مشاهدة النسخة كاملة : قضيه عمل مهندسين ميكانيكا بين مؤيد ومعارض
do7aa 26-01-2008, 11:48 AM :salam:
:bsm:
ماذا عن شغل ميكانيكا باور في الخليج واوروبا ومستقبلها عموما
ده موضوع بيحتوي مجموعه من الاراء
عن عمل مهندس الميكانيكا
مع شويه تعديلات
مع تحياتي
HRSA
واسف لصاحب الموضع علي التعديلات اللي عملتها فيه
حتي يسهل علي المتصفح الحصول علي الفائده المرجوه
:radsalam:
el_gharib 31-01-2008, 08:13 PM بالنسبة للشغل في دول الخليج معظم مهندسي ميكانيكا باور بيشتغلوا في مجال التبريد والتكييف ومجال البترول واسالة الغاز الطبيعي
وعموما في الدول العربية ينحصر عمل مهندسي الميكانيكا بشكل عام وميكانيكا باور بشكل خاص علي اعمال الصيانة والتصليح ل للمعدات المستوردة من الخارج نظرا لعدم وجود صناعة حقيقية في مصر الدول العربية (للاسف)
:eh_s(4): :eh_s(4): :eh_s(4):
اما بالنسبة للشغل في الدول الاوربية فمن وجهة نظري نادر جدا ويكاد يكون مستحيل ان تري مصري يعمل في مجال الهندسة بشكل عام هناك
لان الهنود والفلبيين بينافسوا المصريين في الدول العربية واحيانا في مصر نفسها :eh_s(4): فما بالك بقي بالدول الاوربية
ممكن تكون نظرتي تشاؤمية بعض الشيء بس اعتقد انها واقعية لان مستوي التعليم في مصر اصبح متدني جدا
لدرجة انهم خذفوا مادة المعامل الميكانيكة في ميكانيكا المنصورة علشان المعامل لا تصلح للاستخدام الادمي هههههههه وانا كنت اخر دفعة درست المادة دي وشفت المعامل والاجهزة عاملة ازاي وبقالها كام سنة والي مش مصدق يروح معمل التبريد والاحتراق والموائع
وعادتا ما تكون الحقيقة مؤلمة
admin 01-02-2008, 12:41 AM :jaz: ،،،،،،، على هذه المعلومات
forever 03-02-2008, 11:08 PM اولا مكانيكا بور وانتاج لهم شغل ف اي مكان ومتوفر كتييييييير وخاصتا داخل مصر ومش محتاجين البهدله خارج مصر اي نعم المرتبات عاليه جدا بره مصر بس مش اي حد يخرج بره مصر ويشتغل ف تخصوصه بسهوله زى مانتم فاكرين...................
kassem_2k 04-02-2008, 02:40 PM مهندس ميكانيكا باور هو من افضل التخصصات من ناحية الطلب في الوقت الحالي في مصر والدول العربية
من الافضل للمهندس ان يبدأ حياته في مصر لكي يتقن المهارات المطلوبة ثم السفر الي احدي الدول العربية من الاخر المرتب خارج مصر 4 اضعاف المرتبات في مصر .وفعلا من اهم التخصصات المطلوبة هي التكييف المركزي ومكافحة الحريق
ونتمني التوفيق للجميع ومساعدة المهندسن لايجاد فرصة عمل داخل او خارج مصر
kassem_2k@yahoo.com
