررررررررررررر
civileng37
19-02-2010, 01:20 PM
جميلة جدا يا بشمهندس
المشمهندس على
19-02-2010, 01:33 PM
جميله جدا يابشمهندس
تسلم ايدك والله
وفى انتظار المزيد بدايه موفقه
clever engineer
19-02-2010, 03:08 PM
:127:تسلم الأيادي يا هندسة:127:
:127:وبداية موفقة وفي انتظار المزيد من ابداعاتك:127:
:127:وتقبل مروري:127:
:127:ويجعله عامر:127:
NaSeR
23-02-2010, 01:10 PM
والله يا جماعه
قصااااايد جميله جدا
بس انتو كده هاتخلونا نغير تفكيرنا فى مدنى
galaxy
23-02-2010, 01:51 PM
ايه التشجيع الحلو دا...ايوة كدة ارفع من روحنا الله يكرمك ....
:127:حلو ياباشمهندس بداية موفقة..:127:
:127:وفى إنتظار القادم إن شاء الله ...:127:
أحمد قمصان
23-02-2010, 02:19 PM
جميل يا اهلاوي ...... ههههههههه
mamado20
23-02-2010, 04:43 PM
iiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiii
mamado20
23-02-2010, 07:56 PM
ســبـت الــمـعـمـل وأنــا قـــرفــان **** رحــت مــحاضرة وحالتى غبية
بـعــد شــويــة غــلـبــنـى الـــنــوم **** بــس سـمــعـت زعــيـقـة قــويــة
قـــمـت بســرعة وأنــا مــصـدوم **** أصــل الــزعــقــة طـلـعــت لـيّــه
قـالـلـى الدكـتـور نــايــم نـيـنـنـا؟! **** نـام يا حـبـيـبـى صـعـبـت علـيّــه
هــات كـارنــيهــك بـس أشـوفـوا **** يــبــقى أنـا ساقط مــيــه الـمـيه
يــــادى الـنـيــلـة حـعـمـل إيــه؟؟ **** أنـــا مــــش نـــاقــــص أى أذيــة
مـامـا حـبـيـبـتى حـقـولـهـا إيــه؟ **** حـــطـــت كـــل أمـــلــها عــلــيــّة
قــلــت يــا دكــتــور آخــر مــرة **** قــالــلى أسـتـنــى بـــرة شـــويـــة
حــبّــة كـمــان ولاقــيـتـه نـدهـلى**** بــس بـــصـوت مــلــيــان حـنـيـة
قـــال لـى يـا أبــنـى لازم تـفـهــم **** أنــت دخــلــت خــلاص كــلــيــة
يـعــنى نـظـام .. يـعـنى مـذاكــرة **** يــعــنـى حــيـــاة كــلـهـا جــديـــة
خــلــص الـمـوقــف ده بـــســلام **** وأنــا واقــف روحى فـى رجـلـيـة
فـــات أســبوع وأتـنـيـن وتـلاتــة **** كـــانـــت كـــل حــاجــة عـــاديــة
كــــنــــت مـــذاكــر كــلــه تــمــام **** كـــنـــت مـــتـــابــع بـــأهـــمــيـــة
جــا الميد تيرم .. قـلـت ومالـه **** كــنــت مــذاكــر مــيــه الـــمــيــه
رحــت الـلـجـنـة وكـلـلـى سـعــادة **** فـــاكـــر إن هـــنــاك تــســلــيــّة
شــفـت الــورقــة وأنــا مــصــدوم **** جـــت مـكــتـوبــة بــلـغـة هـنـديـة
قــــلـــت أركــــز بــــس شـــويـــة **** لازم فــــيـهـــا فـــكـــرة ذكــــيـــة
كــل شــويــة الــوقـــت بـيــجــرى! **** لـــســة الـــورقـــة زى مــا هـيّـه
أعــمــل إيــه مــش عــارف أحــل **** دى الــقوانـيـن كــلهــا مــنــســيــة
ســحـبــوا الـورقــة وأنــا محـتـــاس **** كــانــت صــدمــة شــديــدة عــليّـه
يــوم ورا يوم صـدمــات شـغـالــة **** ســابــت عــقــدة فــى الــنــفـسـيــة
أنــا مــش عــارف أعمــل حــاجة! **** أنـا ضـايــع أنا خــيــبــة قـــويــة
حــتـى الــشعــر دا زى الــزفـــت **** مــش نــافــع حـــتى فـــى أغــنــية
رحــــت لـــربــى حــيــنــجــيـنــى **** هـــــو لــــوحــــده الــعــالــــم بــيـّه
بــس كــفــايــة سـيـبونى فى حالى **** يــمــكــن أشـفــكـوا الـسنة الجـايـة
sheetos
23-02-2010, 08:39 PM
بجد تسلم ايدك يا هندسة ..جميله فعلا
المشمهندس على
24-02-2010, 04:58 PM
ايه الجمال دا يابشمهندس
بجد روعه فعلا استمررررررررر
بس دى بطوله منفرده ولا بالاشتراك مع؟
zorosaid
27-02-2010, 02:19 PM
طبعا دي حاجه متواضعه من تاليفي لا تقارن بالقصايد الرائعه جدا الموجوده هنا اتمنى تنول اعجابكم حضرااتكم وع فكره دي انا الفتها في واحد صاحبي لمجرد انه اهان الزمالك قدامي
والفتها بمجرد انه قال الكلمه
اذا رايت احمقا يتكلم .................................. ........فكن يا عزيزيى اصم وابكم
لقنه بصمتك حكمه مخلده............................. ........فان صمتك له خير معلم
