مشاهدة النسخة كاملة : تفاءل
أماني ابراهيم 08-10-2009, 02:41 PM السلام عليكم ورحمة الله وبركاته
طبعا برحب بكل زملائي وزميلاتي اللي دخلوا الهندسة المدنية
وأنا زميلتكم من هندسة الاتصالات .... حبيت أتواصل معاكم لأني متأكدة اننا شبكة واحدة
لا تتجزأ .... فليس مهم ان تعرف كل شيء عن شيء ..... ولكن الأهم أن تعرف شيء عن
كل شيء .... ولازم نفتكر اننا احنا اللي صنعنا حضارة العالم في الأساس ..... وهترجع ان
شاء الله على ايدينا ..... و أنا شخصيا كنت في الامارات .... وشفت شعوب وشعوب ....
كلهم أجمعم أن الشعب المصري ذو عقلية جبارة .... وأن فعلا الطفل المصري أذكى طفل في
العالم ..... فيدا بيد لنبني جسرا من الأمل فوق بحيرة من اليأس .... وفعلا
هامتنا تصل الى عنان السماء .... وستظل كذلك ما حييينا .... يحق لنا التباهي ..... فنحن
..................... أبناء النيل ................
3omda 08-10-2009, 05:31 PM وعليكم السلام يا بشمهندسه ايه الكلام الجامد ده يارب بس نكون على قد المسؤليه ونقدر نتحملها ونورتى قسم مدنى
Omar Majid 08-10-2009, 05:36 PM جميل كلامك اوي :) .... انا حبيت اشجعك بس عشان شايف ان مفيش حد رد :) ..
شكرا لي مجهودك ..
و انا زميلك في اولى مدني :)
mohamedosami 08-10-2009, 05:41 PM كلامك جميل بشمهندسة اماني
شكرا ع المشاركة
أحمد قمصان 08-10-2009, 06:13 PM اهلا وسهلا يا بشمهندسه اماني ونعم التفاؤل .. وربنا يعنا
محمد فتحى 08-10-2009, 06:40 PM الله الله الله
ايه الكلام الجامد ده
احنا مش اد ده كله يا بشهمهندسه
عموما منوره قسم الهندسه المدنيه
وان شاء لله نكون قد المسئوليه
أهلاااااااااااااااااااااا بيكى ياأمانى منووووووووووووووووووووووووورنا ومشرفنا ياجميل.
كلامك حلووو أوووووى.
وإن شاء الله نذاكر ونجتهد ونعمل اللى علينا
bat_man901 09-10-2009, 10:11 AM لالالالا كل واحد بقى يخليه فى قسمه ههههههههه
نورتى مدنى يا بشمهندسه انا كل اصاحبى دخلوا اتصالات وانا بقيت فى مدنى لوحدى
ربنا بقى يرزقنى باصحاب كويسين تانى
شكرا على موضوعك
eng_99 09-10-2009, 08:39 PM الجميع يفكر في تغيير العالم، ولكن لا أحد يفكر في تغيير نفسه
eng.3esam 09-10-2009, 10:55 PM والله الكلام 10 على 10 بس المهم الفعل مش الكلام
eng.3esam 09-10-2009, 10:58 PM بجد والله الكلام 10 على 10 بس المهم الفعل مش الكلام
eng.mada 10-10-2009, 12:33 AM كلامك زى الفل والله بس يا ريت نبقى اد المسؤليه بجد
ومحدش طبعا قالك حمد الله ع السلامه ع العوده من الامارات
هههههههه بهرج طبعا
نورتينا بجد وكلامك 10ع 10
C.E.HIMAAA 14-10-2009, 09:47 PM شكرا ليكى يا بشمهندسه
ان شاء الله نبقى قد المسئوليه
دى البلد هتشوف أيام سوده على ايدينا
ههههههههههه
hmt241 14-10-2009, 10:08 PM السلام عليكم ورحمة الله وبركاته
طبعا برحب بكل زملائي وزميلاتي اللي دخلوا الهندسة المدنية
وأنا زميلتكم من هندسة الاتصالات .... حبيت أتواصل معاكم لأني متأكدة اننا شبكة واحدة
لا تتجزأ .... فليس مهم ان تعرف كل شيء عن شيء ..... ولكن الأهم أن تعرف شيء عن
كل شيء .... ولازم نفتكر اننا احنا اللي صنعنا حضارة العالم في الأساس ..... وهترجع ان
شاء الله على ايدينا ..... و....
