موضوع روش روش اخر روشنه بجد يا مان بجد يا ومان
طبعا انتم عاوزين تعرفوا ايه الموضوع اقولكم انا بقي
انا ملاحظ اليومين دول يا بناتيت ويا ولاليد
( جمع ولاد والبنات )

علي المنتديات وفي الشات

البنات والولاد بيتكلموا بطريقه بجد تنقط

يعني تلاقي واحد حاطط صور في ( قسم الصور ) (لنانسي عجرم
ويكتب العنوان

( صور جامدة اخرررررررررررررررر حاجه لننوسه)
(صور موووووووووت لنانسي)

ايه اخر حاجه دى ويعني ايه اصلا صور موووووت

_ _ _ _

وتلاقي البنت في الشات بقي تقول:

انا مش ينفع - انا مش أشرب - انا مش أكل - انا مش أعرف - أنا مش يكتب
انا مش انا تش انا فش - انا مش اعمل كته ابتا ابتا
انا مش بتاعه الكلام ده انا كنت طول عمري جامده


_ _ _ _

وتلاقي الحجه الرقيقه بقي تقول ايه :

( انا مش ينفع اعمل كده انت مش تزعل بقي بيس يا مان )

وهو يرد عليها

( انا مش ازعل منك خالص ابدا يا ومان )_ _ _ _

خدتوا بالكم بقي

مش ازعل مش اكتب مش انام مش اعرف مش اسمع ,,,,,,
مش ممكن كده


واصلا تلاقي البنت اصلا ستايلها ميجبش كده اصلا

_ _ _ _

وتلاقي بقي الحروف اللي ضاربه بالهبل .

طويل = تويل
كده = كته
ابدا = ابتا
خالص = خالس - ولو رقيقه اوى _ خالث
ماشي = ماسي
بجد = بكد
حلو = حووووووووووووووووو
اشرب = اشششششششششب انبوووووه

حاكه تنأت بكد يووووووووووه قصدى حاجه تنقط بجد

_ _ _ _ _

وتلاقي بقي الواد من دول راح السينما

يرجع يقول لصحابه :

اووووووبس رحت حته فيلم روش طحن فيلم اخر حاجه بجد فيلم يهوس هيهئ هيهئ هيهئ
هييييييييييييييييييييييييييييييييي يييييييييييييييي يييهئ

مش عارف بيضحك علي ايه بس بيضحك وخلاص :

_ _ _ _

نيجي بقي لكلام الولاد مع بعض

هاي يا مان
بيس يا مان
انت ليه عليا مبتردش
كب الزبون
فكك منه

جبت بدى وشك ( الولاد اصل بقوا يلبسوا بديهات زى البنات )
ومش عارف ليه برضووووووو الولاد لازم يسقطوا البنطلون ولازم حاجات مشجرة
كده تبان وقلوب وفراوله و دباديب روشييييين اوى جدا خالص
وطبعا ده استايل اى شاب دلوقتى وده الطبيعى يعنى

_ _ _ _

ننتقل الي ولد وبنت بيحبوا بعض

يتكلموا في التليفون :

هو : الو يا حبي
هي : حبيبي
هو : ازيك النهارده ( ليه بيقول النهارده هو يعني بيكلمها في زمن الماضي)
هي : بيس وانت
هو : سهران من امبارح مش نمت علشان اكلمك مخسوس
هي : وانا كمان مش نمتش خالس مستنيه تليفونك بجد
( وتلاقيها مخموده بقالها 8 ساعات علشان تحافظ علي بشرتها)
هو : وحشاني موت بجد
هي : وانت بجد موت اكتر حاجه
هو : امبارح شفت فيلم اوووبس يا روحي رومانسي موت كان نفسي تتفرجي معايا
هي : بجد طيب احكيلي
هو : البتل ( البطل يعني ) تول الفيلم بيحب فى البتله ( البطله ) --- ( عاوز يجرجرها بقي في الكلام )
هي : بجد
هو : بجد
هي : بجد بجد
هو اه بجد
وباقي المكالمة بقي بجد وهو يقولها بجد
طالما مش قد الكلام في الحاجات دى بيتكلموا لييييييييييييييييه ::

_ _ _ _

و (( فيلم لبنت ماتت امام البال توك نرجو عدم الدخول ))

حاطط الموضوع لييييييييييييييييييييييييييييييييي يييييييييييييييي ه طالما مش عاوز حد يدخل .