forever 04-02-2008, 10:34 PM ايوة المرتبات عاليه جدا عن مرتبات مصر بس مش كل شئ الفلوس اهم شئ تكون مرتاح ومبسوط ف الشغل ولا ايه ........................ انا من راي المهندس الذي يكره شغله عمره مايحقق فيه اي تقدم لابد ان يحب شغله اولا
hossam moustafa 17-04-2009, 03:30 PM بالنسبة للشغل في دول الخليج معظم مهندسي ميكانيكا باور بيشتغلوا في مجال التبريد والتكييف ومجال البترول واسالة الغاز الطبيعي
وعموما في الدول العربية ينحصر عمل مهندسي الميكانيكا بشكل عام وميكانيكا باور بشكل خاص علي اعمال الصيانة والتصليح ل للمعدات المستوردة من الخارج نظرا لعدم وجود صناعة حقيقية في مصر الدول العربية (للاسف)
:eh_s(4): :eh_s(4): :eh_s(4):
اما بالنسبة للشغل في الدول الاوربية فمن وجهة نظري نادر جدا ويكاد يكون مستحيل ان تري مصري يعمل في مجال الهندسة بشكل عام هناك
لان الهنود والفلبيين بينافسوا المصريين في الدول العربية واحيانا في مصر نفسها :eh_s(4): فما بالك بقي بالدول الاوربية
ممكن تكون نظرتي تشاؤمية بعض الشيء بس اعتقد انها واقعية لان مستوي التعليم في مصر اصبح متدني جدا
لدرجة انهم خذفوا مادة المعامل الميكانيكة في ميكانيكا المنصورة علشان المعامل لا تصلح للاستخدام الادمي هههههههه وانا كنت اخر دفعة درست المادة دي وشفت المعامل والاجهزة عاملة ازاي وبقالها كام سنة والي مش مصدق يروح معمل التبريد والاحتراق والموائع
وعادتا ما تكون الحقيقة مؤلمة
ههههه ايوة والله معاك حق دى فعلا قسم ميكانيكا بور مش باور وربنا يستر علينا من اللى بيحصل فينا
شباب انا عايز اقول كلمه الشغل ده قسمه ونصيب والارزاق بيدي الله
وكل واحد يخش القسم اللي يحس انه هيلاقي نفسه فيع وان ده القسم المناسب ليه
Mohammed Saad 17-04-2009, 07:30 PM السلام عليكم
نظرتكم تشاؤميه اوى انا مش عارف ليه
انا مهندس ميكانيكا بور المنصورة دفعة 2005 بتقدير جيد جدا و الحمد لله
اتخرجت و لقيت شغل بعد ما اتخرجت فورا و الحمد لله حتى قبل ما اعرف موقفى من التجنيد
و اتنقلت بين كذا شركة و الشغل موجود كتير و الحمد لله و بمرتبات ممتازة و خاصه انا سمعت ان فى مصر دلوقتى الامور بقت احسن
انا حاليا شغال فى الخليج فى شركة كبيرة كمهندس مشرف على ورش الصيانه للمعدات الثقيلة و السيارات و الحمد لله و جانى الشغل ده بمنتهى البساطة بدون اى شئ و لا قرش دفعته و الحمد لله
و الان عندى فرصه فى المانياو الحمد لله و بجهز حالى علشان اسافر ان شاء الله بعد فترة بسيطة جدا يا دوب اقعد مع اسرتى فى مصر شويه
يعنى الخلاصه الشغل موجود و وضع ممتاز و احنا و الحمد لله موجودين فى مجالات كتير جدا بس اللى انا عايز انصحكم بيه حاول تبقى مهندس متخصص يعنى بعد ما تتخرج تعرف انت مهندس ايه مش اللى ماشى اروح اشتغل فيه !!!
