طلب هااااااام

[ENg_Mostafa Elshair]

السلام عليكم ورحمه الله وبركاته


طبعا احنا كلنا عارفين ان مباره مصر والجزائر ..... ان شاء الله يوم 14/11

فا وانا بحلم كده اننا ممكن نوصل كاس العالم جت فى بالى فكره ان

لو ممكن اداره الجامعه تبث المباره على شاشه العرض الكبيره اللى فى الجامعه

هتبقى حاجه حلوه جدا بس انا عارف انها مستحيله .......:eh_s(15):

[فارس النيل]

يا الله ........ دي تبقى حاجه روعه

والله فكره جميله اوي.. بدل م الجامعه تعمل اعلانات شنط وبرفانات...


يزيعو الماتش

وبين الشوطين... ممكن يعلمو اعلانات تجبلهم فلوس

لا تعد ولا تحصى..

لان كل الشباب هتيجي تتفرج ع المتش

بس مين يفكر...


احييك يا هندسه على الطرح الجميل


وجوودك اسعدنا,... شرفتنا يا قمر

[واحده من الناس]

ماتش ....؟؟!! وفى الجامعه ....؟؟؟!!

انتوا اكيد بتهزروا

طيب اوعوا حد يقول كده للأداره اصل يقلبوا عليكوا

بيتهألى عمرهم ما هيعملوا كده

دا لو عملوا كده مش هيبقى فى ولا واحد فى الشارع كل الناس هتدخل الجامعه تتفرج

وبعدين لو زاعوا الماتشات هتقف المحاضرات

مرسى يابشمهندس على الفكره

[أحمد قمصان]

هههههه..والله كنت بهزر مع واحد صحبي وبقوله كده انهم يذيعوا الماتشات بدل عالم البحار اللي معيشنه فيه ده

او اي حاجه تجذب الانتباه

[واحده من الناس]

هههههه..والله كنت بهزر مع واحد صحبي وبقوله كده انهم يذيعوا الماتشات بدل عالم البحار اللي معيشنه فيه ده


او اي حاجه تجذب الانتباه



نفسى اشوف هما بيذيعوا ايه فى شاشات العرض دى ومضايقكوا قوى كده

[أحمد قمصان]

هههههههه.. وانا داخل الصبح مش بشوف غير عالم البحار وساعات كانوا بيشغلوا موسيقي لبتهوفن وساعات قناه المجد

[ريهام]

والله تبقي فكره حلوه أوي نسيب السكاشن والمحاضرات
ونتفرح ع الماتش . بحيك ع الفكره يا هندسه

انا عندي سؤال هو الماتش الساعه كاااام؟؟؟؟؟؟؟؟؟؟

[أحمد قمصان]

الماتش الساعه سبعه ونص بتوقيت المحله الكبري

[المشمهندس على]

فكره روعه ولااااااا
يارييييييييييييييت دى هتبقى استاد اكننا رحنا شفنا الماتش
لا وهتحس بروح الجماعه والحماس فى التشجيع
بس اعتقد ان دا مستحيل ناس من برا هتخش وهيحصل مشاكل والامن مش هيعرف يسيطر ع الجو
المهم المنتخب يكسب بقارق3ان شالله مايذيعوش الماتش يارب نكسب
يارب تنجح يا تتح
يارب ترفع راسنا ياحسن

[a.kadry]

جااااااااااااااااااااااااامد ياقمصان احنا لازم نعرفهم على ساعة الشركه اللى عاوزين نشيل جرنيتش ونحطها مكانه ..........................

[أحمد البشبيشي]

للأسف درب من المحال

[هيثم ديسطى]

هو ممكن بس الساعه سبعه ونص بتوقيت المحله فعلا مبيبقاش فى طلبه كتير فى الكليه

[ENG:A.Abdalla]

والله نفسي أشوف الشاشه دي بتقدم حاجه مفيده غير القرآن الي بتذيعهالصبح بيتهيقلي هو الحاجه المفيده الوحيده اللي بتعمله شاشة العرض ولا حد له رأي تاني؟؟

[ENg_Mostafa Elshair]

الحمد لله ان الجامعه وافقت على الطلب ............
وياااااااااااااارب النصر لمصر