مشاهدة النسخة كاملة : التدريب
A.M.Naguib 08-08-2009, 08:45 PM بسم الله الرحمن الرحيم و بعد التحية و السلام اود ان تتقبلوا مرورى مرة اخرى ببعض الاراء و الامور للمناقشة و اول المواضيع للمناقشة هوه الموضوع المثار دلوقتى و هو التدريب
مبدئيا انا عارف ان التدريب مرهق و مبوظ ليكم الاجازة و بتخرجو كل يوم من الساعة 7 او 8 علشان الغياب و غير كده مش بتستفيدو حاجة(مش عارف هل فى فايدة و لا لا) انا معاكو ان الموضوع مرهق لكن
هاسال سؤال هل ما استفدتش اى حاجة من التدريب هل من مجموعة المعامل اللى درستها ما استفدتش من كل معمل و لو معلومة واحدة اعتقد لو كل واحد سال نفسة انا استفدت و لا لا هتلاقيه استفاد ولو معلومة واحدة و صدقونى شخصية المهندس المدنى ما هو الا معلومات متراكمة فى مجالات مختلفة تكون شخصيتك كمهندس ؟
ارجو النقاش و ابداء الاراء بحرية
و بالمناسبة ما هى اكتر المعامل اللى استفدتو منها؟
Eng. Hala 08-08-2009, 08:49 PM ايه النور ده يابشمهندس
ربنا يكرمك يارب
انا والله بسافر وبيطلع عينى بس باجى اشوف اصحابى وبستفيد جدا جدا
انا عن نفسى بحب اعرف معلومات جديدة
واكتر معمل استفدت منه الاستيل والطرق
خصوصا ان فيه مصنع بيتبنى وبشوفه وانا معدية بالعربية
FrEe MaN 08-08-2009, 09:00 PM بنعرف معلومات جديده لكن مقارنه بالاقسام الاخرى تعتبر قشور
والمشكله اننا بنتعب من المواصلات وفى الاخر مش بنستفيد غير معلومات بسيطه جدا ليست على مستوى التدريب والوقت المحدد له
وفى المعامل بناخد ايحاء منهم ان المهم عندهم الغياب والتقرير
فلازم بعد كل دا يكون عندنا لا مبالاه فى الحضور
معمل الاساسات والطرق يعتبروا اهم معملين استفدت منهم
منور المنتدى يا بشمهندس
شكرا ع النقاش الجاد
tiger eng2010 08-08-2009, 10:01 PM اولا شكرا يا بشمهندس علي عودتك للمنتدى لانك كنت خسارة كبيرة عما سبتة واحب اقول لك شيء الكلاب تعوى والقافلة تسير نفسي كلنا نطبق مبدا الاهلي فوق الجميع وانت ةهتكسب دايما تانى حاجة يا بشمهندس في معامل اكيد مش بنستفاد منها ويلطعانا ويقلنا اطلعوا رست وتعالوا كمان شويةاو مثلا بيطلب تقرير وافاجىء من واحد صاحبي انة رماة بالزبالة ولك جزيل الشكر ياريت متزعلش من ردى
al_zaem 08-08-2009, 11:42 PM ازيك يا بشمهندس ...........منورنا
حضرتك كنت قولت ان الدكتور محمد نجيب من اهم مهندسين الاستراكشر فى مصر
ياريت اعرف وجهة نظرك دى بناء على ايه وياريت تعرفنا اكتر على دكتور محمد وانجزاته
انا والله دورت وحاولت اعرف لكن للاسف موصلتش
شكرا
khaled anwr 09-08-2009, 12:18 AM اولا بجد الفرحه مش سايعانى والله بعوده البشمهندس للمنتدى
ثانيا انا بصراحه والله استفادت الى حد ما فى بعض المعامل زى بصراحه لما حضرتك ناقشتنا ف معمل الطرق استفادت جامد
وبعض المعامل زى الصحيه برده وفى التربه والاساسات برده
باقى المعامل كانت تقضيه بصراحه
تقبل مرورى
fata_ela7lam 09-08-2009, 12:31 AM نورتنا والله يا بشمهندس
وانا اللى عمال اقول المنتدى ماله نور فجأه كدا ليه !؟؟
هههههههههههههههه
فعلاااا يا بشمهندس المشكلة فى السفر يعنى انا مثلا باجى كل يوم من دمياط الجديده
وبصحى من الساعة 7 الصبح وفى الشمس والحر
لكن غير كداااااااا فالتدريب كويس إلى حد مااااااا يعنى بنستفاد أه لكن مش بالدرجه اللى هى
انا عن نفسى شايف ان اكتر المعامل اللى استفادت منها هى ستيل ومساحه وطرق
فى سؤال يا بشمهندس .. أنا مغبتش إلا يومين من أول التدريب يا ترى عادى ولا اييييه بالظبط !؟؟
وشكراااااااااا يا بشمهندس ع الموضوع ونورتنا بجدددد
thatshow 09-08-2009, 02:03 AM والله العظييم يا بشمهندس انت منورنا بجد ويارب حضرتك وبقيت البشمهندسيين يفضلوا متفاعلين معانا كدا باذن الله طول الدراسه .
