السلام عليكم ورحمه الله وبركاته

بما اننا بنهتم جدا بالصداقه كنت عايز كل واحد منكم يسال نفسه يعنى ايه صداقه ويعنى ايه صديق

بعيدا عن كلام الانشاء لان ببساطه الصداقه معنها اكبر بكتير

فى رايى الصداقه يعنى الوفاء والاخلاص حد بتحبه من قلبك بجد من غير مصلحه
مش اى حد نتكلم معاه كلمتين بقى صديقنا ومش اى حد نتضحك معاه او نخرج معاه بقى هو دا صديقنا

جرب تجيب ورقه وقلم واكتب اسماء كل اصدقائك
واكتب انت بتحبه كام من عشره و بترتاحله قد ايه
اعمل خانه ليك وخانه ليه
وشوفوا انتوا قد ايه مستعدين تضحوا علشان بعض ومتنساش تشوف الصراحه والوفاء والاخلاص
دا غير الانانيه والخيانه والنداله
افتكر اصعب موقف فى حياتك وعلم على اللى سابك واتخلى عنك وباعك عند اول كمين
افتكر احزانك وافراحك واحزانهم وافراحهم وشوف انتوا وقفتوا جنب بعض اد ايه

هتلاقى ناس وقعوا من حساباتك من اول جوله
دول ملهمش لازمه فى حياتنا لازم نبعد عنهم دلوقتى قبل ما يجروحنا اكتر من كده ومنعرفش نداوى جرحهم
وهتلاقى ناس فى الكواليس بيحبوك واقفين جنبك من غير ماتحس
دول لازم تتمسك بيهم لاخر لحظه فى حياتك لان هما دول اللى يستحوقك
وحتلاقى نفسك ندل مع ناس وخنت ناس واتخليت عن ناس
الحق تصلح اللى كسرته لانك مش عايش لوحدك فى الدنيا دى
متنسوش تجاوبوا على سؤالى وجربوا الموضوع دا يهمنى اعرف رايكم

موضوع جميل واختبار جامد اوي ومهم

فعلا ده ممكن يفيدنا عشان نعرف مين الصاحب اللي بجد وكمان عشان نتعلم منه نبقى اصحاب بجد

تسلم ايدك يا باشمهندس

(شئ جميل ان يكون لك قلب انت صاحبه والاجمل ان يكون لك صاحب انت قلبه)
كلامك جميل مفيش شك وفعلا الناس مواقف اوك يبقا فيه تسامح وتضحيه وحب خالى من اى مصلحه مع اللى يستحق اما التانى يبقا التعامل بحذر

بارك الله فيك

فعلا اختيار الصديق يكون سهل جدا ولكن ايجاد الصديق الحقيقى صعب جدا

والمواقف هى اللى بتحدد من هو الصديق الحقيقى

بجد شكرا اوى على الردود الجميله دى

موضوع جميل اوى جزاك الله كل خير

وفعلا اللى يحافظ على صديق مخلص فكانه ملك الدنيا وما فيها

الصداقة دى حاجة عظيمة جدا

شكرا ع الموضوع