و كمان اعرف التكنولوجيا الحديثه اللى احنا بنفتقدها فى الكليه للاسف زى برمجه الالات و برامج المساعدة الهندسيه و ما الى ذلك فيما يخصك طبعا يعنى مش تروح تاخد كورس جرفك بتاع عمارة مثلا
و اعرف لغات خاصه الانجليزيه و الالمانيه و الايطالية و الفرنسيه دول الدول اللى احنا بنجيب منهم معداتنا و لما يكون فى مهندس من عندهم فى المصنع بتاعك تعرف هوه بيعمل ايه لانهم بيستغلوا عدم معرفتك باللغه بتعتهم و بيخدعوك و دخول اوروبا مش سهل لازم تكون زى اى مهندس هناك و الا مش ممكن تدخل
و اما ما يتعلق بالهنود و الاخوة من الدول الاخرى فصدقنى مش المنفسه اللى هيه خاصه فى دول الخليج لانهم لا يمكلوا اللغه العربيه و ده العائق امامهم فى دول الخليج فى الشركات المحترمه
معلش طولت عليكم ربنا معاكم و بالتوفيق للجميع و ادعولى ربنا يوفقنى
السلام عليكم
نظرتكم تشاؤميه اوى انا مش عارف ليه
انا مهندس ميكانيكا بور المنصورة دفعة 2005 بتقدير جيد جدا و الحمد لله
اتخرجت و لقيت شغل بعد ما اتخرجت فورا و الحمد لله حتى قبل ما اعرف موقفى من التجنيد
و اتنقلت بين كذا شركة و الشغل موجود كتير و الحمد لله و بمرتبات ممتازة و خاصه انا سمعت ان فى مصر دلوقتى الامور بقت احسن
انا حاليا شغال فى الخليج فى شركة كبيرة كمهندس مشرف على ورش الصيانه للمعدات الثقيلة و السيارات و الحمد لله و جانى الشغل ده بمنتهى البساطة بدون اى شئ و لا قرش دفعته و الحمد لله
و الان عندى فرصه فى المانياو الحمد لله و بجهز حالى علشان اسافر ان شاء الله بعد فترة بسيطة جدا يا دوب اقعد مع اسرتى فى مصر شويه
يعنى الخلاصه الشغل موجود و وضع ممتاز و احنا و الحمد لله موجودين فى مجالات كتير جدا بس اللى انا عايز انصحكم بيه حاول تبقى مهندس متخصص يعنى بعد ما تتخرج تعرف انت مهندس ايه مش اللى ماشى اروح اشتغل فيه !!!
و كمان اعرف التكنولوجيا الحديثه اللى احنا بنفتقدها فى الكليه للاسف زى برمجه الالات و برامج المساعدة الهندسيه و ما الى ذلك فيما يخصك طبعا يعنى مش تروح تاخد كورس جرفك بتاع عمارة مثلا
و اعرف لغات خاصه الانجليزيه و الالمانيه و الايطالية و الفرنسيه دول الدول اللى احنا بنجيب منهم معداتنا و لما يكون فى مهندس من عندهم فى المصنع بتاعك تعرف هوه بيعمل ايه لانهم بيستغلوا عدم معرفتك باللغه بتعتهم و بيخدعوك و دخول اوروبا مش سهل لازم تكون زى اى مهندس هناك و الا مش ممكن تدخل
و اما ما يتعلق بالهنود و الاخوة من الدول الاخرى فصدقنى مش المنفسه اللى هيه خاصه فى دول الخليج لانهم لا يمكلوا اللغه العربيه و ده العائق امامهم فى دول الخليج فى الشركات المحترمه
معلش طولت عليكم ربنا معاكم و بالتوفيق للجميع و ادعولى ربنا يوفقنى
الله عليك والله والله انت كلامك زي العسل
وحضرتك والله اعطتني دفهه الي الامام بطرقه غريبه بكلام حضرتك
بدل الاحباط اللي انا عايشه من كل اللي حواليا من لحظه دخولي القسم
بالتوفيق لينا كلنا يارب
Rami El Emam 21-04-2009, 04:58 AM سلام عليكم جميعا .. وسلام خاص لحبيبى المهندس محمد سعد على مشاركاته الفعاله والمفيده على الرغم من مشاغله . و احب اوضح ان من خلال زميلنا فى سوق العمل قد يكون الوضع شبه سىء بعد الازمه الاقتصادية . وان مهندس ميكانيكا القوى يجب يوسع مداركه فى المجالات المساعده ليكون مميزا مثل الكهرباء او الكيمياء او التصميم او البرمجه.. كل واحد حسب اتجهاته.. مثلا من الوظائف المطلوبه حاليا لمهندس ميكانيكا يعمل فى مجال المقاولات ان يكون كهروميكانكس ( وليست هذه ميكاترونكس والتى لاتقل اهميه ) وهناك دورات تعطيها الشركات لمهندسيها بعد التعيين ولكن يجب ان تكون جاهزا للتعلم وهذا ما يتم اختباره قبل تعيينك.