بالنسبه لموضوع التدريب
بصراحه كان المفروض التدريب دا ناخده بطريقه احسن وفي وقت احسن وباسلوب احسن وباهتمام احسن
بمعنى
ان انا واحد كنت في اول التدريب دا .. بنزل من بيتنا متحمس جدا وفاكر ان العمليه هتييجي بفوايد كتيير اوي ..
انما للاسف كلها يوم بالظبط جربته وبقى همي الاكبر اني احضر نفسي وخلاص .
انا متاكد ان الكلام اللي بيتقالنا دا له اهميه كبييره اوي .. خصوصا انه هيمهد ويسهل كلام الدكتور هيبقى سهل انو هيشرحو او يقولو لما يشرح الكلام دا
وعلى الاقل هيبقى عندنا خلفية عامة .
بس انا شايف ان كان المفروض في اهتمام عن كدا ولو حتى دكتور في يوم واحد بس من كل معمل يمر ويتكلم شويه في خلال الموضوع ( ولو اني عارف ان دا مستحيل يحصل ) بس برضو ليه لا ؟
على الاقل لما الواحد يحس ان في اهتمام هيبدا يركز شويه في الكلام اللي بيتقال .
دي وجهه نظري بالنسبه للموضوع دا عامتا
وانا سعييد جدا لان حضرتك متابع معانا وعلطول تفضل كدا باذن الله
mickey1 09-08-2009, 02:17 AM اولا انا بجد فرحانه جدا ان حضرتك دخلت ع المنتدى تانى عشان كنت زعلت بجد م ان حضرتك قلت مش هتدخل تانى وان شاء الله تدينا ف المساحه ان شاء الله انا لسه داخله اولى بس اللى اسمعه عن التدريب انك فعلا بتروح تكتب اسمك وخلاص اكيد اه بيستفادوا بس مش يقارن بالبهدله ف الحر ده والناس اللى بتيجى م سفر وكده بس انا فعلا مش اعرف اوى يعنى وياريت بئا يابشمهندس مش تسيب المنتدى تانى وتفيدنا كتيييييير
A.M.Naguib 09-08-2009, 02:21 AM ازيك يا بشمهندس ...........منورنا
حضرتك كنت قولت ان الدكتور محمد نجيب من اهم مهندسين الاستراكشر فى مصر
ياريت اعرف وجهة نظرك دى بناء على ايه وياريت تعرفنا اكتر على دكتور محمد وانجزاته
انا والله دورت وحاولت اعرف لكن للاسف موصلتش
شكرا
هوه مبدئيا ده مش موضوعنا دلوقتى انا بتكلم فى التدريب ايه اللى يخرجنا عن الموضوع اتمنى يا جماعة نتعلم نكون محددين فى كلامنا علشان ما نتهمش بالعشوائية يعنى مش معقول ابقى بتكلم فى موضوع كذا و الاقى انت تكلمنى فى موضوع لا يمت بصلة للكلام ده اسمه صدقنى تخبط وعشوائية و يا ريت تتقبل النصيحةو تقدر تراسلنى ع الخاص و ارد عليك
و عامة الرد هيجيلك فى رسالة خاصة
وشكرا لكل اللى رد وابدى رايه و تفاعل مع صلب الموضوع
eng_mostafa 09-08-2009, 01:37 PM انا بصراحة شايف الكم الضئيل جدا اللى استفادته من التدريب كله كان ممكن اخده فى يوم واحد او اقل حتى مش اربع اسابيع كل يوم نروح نأعد نستنى ناخد الغياب ونروح فى الحر
A.qassim 09-08-2009, 02:29 PM بسم الله الرحمن الرحيم
احب في الاول اشكر البشمهندس علي المشاركة من جديد في المنتدي لانه بجد منورنا وياريت كل المعيدين يشاركوا معانا لانه اكيد هنستفيد ان شاء الله
انا شايف ان اللي بيحصل في التدريب (من حضور وغياب وشرح واهتمام المعيدين ) لا يتناسب بالمرة مع الهدف الرئيسي من التدريب ولان بعض المعيدين اصلا بيحضروا متاخرين فالطلبة بتحضر متأخر لانه مش شايف اي اهتمام من اي حد في الكلية واهم حاجة في الكلية هو الغياب وتقديم التقرير وانك تفضل في الكلية 2-3 وتبقي انت كده في التمام
اهم معمل استفدت منه كان معمل الصحية
mmmkh 09-08-2009, 02:58 PM والله يا هندسه انا شااايف ان التدريب ممكن يبقى مشوق اكتر من كده ويكون وقته قليل عن كده ...
ناخد فيها المفيد وخلاااص
بس فى بعض المعامل بتعمل كده ..
بس هو مهم مهما كااان برضه .. بس عشان احنا مش حطين فى دماغنا
كفايه ان اننا لو شفنا حد بيكتب حاجه الناس بتقعد تتريأ عليه وتقوله انت بتكتب انت لسه صغير ....... وده طبعا غلط جدا
واحسن معمل : الطرق والمساحه
وهما الاحسن عشان المعيدين الى فيها عارفنهم وحبنهم اصلا .
