م/هشام
22-03-2008, 10:56 AM
:bsm:
:salam:
دا عرض فيديوا ياشباب لكيفية عمل وتحميض وتخريم الدوائر المطبوعه على النحاس PCB بأستخدام طريقه رخيصه وسهله أسمها glossy paper.
العرض ده قام بيه مهندس من قسم أتصالات (ربنا يكتر من أمثاله) أسمه المهندس/ وليد عبد المطلب وهو بصراحه قام بمجهود خرافى لتوصيل المعلومه.
اللينك بتاع العرض بعد ما حملته أهو:
http://rapidshare.com/files/101429914/glossy_paper.wmv.html (http://rapidshare.com/files/101429914/glossy_paper.wmv.html)
حجم الملف: 54 ميجا
كيفية الحصول على المكونات:
1- glossy paper من مكتبة الأصيل اللى قدام بوابة الجلاء أطلب من النوع العادى مش البلاستيك هتلاقى الورقه فى حدود 1.5ج.
2-سائل منظف النحاس (البريستوا) والسنفره الناعمه من عند بتوع الحدايد والبويات.
3- مادة كلوريد الحديدك (الماده اللى بتاكل النحاس) من شركه أسمها النويهى للكيماويات فى الشارع اللى جنب قهوة رشاد (أو أول شارع بعد عصارةالجلاء) المقابل لأحمد حامد بشارع الجلاء واللى مش عارف يوصل للعنوان يجيلى المعمل وهوصفهوله بدقه. الشركه بتفتح من الساعه 10.5 الصبح لغاية الساعه 3 الظهر بالكتير. هتطلب منه كيلو كلوريد حديديك هتلاقيه فى صورة أحجار صفراء على بنى هتقوم مالى البرطمان كله ميه لغاية الأخر وتقلب بأى خشبه مش معلقه لغاية لما يبقى كله سائل.
4- لتخريم الدوائر هتعوز شنيور كهرباء عادى فى حدود 250ج من شارع بنك مصر من عند بتوع العدد ولو أنت عندك شنيور فى البيت مفيش داعى تجيبه.
5- وهتعوز بردوا بنط 1ميلى و 2ميلى وهات عدد 5 من الأول و5 من التانى علشان لو أتكسروا يبقى فيه تعويض.
6- اللوح النحاس هتجيبها من عند سعد مطر اللى فى أول السكه القديمه من ناحية شارع بنك مصر.
7- قلم دوكوا رفيع(فضى) من مكتبة الأنصارى بشارع البحر.
8- محلول ثنر( لأزلة اللون الأسود بعد التحميض) هتجيبه من عند بتوع الحدايد والبويات قزازه لتر.
9- برنامج Eagle لرسم الدوائر المطبوعه واللى عايزه يقولى وهحمله على النت.
10- طابعه ليزر ومش شرط تشتريها ممكن تطبعها عند الجيران:eh_s(19): أو عند واحد زميلك.
بعض النصايح المهمه:
أولا: لازم المكوه تكون على أعلى درجه وسخنه.
ثانياً: لازم تضغط على كل حته على الدايره بالمكوه وكل ماطولت العمليه كل مهتلاقى نتيجه أحسن.
ثالثاً: عملية الضغط لازم تبقى فى حدود ربع ساعه على الأقل.
رابعا: تستمر عملية الضغط لغاية لما تلاقى الرسمه بانت كلها.
خامساً: بعد ماتخلص عملية الضغط هتنقع الدايره فى ميه سخنه جدا لمدة نص ساعه على الأقل.
سادساً: لما تخلص عملية نقع الدايره أنزع الورقه براحه خالص وبعدين هتشيل الباقى بفرشة أسنان برفق شديد.
سابعا: لو لاقيت مسارات مقطوعه كملها بقلم الدوكوا.
ثامناً: طباعة الدايره لازم يكون بطابعه ليزر .
تاسعاً: مش شرط تحط الحمض كله حط الكميه اللى انت عايزها على حسب مساحة اللوحه.
العمليه ياشباب مش شرط تنجح من المره الأولى ولا حتى التانيه:eh_s(5): بس المره التالته أكيد هتيجى معاك ومفيش أحسن من أنك تعمل دايره مطبوعه علشان تركبها فى جهاز تحكم أو فى علبه...
واللى عايز أى أستفسار أنا موجود...
مع تحياتى...