اما بالنسبه للسفر .. فهذا يعتمد على الشخصيه نفسها. . و احب اضيف مجال تحليه المياه للمجالات المطلوبه فى الخارج .. اما مصر فسوقها واسع و متنوع بس للمتميز. ومن دفعتى (2005) من مرتبه وصل 9000 فى مصر (كل ما مرتبك زاد مصاريفك زادت :) .. و فى شركه مقاولات امريكيه و بدوووووون وسايط وانا متاكد. واخرييين كتيير.
الرك على امالك وطموحاتك .. و اللى بتعمله علشان تحققها من زياده مهاراتك. بعد توفيق الله.
كمان مهندس المبيعات وظيفه مطلوبه و جيده خاصه مجال تسويق المعدات الثقيله و قطع الغيار للشركات وتحتاج واحد حابب مجال التسويق مش اى حد.
دلوقتى فى مصر شركات بتحتاج مصممين ببرامج مثل الانفنتور Inventor.
كمان مهندس الجوده QC quality control and QA quality assurance من المجالات الجيده و التى غالبا تتطلب خبره سنين.. ولكن من زمايلنا من اخذ دورات فى الجامعه الامريكيه او دبلومه فى المجال فى قسم الانتاج (متاح ذلك لخريجى قوى).. والان يعملون فى اكبر شركتين للسيارات فى مصر.
بس كلمه اخيره ..
1. لازم فى شغلك يكون كل يوم فى مكسب خبره جديده و الا لازم تشوف شغل تانى .
2. خليك طموح واسعى للعمل فى احدى الشركات الماتى ناشونال فى مجال تخصصك.
3. التدريب الصيفى يا جماعة ... حاول تستكشف المجال وتكتشف اى اتجاه تحب وتستمتع به و تدرب فى اماكن مختلفه طوال الاجازه.
4. اختار مشروع تخرج يفيدك وينمى مهاراتك ولو حتى فى برنامج تصميم ولا تترك المشروع هوا اللى يختارك.
5. تذكر ان فى مهندس قوى يساوى 150 جنيه واخر يساوى اضعاف اضعافة ..بعد التوفيق .. الفرق فى اللى قرر انه لا يكون مهندس عادى.
6. ارجع اقول الفلوس قد تكون حلالة مشاكل جيلنا .. بس انا شايف انها بتاخد كتييير اوى من حياه اللى بيدور عليها .. انا الحمد الله حابب شغلى كباحث (اكثر من التدريس) وحاطط تارجت علمى بحاسب نفسى عليه كل 3 شهور .. ماديا العائد مش عالى (احم.. مش عالى خالص :) ...بس الحمد الله.. بالنسبه ليا وجود وقت مع اسرتى و وقت فسحه اسبوعية و وقت لتنمية معارفى المختلفة بديل يكفينى فى الوقت الحالى .. كل واحد حسب اولوياته وطموحاته.
و اسف للتطويل .. انا بحاول انقل خبرات زمايلى لانى للاسف مش فى سوق العمل .