ان كان كلامه جارحا فاعلم............................. ........ان صمتك اكثر منه يؤلم
اجعله كالورقه الفارغه........................... .................وكن انت الممحاه والقلم
تحمل ثورته الهائجه........................... ....................وعلمه كيف تبتسم
فالنار يخبو ليبها .................................. ................اذا لم تجد ما تلتهم
ودي حاجه من اعمالي
http://manseng.net/showthread.php?t=34252
http://manseng.net/showthread.php?t=33394
mamado20
27-02-2010, 06:40 PM
ســبـت الــمـعـمـل وأنــا قـــرفــان **** رحــت مــحاضرة وحالتى غبية
بـعــد شــويــة غــلـبــنـى الـــنــوم **** بــس سـمــعـت زعــيـقـة قــويــة
قـــمـت بســرعة وأنــا مــصـدوم **** أصــل الــزعــقــة طـلـعــت لـيّــه
قـالـلـى الدكـتـور نــايــم نـيـنـنـا؟! **** نـام يا حـبـيـبـى صـعـبـت علـيّــه
هــات كـارنــيهــك بـس أشـوفـوا **** يــبــقى أنـا ساقط مــيــه الـمـيه
يــــادى الـنـيــلـة حـعـمـل إيــه؟؟ **** أنـــا مــــش نـــاقــــص أى أذيــة
مـامـا حـبـيـبـتى حـقـولـهـا إيــه؟ **** حـــطـــت كـــل أمـــلــها عــلــيــّة
قــلــت يــا دكــتــور آخــر مــرة **** قــالــلى أسـتـنــى بـــرة شـــويـــة
حــبّــة كـمــان ولاقــيـتـه نـدهـلى**** بــس بـــصـوت مــلــيــان حـنـيـة
قـــال لـى يـا أبــنـى لازم تـفـهــم **** أنــت دخــلــت خــلاص كــلــيــة
يـعــنى نـظـام .. يـعـنى مـذاكــرة **** يــعــنـى حــيـــاة كــلـهـا جــديـــة
خــلــص الـمـوقــف ده بـــســلام **** وأنــا واقــف روحى فـى رجـلـيـة
فـــات أســبوع وأتـنـيـن وتـلاتــة **** كـــانـــت كـــل حــاجــة عـــاديــة
كــــنــــت مـــذاكــر كــلــه تــمــام **** كـــنـــت مـــتـــابــع بـــأهـــمــيـــة
جــا الميد تيرم .. قـلـت ومالـه **** كــنــت مــذاكــر مــيــه الـــمــيــه
رحــت الـلـجـنـة وكـلـلـى سـعــادة **** فـــاكـــر إن هـــنــاك تــســلــيــّة
شــفـت الــورقــة وأنــا مــصــدوم **** جـــت مـكــتـوبــة بــلـغـة هـنـديـة
قــــلـــت أركــــز بــــس شـــويـــة **** لازم فــــيـهـــا فـــكـــرة ذكــــيـــة
كــل شــويــة الــوقـــت بـيــجــرى! **** لـــســة الـــورقـــة زى مــا هـيّـه
أعــمــل إيــه مــش عــارف أحــل **** دى الــقوانـيـن كــلهــا مــنــســيــة
ســحـبــوا الـورقــة وأنــا محـتـــاس **** كــانــت صــدمــة شــديــدة عــليّـه
يــوم ورا يوم صـدمــات شـغـالــة **** ســابــت عــقــدة فــى الــنــفـسـيــة
أنــا مــش عــارف أعمــل حــاجة! **** أنـا ضـايــع أنا خــيــبــة قـــويــة
حــتـى الــشعــر دا زى الــزفـــت **** مــش نــافــع حـــتى فـــى أغــنــية
رحــــت لـــربــى حــيــنــجــيـنــى **** هـــــو لــــوحــــده الــعــالــــم بــيـّه
بــس كــفــايــة سـيـبونى فى حالى **** يــمــكــن أشـفــكـوا الـسنة الجـايـة
hema25
01-03-2010, 09:20 PM
ايه الحلاوه دي يابني
جد جاااااااااااااامد
تسلم ايدك ياكبير
المشمهندس على
02-03-2010, 03:29 PM
اذا رايت احمقا يتكلم .................................. ........فكن يا عزيزيى اصم وابكم
لقنه بصمتك حكمه مخلده............................. ........فان صمتك له خير معلم
ان كان كلامه جارحا فاعلم............................. ........ان صمتك اكثر منه يؤلم
اجعله كالورقه الفارغه........................... .................وكن انت الممحاه والقلم
تحمل ثورته الهائجه........................... ....................وعلمه كيف تبتسم
فالنار يخبو ليبها .................................. ................اذا لم تجد ما تلتهم
بالرغم من انى أهلاوى جدا جدا بس
جميله جدا ياهندسه وقرئت اعمالك التانيه بجد تحفه بجد انت من افضل اللى كتبو شعر فى المنتدى
ماشاء الله
C.E.HIMAAA
02-03-2010, 06:21 PM
جميلة يا بشمهندس
استمر ما شاء الله عليك
Copyright ©2000-2012