م/هشام حلمى
:salam:
دا عرض فيديوا ياشباب لكيفية عمل وتحميض وتخريم الدوائر المطبوعه على النحاس PCB بأستخدام طريقه رخيصه وسهله أسمها glossy paper.
العرض ده قام بيه مهندس من قسم أتصالات (ربنا يكتر من أمثاله) أسمه المهندس/ وليد عبد المطلب وهو بصراحه قام بمجهود خرافى لتوصيل المعلومه.
اللينك بتاع العرض بعد ما حملته أهو:
http://rapidshare.com/files/101429914/glossy_paper.wmv.html (http://rapidshare.com/files/101429914/glossy_paper.wmv.html)
حجم الملف: 54 ميجا
كيفية الحصول على المكونات:
1- glossy paper من مكتبة الأصيل اللى قدام بوابة الجلاء أطلب من النوع العادى مش البلاستيك هتلاقى الورقه فى حدود 1.5ج.
2-سائل منظف النحاس (البريستوا) والسنفره الناعمه من عند بتوع الحدايد والبويات.
3- مادة كلوريد الحديدك (الماده اللى بتاكل النحاس) من شركه أسمها النويهى للكيماويات فى الشارع اللى جنب قهوة رشاد (أو أول شارع بعد عصارةالجلاء) المقابل لأحمد حامد بشارع الجلاء واللى مش عارف يوصل للعنوان يجيلى المعمل وهوصفهوله بدقه. الشركه بتفتح من الساعه 10.5 الصبح لغاية الساعه 3 الظهر بالكتير. هتطلب منه كيلو كلوريد حديديك هتلاقيه فى صورة أحجار صفراء على بنى هتقوم مالى البرطمان كله ميه لغاية الأخر وتقلب بأى خشبه مش معلقه لغاية لما يبقى كله سائل.
4- لتخريم الدوائر هتعوز شنيور كهرباء عادى فى حدود 250ج من شارع بنك مصر من عند بتوع العدد ولو أنت عندك شنيور فى البيت مفيش داعى تجيبه.
5- وهتعوز بردوا بنط 1ميلى و 2ميلى وهات عدد 5 من الأول و5 من التانى علشان لو أتكسروا يبقى فيه تعويض.
6- اللوح النحاس هتجيبها من عند سعد مطر اللى فى أول السكه القديمه من ناحية شارع بنك مصر.
7- قلم دوكوا رفيع(فضى) من مكتبة الأنصارى بشارع البحر.
8- محلول ثنر( لأزلة اللون الأسود بعد التحميض) هتجيبه من عند بتوع الحدايد والبويات قزازه لتر.
9- برنامج Eagle لرسم الدوائر المطبوعه واللى عايزه يقولى وهحمله على النت.
10- طابعه ليزر ومش شرط تشتريها ممكن تطبعها عند الجيران:eh_s(19): أو عند واحد زميلك.
بعض النصايح المهمه:
أولا: لازم المكوه تكون على أعلى درجه وسخنه.
ثانياً: لازم تضغط على كل حته على الدايره بالمكوه وكل ماطولت العمليه كل مهتلاقى نتيجه أحسن.
ثالثاً: عملية الضغط لازم تبقى فى حدود ربع ساعه على الأقل.
رابعا: تستمر عملية الضغط لغاية لما تلاقى الرسمه بانت كلها.
خامساً: بعد ماتخلص عملية الضغط هتنقع الدايره فى ميه سخنه جدا لمدة نص ساعه على الأقل.
سادساً: لما تخلص عملية نقع الدايره أنزع الورقه براحه خالص وبعدين هتشيل الباقى بفرشة أسنان برفق شديد.
سابعا: لو لاقيت مسارات مقطوعه كملها بقلم الدوكوا.
ثامناً: طباعة الدايره لازم يكون بطابعه ليزر .
تاسعاً: مش شرط تحط الحمض كله حط الكميه اللى انت عايزها على حسب مساحة اللوحه.
العمليه ياشباب مش شرط تنجح من المره الأولى ولا حتى التانيه:eh_s(5): بس المره التالته أكيد هتيجى معاك ومفيش أحسن من أنك تعمل دايره مطبوعه علشان تركبها فى جهاز تحكم أو فى علبه...
واللى عايز أى أستفسار أنا موجود...
مع تحياتى...
م/هشام حلمى