hossam moustafa 21-04-2009, 10:01 PM 6. ارجع اقول الفلوس قد تكون حلالة مشاكل جيلنا .. بس انا شايف انها بتاخد كتييير اوى من حياه اللى بيدور عليها .. انا الحمد الله حابب شغلى كباحث (اكثر من التدريس) وحاطط تارجت علمى بحاسب نفسى عليه كل 3 شهور .. ماديا العائد مش عالى (احم.. مش عالى خالص
شكرا يابشمهندس على ارائك بس احب اختلف مع حضرتك فى حتة الفلوس هى الفلوس مش كل حاجة صحيح بس معلش انا مش هعرف أعمل حاجة الا بيها ياعنى مثلا عشان المهندس يبقى مميز عن غيروا دايما لازم ياخد دورات ويدعبس عن كل جديد فى مجالوا وطبعا دا محتاج امكانيات مادية اذا هى مش كل حاجة ولاكن لازم تكون موجودة كعامل مساعد ودى طبعا بتيجى مع الوقت والاجتهاد وشكرا ليك ياباشمهندس على مشاركتك
hossam moustafa 22-04-2009, 11:35 AM السلام عليكم
نظرتكم تشاؤميه اوى انا مش عارف ليه
انا مهندس ميكانيكا بور المنصورة دفعة 2005 بتقدير جيد جدا و الحمد لله
اتخرجت و لقيت شغل بعد ما اتخرجت فورا و الحمد لله حتى قبل ما اعرف موقفى من التجنيد
و اتنقلت بين كذا شركة و الشغل موجود كتير و الحمد لله و بمرتبات ممتازة و خاصه انا سمعت ان فى مصر دلوقتى الامور بقت احسن
انا حاليا شغال فى الخليج فى شركة كبيرة كمهندس مشرف على ورش الصيانه للمعدات الثقيلة و السيارات و الحمد لله و جانى الشغل ده بمنتهى البساطة بدون اى شئ و لا قرش دفعته و الحمد لله
و الان عندى فرصه فى المانياو الحمد لله و بجهز حالى علشان اسافر ان شاء الله بعد فترة بسيطة جدا يا دوب اقعد مع اسرتى فى مصر شويه
يعنى الخلاصه الشغل موجود و وضع ممتاز و احنا و الحمد لله موجودين فى مجالات كتير جدا بس اللى انا عايز انصحكم بيه حاول تبقى مهندس متخصص يعنى بعد ما تتخرج تعرف انت مهندس ايه مش اللى ماشى اروح اشتغل فيه !!!
و كمان اعرف التكنولوجيا الحديثه اللى احنا بنفتقدها فى الكليه للاسف زى برمجه الالات و برامج المساعدة الهندسيه و ما الى ذلك فيما يخصك طبعا يعنى مش تروح تاخد كورس جرفك بتاع عمارة مثلا
و اعرف لغات خاصه الانجليزيه و الالمانيه و الايطالية و الفرنسيه دول الدول اللى احنا بنجيب منهم معداتنا و لما يكون فى مهندس من عندهم فى المصنع بتاعك تعرف هوه بيعمل ايه لانهم بيستغلوا عدم معرفتك باللغه بتعتهم و بيخدعوك و دخول اوروبا مش سهل لازم تكون زى اى مهندس هناك و الا مش ممكن تدخل
و اما ما يتعلق بالهنود و الاخوة من الدول الاخرى فصدقنى مش المنفسه اللى هيه خاصه فى دول الخليج لانهم لا يمكلوا اللغه العربيه و ده العائق امامهم فى دول الخليج فى الشركات المحترمه
معلش طولت عليكم ربنا معاكم و بالتوفيق للجميع و ادعولى ربنا يوفقنى
شكرا ياباشمهندس وانت على عينا وراسنا بس معلش عى شغلة المهندس الحقيقية هى الاشراف؟؟؟؟ المهندس الحقيقى هو اللى يكون عارف مش هقولك أحسن من الفنى لا بل يكون عارف شغلوا وشغل الفنى مش يكون مشرف بس وبعدين مجال الشغل الاوربى لا يتقبل المصريين هيتقبلوا بمناسبة اية ياعنى دولة زى المانيا مثلا الهندسة هنالك على ما بنسمع 7 او 8 سنين يعنى هتسيب الالمان الاكفاء وتيجى تدور على مصريين المصريين مايشتغلوش هناك الا لو قرر انوا يبنى نفسوا هناك وفى الحالة دى لازم يكون منهم وبعدين هل الدراسة اللى حضرتك أخدتها فى الكلية بتستغلها ولا اية النظام ؟؟؟؟