_ _ _ _

بلييييييييييييييييز ما تيجوا نتكلم عادى يعني بلاش لغة الروشنه والسهوكه اللي تغيظ دي

شكلي كده طولت عليكم اوعوا تكونوا زهقتم
ها ايه رايكم في الموتوع ده كامد اخر حاجه صح يا روشين .

وأوعوا يكون حد زعل ها .
----------------------
-------------
:eh_s(9)::eh_s(9)::eh_s(9):
:eh_s(9)::eh_s(9):
:eh_s(9):

بيس يامان ههههههههههههههههههههه على رأيك

موضوع جميل والله ودة بجد اللى بيحصل
اما عن اللبس قولى بس الواحد يعمل اية ما هو دة اللبس الموجود ومفيش غيرة
يعنى تلبس هدوم من النوع دة او تمشى عريان بقى
وعلى رأى المثل نص العمى ولا العمى كلة

مشكور على الموضوع

ههههههههه. موضوع جامد يا فرعون

بس بجد والله ... احسن حاجه ان الواحد يكبر دماغه لان كلو بيصيع علي بعض (وعايش في الدور)وهما عارفين كده ..


سيبك انت .. الجديد جديد

ههههههههههههههههههموضوع حلو اوي يا فرعون و ربنا يهدي الروشين دول
اصلي بجد بتضايق منهم اوي و بحس كلامهم غريب
يا اما انا اللي من العصر الحجري هههههههه

احنا هنعتبر الموضوع ده كوميديا (حاجه نضحك عليها يعنى )
المفروض انك كنت قولت فى الاخر (الا من رحم الله)
لأن ده فيه اهانه كبيره قوى لكله(بنات وولاد)
وعلى العموم مقبوله منك كهزاز.

ههههههه موتوع كامد مووووووووووت
انا بكد اول مرة اسمع الكلام ده بجد ههههه
موضوع جميل والله تسلم يافرعون
ربنا يهدى شباب المسلمين

ههههههههههه تسلم ايدك ودماغك والله ياجدو( يافرعون) يعنى صدق اللى سماك شقى دى فعلا حاجه تنرفز طب البنات ممكن يكونو كدا انما الرجاله كمان دا عيب بقى وقله ادب والله وما يستحقوش يتقال لهم رجاله يعنى من الاخر نايتى
بس انت نسيت تعلق على حاجه (تيك كير يا بيبى)
تسلم ايدك وتيك كير بقى هههههههه

موضوعك والله جميل جدا وشامل
فعلا انا مبحبش السهوكة بتاعة بنات وولاد اليومين دول سهوكة تنأت يووووووووووووووووووووووووووه قصدي تنقط بجد
شباب الامة الاسلامية بقوا عاملين كدة ليه يانااااااااااااااااااااااااااااااا اس
بصراحة انا اما بدخل الشات ده لو دخلت من اصله بيجيلي السكر والضغط والقلب وبتشاهد علي عمري من اللي بشوفه
بلغة الشباب المسهوكين موضوعك جامد اخر حاجة يامان ياريت مش تتأخر علينا بموضوعاتك
(حاجة تنقط صح؟)

و الله يا باشمهندس عندك حق بجد فى اللى قولته
اللا مبالاة وصلت بيهم لدرجة أنهم بيكتبوا و ((اللاهى)) بدل و(( الله.))..
دى بجد لفتت نظرى فمنتديات كتيرة جداً...
لا حول ولا قوة إلا بالله..
ربنا يهدى الجميع..
ومشكور على طرحك الجميل...
سلمتي يمينك..