كلهم أجمعم أن الشعب المصري ذو عقلية جبارة .... وأن فعلا الطفل المصري أذكى طفل في
العالم ..... فيدا بيد لنبني جسرا من الأمل فوق بحيرة من اليأس .... وفعلا
هامتنا تصل الى عنان السماء .... وستظل كذلك ما حييينا .... يحق لنا التباهي ..... فنحن
..................... أبناء النيل ................
كلام دا مش كلام المتحدث دا منقول من منتدى اخر وكمان علشان تكون مهندس لازم يكون عندك حس هندسى عندما قالت المتحدثه أنا شخصيا كنت في الامارات .... وشفت شعوب وشعوب كم سنها ؟ وهل هيه اشتغلت ولا شافت حاجه لسه فى الدنيا ...
ارجو ان نتمعن جيدا فى اى كلام وان نعمل العقل ولا القلب
eng_ ammar 14-10-2009, 10:30 PM التفاؤل
مامعنى التفاؤل؟
هل يكون شروق الشمس بعد مغربها؟
هل تكون الابتسامه بعد الدموع؟
هل تكون العوده بعد الرحيل؟
هل تكون الصحه بعد الوهن؟
عندما تتحدثين عن التفاؤل فلاتنسين الحياة فهى من تقرر شكل التفاؤل
فأذا اردته فأنت وحدك من يستطيع ايجاده
فلا تمل من البحث عنه
.................................. ................
موضوع جميل
أماني ابراهيم 15-10-2009, 10:53 PM أنا حابة أرد على الباش مهندس اللي قال ان موضوعي مقتبس من منتدى أخر .....
أنا يا باشمهندس أكبر كتير من اني أنقل موضوع زي ده من منتدى اخر ........ وانا فعلا كنت في الامارات ........ من 1990 الى 2006 ..... ومر علية في كل فصل بنات من مختلف الدول العربية ....ز وكتيييييييييييييييييييييييير ..... وقالوا كلام أكبر من اللي انا قلته في حق الشعب المصري...........
بعدين انا مش محتاجة اني الف أو أشتغل عشان أعرف حاجة زي دي .......... مخترعتش الذرة يعني ........... وبعدين الحس الهندسي انك تفهم كلام الغير حتى لو مكنش واضح ......
مش تدور فيه على عيوب واتهامات لا تليق بكونك ............ م..ه .ن ...د ....س ... ده طبعا غير
انك لازم تتأكد من كلامك قبل ما تقوله ....... مش تقول كلام ملوش اساس يا مهندس .....
مش من صفات المهندس الناجح يا صاحب الحس الهندسي ...واسلوب رائع في فن التعامل
مع الاخرين...... أنه يمشي وراء اوهامه ... أنا كاتبة الرد لأن اللي يهمني زوار الموضوع .$.......
الفرعون الشقى 15-10-2009, 11:07 PM فيدا بيد لنبني جسرا من الأمل فوق بحيرة من اليأس
كلام جمييييييييييل
مشكوووووورة يا هندسة
hmt241 16-10-2009, 08:15 PM [quote=أماني ابراهيم;296556]
........... وبعدين الحس الهندسي انك تفهم كلام الغير حتى لو مكنش واضح ......
يعنى ايه افهم كلام الغير حتى لو مكنش واضح ...هاخمن انا ولا ايه وبعدين كلامى مفهوش اى اساءه وهو الكلام زى ما بيقولوا لا يشترى وبعدين الكلام اللى انتى قلتيه غير متناسق ارجو ان تعيدى الكلام فى عقلك مره اخرى ...شكرا.
