مشكلة فى رسم المسقط الجانبى [الأرشيف]

مشاهدة النسخة كاملة : مشكلة فى رسم المسقط الجانبى

abotrika22

24-10-2009, 11:31 PM

:bsm:
:salam:

ازيكم يا شباب
كيفكم
اتمنى انكم جميعا تكونوا بخير

ندخل فى المهم بقى

انا دلوقتى عندى مشكلة فى الرسم المدنى
طبعا الكل هيقول مشكلة ايه يا عم انت ده الرسم سهل
اه انا متفق مع الجميع ان الرسم المدنى لحد الان سهل جدا وجميل جدا

انا دلوقتى حصل معايا حركة مضايقانى اوى
ان انا دلوقتى لما جيت ارسم لوحة الواجب بتاع السكشن صفحة 45 حصل معايا ان المسقط الجانبى اللى على اليمين مش بيطلع مظبوط ابدا مع المسقط الجانبى اللى على الشمال
يعنى الارتفاعات مش متساويه
يعنى مثلا لما اعمل خط ميل ويتقاطع مع الخط الراسى فى الناحية اليمين من اللوحة واجى اعمله فى الناحية الشمال مش بيجى فى نفس الارتفاع ابدا و
يعنى الارتفاعات بتاع المسقطين مش بيجوا متساويين على الرغم انى بكون راسم صح اوى

وده حصل معايا برده فى اللوحة اللى الدكتور قاسم طلبها مننا علشان المقابلة

على الرغم من اننا رسمنا فى السكشن التانى الرسمة اللى فى صفحة 43 وكان فيها المسقطين وعملتهم وعملت اللوحة كاملة فى السكشن ومحصلش معايا الحركة دى
ايه السبب
ويا ترى الحركة دى حصلت مع حد غيرى ولا انا بس ؟

:radsalam:

احمد النمر

24-10-2009, 11:42 PM

اولا ازيك يا هندسه
الحركه دي حصلت معايا في السكشن
ولما سألت المعيده قالتلي ان ده بيحصل
نتيجه اخطاء تكون دائما في الميول
ونصحتني عشان مأكررش الغلط ده تاني
اني ارسم المسقط الجانبي الايسر الاول والمسقط الافقي بعد كده
وبعدين بقى المسقط الجانبي الايمن وبنرسمه من غير ما نعمل ميل من عندنا
كله بيجي من المسقطين اللي احنا لسه رسمنهم
يعني مالاخر
بترسم المناسيب وبالمسطره حرف T
بتجيب نقط البدايه والنهايه للميول وتوصل ما بينهم
يعني مثلا
تيجي عند منسوب معين في المسقط الجانبي اللي انت لسه رسمه
وتظبط المسطره على نقطه بدايه الميل وتعلم بنقطه على نفس المنسوب بس في المسقط الجانبي
التاني وهكذا في كل المناسيب وتوصل بين نقط البدايه والنهايه
وهيطلع المستويات المايله

هذه كل ما عندي
ويا ريت يكون ربنا وفقني وقدرت اشرحهالك

بالتوفيــــ يا هندسه ــــــــق

محمد فتحى

25-10-2009, 12:00 AM

انا برده بجيب المسقط الشمال من المسقط الجانبى اليمين
عشان يكونوا زى بعض لو صح يبقى الاتنين صح
ولا غلط يكون الاتنين غلط

Eng-M Saad

25-10-2009, 02:23 AM

بص يا بشمهندس الغلطة دى انا شفتها فعلا وشرحتها زى ما البشمهندسة شرحتها لزميلك
اللى بيححصل انك لما تيجى تعمل المسقط الجانبى الاول احيانا مش بتظبط الميول او بمعنى اصح انت ظبطه ايدك فى الميول مش واحده يعنى مثل لو ميل 2:1 انت بتعمل فى المرة الاولانية مثلا1.0 :2.1
والمرة التانيه يبقى مثلا 1.1 :2 الفرق الصغير دة هو الى يخلى الرسمة مش مظبوطة معاك
فحلها فعلا تعمل مسقط جانبى وبلان والمسقط التالت مجرد اسقاطات مش ترسمة من الاول
كده لو انت بقه رسمت اول مسقط صح خلاص ولو غلط الغلط هيبقى فالاتنين فمش هيبان خصوصا انه خطأ طفيف يعنى مش حاجه تبوظ المسقط دى مجرد اخطاء بتنتج عشان عدم الدقة فى الرسم
عارف انى طولت عليك
آسف على الاطاله ويا رب أكون افدتك

C.E.HIMAAA

25-10-2009, 06:28 PM

بص يا بشمهندس
انت تبدأ بالمسقط الجانبى الأيمن مثلا
وبعدين تعمل الأفقى
ومنهم بتاخد نقط وتظبط المسقط الأيسر عشان متغلطش
يا رب أكون أفدتك

المشمهندس على

25-10-2009, 07:15 PM

بتحصل معايا والله وبتجننى برده
بس معلش كويس اننا اتعلمنا طريقه جديده وهى بالمره هتوفر لنا وقت
متشكرين جدا يا بشمهندس محمود تاعبين حضرتك معانا والله ادعيلنا

abotrika22

30-10-2009, 05:04 PM