وبيعطوا المهم والمفيد وبيخلصوا .
والبشمهندس محمد جار العلم فى المساحه عامل الواجب وحبيبن المعمل
وحضرتك فى الطرق مبدع .
وكمان معمل الاساسااااات
wise engineer 09-08-2009, 06:37 PM منورنا و الله يا باش مهندس
و عموما موضوع التدريب كان ممكن يستغل كويس عن كده
و لكن و للاسف الناس جايه و حاطه في دماغها انها مش هتستفيد
و انا عن نفسي اكتر المعامل اللي استفدت منها (المساحة ** الهندسة الصحية ) من حيث فكرة عامه على اللي احنا هنخده بعد كده
انا بس يا باش مهندس كان عندي استفسار
بالنسبة لموضوع الغياب
اقصى مدة غياب اد ايه ؟
لأن انا غبت حوالي 8 اسام
بمعدل يومين كل اسبوع
لحسن انا خايف من الكلام اللي بيتقال اوي
power man 09-08-2009, 07:26 PM ما تخفش يا عم وايز , لان سمعت المهندس النهارده بيقول الى بيجى اسبوع واحد فى التدريب ان شاء الله بيعدى.
power man 09-08-2009, 07:49 PM وطبعا منورنا يا بش مهندس احمد وطبعا استفدنا والا هنكون اغبياء بس احنا بنقول ان المعلومات مش على القدر اللى كان فى دماغ الواحد ,
وعلى العموم احسن المعامل اللى استفدت منها (المساحه و الصحيه والاساسات)
ENG: NE 09-08-2009, 10:13 PM منورنا بابشمهندس وإحنا إلى حد ما استفدنا من التدريب ولكن المشكله أنه مرهق جدا وفعلا إحنا عايزين نعرف لنا كام يوم غياب ؟؟؟؟؟؟؟؟؟؟؟
تقبل مرورى وشكرا
سلام:127:
http://www.arabsys.net/pic/arbwelocm/180.gif
handasa_m2 10-08-2009, 01:44 AM لا يا بشمهندس اكيد بنستفاد طبعا حتى لو جيت معمل 10 دقايق بستفاد منه
والله منور المنتدي يا بشمهندس
شكرا لحضرتك ياباشمهندس على وجودك معانا بجد حضرتك من اكتر الناس اللى حاسين بينا
بجد احنا بنحس ان حضرتكعلى طول معانا فى مشاكلنا بجدشكرا جدا
وبالنسبه للمعامل اللى استفدت بيها المساحه لان دى اكتر ماده بحبها والطرق لانى نفسى اتخصص فيها وكمان معمل التربه والاساسات
Angelgirl 28-08-2009, 01:03 AM انا عارفة ان الرد ده متاخر شوية بس حبيت اقول ان اكثر معمل فادنى وحبيته هو معمل الصحيه وكان نفسى اعرف الطرق بتكلم عن ايه بس محصلش نصيب لان اصحابى قالوا ان هو معمل مفيد وبخصوص الصحية بشكر مهندس جون.
egp_eng 30-08-2009, 02:59 PM السلام عليكم ورحمه الله وبركاته يا حضرت المعيد
انا طبعا مش هقول اكتر من الى تقال وهكتفى بانى هقولك جزاك الله خيرا
اما التدريب ده لعب عيال (حضرتك الى قولت انتكلم بصراحه) هتسألنى ازى؟؟؟
هقولك يعنى الواحد يصحا من النجمه علشان يسافر وبعدين بعد تعب ولازى منه نوصل الكليه وبعدين نعقد بكتيره نصف ساعه صفيه معلومات مهمه معاك فى دى ولبقى لعب ........ وبعدين نهزر شويه مع اصحبنا (دى اهم حاجه)وفى الاخر نتوكل على الله وندور فى حلقه مفرغه لمده 4اسبيع
لو كان النظام كده كان يكون كله فى اسبوع واحد كل يوم سعتين وتتحل المشكله
اما اذا كان النظام كام هو الحال فمن الافضل انى يكون فى جديه شويه تقدير لطلبه اكتر من كده
على اى حال العيب فى انا ممكن لألألألألأ لو احنا عرفنا اهميه الوقت هنقدر الحياه وللعلم انى (الوقت هو الحياه)
وعلشان نكون صورحه انا محضرتش غير يوم فى كل معمل !!!!!!؟؟؟؟؟؟؟
انا من وجهة نظرى انى المساحه جيده ........والصحيه بعض الشء ...الاستركشر ده تقدير فى اليوم الى حضرته
واخيرا تقدير واحترام ليك .....المهندس المصرى
والسلام خير ختام
the hock 02-09-2009, 02:50 AM بجد حضرتك من احسن المهندسين والمعيدين عندنا فى الكليه واكثرهم احتراما وانا من اشد المعجبين بشخصيه حضرتك
|