أماني ابراهيم 17-10-2009, 08:43 PM والله يا باشمهندس مش كنت تعرفني أنك بتقول كلام لا بيشتري ولا بيبيع ..... عشان مكنتش أزعل لما قلت عن كلامي أنه منقول من منتدى أخر ...... بعدين بما أنك متقدرش تخمن كلام الاخرين _لي اتهمت كلامي أنه منقول من منتدى تاني ..... لو متأكد وأد كلمتك ..... هات اسم المنتدى .......... ولو مش متأكد يبقى السكوت أحسن من الظن الخطأ ..... خصوصا انك مش بتحب تخمن ...... عموما الموضوع انتهى بالنسبة لي ...... وأنا رديت عشان رد اعتبار للكلام اللي أنته قلته ...... لأن معنى سكوتي أن كلامك صح ...... أكرر أنا الموضوع منتهي بالنسبة لي .....
eng_99 18-10-2009, 07:08 PM أربع من سلم منها ملك نفسه: العجلة – التواني – اللجاجة – العجب
captain hema 18-10-2009, 10:24 PM nawrti madni
ramy eltayb 18-10-2009, 10:47 PM بجد جميل كلامك يا بشمهندسة
وفعلا محدش يحس بالى هو فية الا لما يجرب حاجة تانية
ومحدش بيحس النعمة الى معاة الا لما تروح منة
ومش اى حد يحس الكلام دة الا بجد زوى حس رفيع
بجد انا بشجعك وبشكرك على احساسك دة
ونورتى قسم مدنى
انتى فى اتصالات عشان كدة قلتى شبكة واحدة اتصالات بقا
المشمهندس على 19-10-2009, 02:13 AM يا جماعه الموضوع مش مستاهل والله احنا كلنا اخوات
بالنسبه للباشمهندسه
أولانورتى مدنى
ثانياالموضوع جميل جدا والله
ثالثاعندى تعقيب صغير ياريت ما ياخدناش التفاؤل لحد الخيال والهروب من الواقع ويخلينا نعيش فى وهم بينما الحقيقه شىء اخر مرير اعتقد ان الفرق بينهم واضح من كلام حضرتك
رابعاانا واثق ان الموضوع دا مش منقول بس معترض على كلمه حضرتك (انا اكبر بكتير من انى انقل موضوع) هو النقل عيب مثلا الغلط انى اجيب موضوع منقول وما اقولش انه منقول للامانه العلميه لانه حتى لو واحد جاب موضوع منقول لو حلو يبقى كتر الف خيره انه عايز يفيد الغير وعندى كأنه كتبه بالظبط
بالنسبه للباشمهندس
اولا حضرتك منور المنتدى
ثانياحضرتك عرفت منين انه منقول لو عندك دليل يا اما تقدمه يا اما تسكت وحتى لو منقول هو النقل عيب؟ العيب زى ما وضحت ان اللى ناقل مايقولش انه منقول للامانه العلميه
ثالثا الحكمه مش لازم تكون بالف والدوران والشغل لا ممكن تكون بقوه الملاحظه ومجالسه الحكماء ومشاهده تجارب عديده والاستفاده منها او سماع اقوال من عده اشخاص ذات ثقه
رابعا الموضوع مالوش علاقه بالحس الهندسى خالص الموضوع عام يخص المهندس وغير المهندس
واخيرا
سلوك حضرتك دا فى اخر رد ليك(ممكن اشوفك فى الجامعه؟) ما ينفعش فى منتدى زى داخالص أيا كان السبب وبعدين الموضوع مش مستاهل يعنى
وعلى فكره انتو كبرتو الموضوع والله يااخوانا يعنى المفروض اننا هنا عشان نساعد بعض مش نمسك لبعض ع الواحده
وانا اسف للاطاله وكل سنه وانتو طيبين وربنا يوفقنا السنه دى
تقبلو ردى كأخ ليكو
