ايه بقى ميكانيكا انتاج دي ... ؟

زي ما باين من اسمها ... انها متخصصة في الأنتاج , خلينا نقول بمعنى اصح , في التنفيذ ... , وبالتالي فهي اكثر شمولا واكثر عموما من اي قسم تاني ... لأن أي قسم تاني أثناء شغله لازم يعدي على انتاج ..

تعالوا ناخد مثال أكثر وضوحاhttp://www.almoultka.com/montada/images/smilies/download.gif

مدني ... مش ممكن مهندس مدني يشتغل سواء خراسنة مسلحة او (steel) إلا إذا مهندس الانتاج عمل له قطاعات الـ steel على ماكينات الدرفلة .. او استخلص له اسياخ الحديد من خام البليت ..

كهرباء باور ... اي شغل لوحات كهربية , او محولات او خطوط ضغط عالي ... الحاجات دي تنفيذها هي في حد ذاتها (يعني جسم المحول نفسه) لازم يكون على ايد مهندس انتاج ..

عمارة ... وان كان مش هايتضح هنا أوي لأن معظم شغلهم على ورق ... لكن , عندك مثلا الألوميتال بتاع الشبابيك ... ده بيعمله مهندس الانتاج عن طريق ماكينات البثق , وبعد كدة ياخده المعماري يركب او يصمم

اتصالات ... كذلك , نفس الفكرة , شاسيهات اي جهاز في الدنيا , لازم اللي بيعمله مهندس انتاج .. بالمناسبة شغل البلاستيك يندرج تحت شغل مهندس الانتاج

ميكانيكا باور ..... ونيجي للقسم ده ويمكن ده يكون الأصعب في المقارنة .. (أصل احنا ولاد عم) , لكن ابسط مثال لشغل ميكانيكا باور ... العربية , بتاع باور بيحدد لنا الماتور وشغله وكفاءته ودرجات الحرارة والذي منه , كمان بيصمم التكييف بتاع العربية ومعادلات درجات الحرارة بين جوة وبين برة ... لكن بتاع انتاج بينفذ العربية كلها من أولها لآخرها ..... شاسيه , صاج , فبر , اكسيدمات , فوانيس , مساعدين , عفشة كاملة , .... الخ

وعلى الرغم من أهمية القسم , زي ما انتوا شايفين , إلا ان الناس بتخاف تدخله , لإشاعات غريبة عن صعوبته , مع انه الحقيقية ... من أسهل وأحلى الأقسام

طبعا لازم يتحط في الإعتبار , ان الواحد لازم يكون بيحب القسم اللي هايدخله .... علشان يقدر يأدي فيه

نيجي لمشكلة تانية , وهي الرسم ... وطبعا كل الناس بتخاف من ميكانيكا بسبب الرسم http://www.almoultka.com/montada/images/smilies/fie.gif (زي الأخ ده بصوا بقه عمل ازاي), خلينا نكون واقعيين ... صحيح الرسم في الأول والآخر موهبة .... لكن ممكن احنا بالتعلم نكتسبها , محدش فينا اتولد من بطن امه بيعرف يكتب ولا يقرا ... لكن احنا اتعلمنا , كذلك الرسم ... محتاجين نتعلم
اللي شايف ان الرسم معضلة , ممكن يتعلمه بسهولة (بس هو يكون عايز يتعلم فعلا) ...




منقووووووووووووووووووووول

قسم هندسة الإنتاج
قسم هندسة الإنتاج لا يعني قسم قائماً على الرسم والتصميم فقط ،
بل يقوم على أسس هندسية بشتى أنواعها ، لإنتاج وتصميم النظم الميكانيكية ( تصاميم آلات تكون بديلة عن العاملين ) وتطوير وتحسين
الإنتاج والتحكم بالإجهزة والآلات، و هو أحد الأقسام الدائمة التطور لمواكبة النظم العلمية و الصناعية و الإدارية و الخدمية و لمتابعة كل
جديد في مجالات التصنيع و الجودة و القياسات و الهندسة صناعية.


مناهج الدراسة

تشمل الدراسة في القسم النواحي الفنية و التكنولوجية و التصميمية
و التنظيمية و الإدارية المتعلقة بالصناعات المختلفة. نظريات الماكينات
وتصميم اجزاء الماكينات و آلات الإنتاج و ديناميكا الماكينات و الإهتزازات و اللروبوت. عمليات التشكيل من درفلة و حدادة و بثق و سحب بالإضافة
إلى النظريات الأساسية لهذه العمليات ، و عمليات قطع المعادن
و تشغيلها و الماكينات ذات التحكم الآلي. طرق القياس الدقيق للأبعاد
و خشونة الأسطح و طرق التحكم الإحصائي في الجودة و الجودة
الشاملة. بحوث العمليات و تخطيط المصانع و الإنتاج و التحكم فيه
و إدارة المنشآت الصناعية و الأمن الصناعي و الصحة الصناعية.
مجالات العمل


يهدف القسم إلى تخريج مهندس يستطيع الإسهام في مجالات:
تصميم و تصنيع المنتجات.

تصميم خطوط الإنتاج و متابعتها و تخطيط العمليات.
دراسات الجدوى.

القيام بأعمال الفحوص و الإختبارات و القياسات.

تنفيذ و متابعة المشروعات الهندسية.

تطبيق نظام الجودة المختلفة في المؤسسات و الهيئات.

ايه الشغل الجامد ده
متشكرين أوي يا بشمهندسة
و يا ريت حتة كده حاسبات عشان كل الناس مطنشاه
مع اني ان شاء الله داخله خلاص

مجهود رائع يا بشمهندسه
شكرا على المعلومات

ايه الشغل الجامد ده
متشكرين أوي يا بشمهندسة
و يا ريت حتة كده حاسبات عشان كل الناس مطنشاه
مع اني ان شاء الله داخله خلاص



اووووووووووك يا بشمهندس شويه كده ماشى يمكن بليل او بكره بس انشاء الله هجيبه وان شاء الله هيعجبك

مجهود رائع يا بشمهندسه


شكرا على المعلومات







الشكر لله واى خدمه

ماشاء الله والله

ربنا يبارك فيكى

الف شكر على الملعومات الحلوة دى