أماني ابراهيم 19-10-2009, 07:25 PM طبعا أنا بشكر الباش مهندس علي على تعليقة ..... وبالنسبة للكلمة اللي حضرتك معترض عليها أنا مقصدش منها أن النقل عيب ..... لكن أنا قلت ( أنا أكبر بكتير من أني أنقل موضوع زي ده ) قصدي الموضوع بسيط جدا ومش محتاج نقل من منتدى أو غيره ..... بس اللي ضايقني وخلاني أرد رد حاد الى حد ما أني حسيت أن كلام الباشمهندس فيه الى حد ما هجوم ...... والمشكله أني بمدح الشعب المصري مش بذمه ...... يعني المفروض نفرح بأمجادنا اللي معترف فيها في البلاد الأخرى ..... بعدين أنا قلت مرتين أن الموضوع منتهي بالنسبة لي ..... وبالنسبة للطلب اللي طلبه الباشمهندس بخصوص المقابلة ..... طبعا الباشمهندس علي رد عليك وقالك الموضوع مش مستاهل .....فعلا الموضوع مش مستاهل ....... وشكرا
محمد فتحى 19-10-2009, 08:23 PM ممكن اقابلك فى الجامعه ؟
مش عارف اقولك ايه بس
no comment
نائب ناظر مدرسة الحب 24-10-2009, 03:07 AM كلام جميل
كلام معقول
مقدرش أقول حاجة عنه
لكن
لو كان الموضوع منقول فعلا
زي ما البشمهندس وضح
كان من المفروض حضرتك
وضحتي انه منقووووووووول
و شكرا علي الاضافة الجميلة
محموووووووووووووووووووووود
تانية مدني
eng.h 24-10-2009, 07:20 AM موضوع جميل جدا فعلا
و كان الموضوع منقول فعلا
زي ما البشمهندس وضح
كان من المفروض حضرتك
وضحتي انه منقووووووووول
هي خلاص قالت انه مش منقول
و خلاص مفيش حاجه تستاهل كلنا زمايل
eng.mostafa 24-10-2009, 08:17 AM اولا السلاام عليكم ورحمة الله
ايه ياباشمهندسين الهجوم الحاد ع الباشمهندسه دا ولا هيا عشان بتقول الحقيقه ولا عشان اى باشمهندس عاوز يظهر نفسه يقوم يتكلم بالطريه دى حتى ولو كان الباشمهندس صح مع ان كل الكلاام يؤكد ان الموضوع مش منقول حتى لو كدا نقول بطريقه مهذبه احنا اه لكل واحد حرية الراى والتعبير بس بالطريقه دى اظن انه بجد يحصل مشاكل وع ايه مهى حصلت اهى كل واحد يخش يشوف الهجوم ع الباشمهندسه يقوم يقول اكتب كلمتين ليه ياباشمهندس وايه يعنى لما يكون الموضوع منقول او مش منقول المهم محتوى الموضوع اللى فيه واظن انا لو ناقل موضوع مش من العيب انى اقول منقول بدام هيفدد المتدى واظن الباشمهندسه ماكنتش هتعمل الموضوع وهوه منقول ومش تقول منقول الموضوع فعلا اكبر بكتير من الكلاام دا وكان لازم من الاول نفهم وجهات النظر لكل انسان المنتدى دا اتعمل عشان نعرف منه كل حاجه حتى نعرف ازاى نرد ع الناس بطريقه جميله مش عشان نخش نعمل هجووم ع بعض واللى يعمل هجوم اكتر يبقى البريموو لا ياباشمهندسي واسف انى كنت بكلم بطريقه عصبيه شويه بس بجد دى الحقيقه واسف انى طولت عليكوا وسامحوونى وانا اتكلم ع وجه العموم ليس ع وجه الخصوص وسامحونى مره اخرى وشكرا ليكوا
وعليكم السلام يا امانى الف شكر على الكلام الجامد دة و انتى عاملة اية فى اتصالات على العموم ربنا يوفقك
|