Mohammed Saad 22-04-2009, 07:06 PM شكرا ياباشمهندس وانت على عينا وراسنا بس معلش عى شغلة المهندس الحقيقية هى الاشراف؟؟؟؟ المهندس الحقيقى هو اللى يكون عارف مش هقولك أحسن من الفنى لا بل يكون عارف شغلوا وشغل الفنى مش يكون مشرف بس وبعدين مجال الشغل الاوربى لا يتقبل المصريين هيتقبلوا بمناسبة اية ياعنى دولة زى المانيا مثلا الهندسة هنالك على ما بنسمع 7 او 8 سنين يعنى هتسيب الالمان الاكفاء وتيجى تدور على مصريين المصريين مايشتغلوش هناك الا لو قرر انوا يبنى نفسوا هناك وفى الحالة دى لازم يكون منهم وبعدين هل الدراسة اللى حضرتك أخدتها فى الكلية بتستغلها ولا اية النظام ؟؟؟؟
:salam:
السيد المهندس حسام مصطفى
شغلة المهندس الحقيقية مش هيه انك تشتغل بايدك الا فى اضيق الحدود و الاشراف مش المعنى اللى انت فهمته انك تتفرج و تمشى و لكن الموضوع مختلف عن كده تماما و بيتم حسابك بشكل نقاط كل فترة من قبل ادارة الشركة
و على فكرة انا من سن 10 سنوات و انا شغال صبى فى ورشه فى المنصورة لحد ما خلصت الهندسه و الحمد لله لان اصلا عائلتى متخصصين فى نفس المجال الميكانيكا فالحمد لله شغل اليد او شغل الفنيين انا مش ضعيف فيه و مش لازم على فكرن تكون زى الفنى او احسن من ه او تقارن نفسك بيه لان هوه له شغله و انت ليه شغلك
اما اوروبا الموضوع مش المان اكفاء و عرب حمير لا ابدا و الله فى كتيييير عرب هناك و مهندسيين و من ضمن المواقف ان فى مؤتمر كان فى مصر عن الهندسه و كان الناتو مشارك فيه و كان رئيس وفد مهندسين الناتو فى المؤتمر كان مصرى معاه جنسيه المانيه يعنى احنا مش حمير اوى للدرجه دى و على فكرة اعرف همه بيدرسوا ايه و بعدين انتقد المهندسين العرب هتلاقى مفيش فرق بين اللى انت بتدرسوا و اللى همه بيدرسوه و صدقنى لو امتحان اى ماده متناظرة تم تقديمه من هناك الى طلاب المنصورة هيكون عادى جدا بالنسبه لهم و على فكرة برضه الشركة اللى قبلت واحد زيي اكيد عارفين الحقيقه اللى انت عارفه ان فى المان فى المانيا و اخر شئ تخيل ان فى جامعات فى المانيا لا ترتقى لمستوى جامعه المنصورة و ترتيبها زباله مقارنه بالترتيب العالمى بتعنا.
اه على فكرة الدراسه اللى انا اخدتها فى الكليه اساس و مش خبرة و فى فرق و على فكرة بستغلها كويس اوى و كنت عارف كويس اوى انا بدرس ايه و الحمد لله مش مجرد بجيب تقدير و خلاص
ربنا معاك و ارجو انك تنتقد على اساس معرفه و مش العكس
و مش تزعل منى انى طولت عليك و ادعيلى بالتوفيق و كل الناس اللى فى الكليه
:jaz:
hossam moustafa 24-04-2009, 04:29 PM :salam:
السيد المهندس حسام مصطفى
شغلة المهندس الحقيقية مش هيه انك تشتغل بايدك الا فى اضيق الحدود و الاشراف مش المعنى اللى انت فهمته انك تتفرج و تمشى و لكن الموضوع مختلف عن كده تماما و بيتم حسابك بشكل نقاط كل فترة من قبل ادارة الشركة
و على فكرة انا من سن 10 سنوات و انا شغال صبى فى ورشه فى المنصورة لحد ما خلصت الهندسه و الحمد لله لان اصلا عائلتى متخصصين فى نفس المجال الميكانيكا فالحمد لله شغل اليد او شغل الفنيين انا مش ضعيف فيه و مش لازم على فكرن تكون زى الفنى او احسن من ه او تقارن نفسك بيه لان هوه له شغله و انت ليه شغلك
اما اوروبا الموضوع مش المان اكفاء و عرب حمير لا ابدا و الله فى كتيييير عرب هناك و مهندسيين و من ضمن المواقف ان فى مؤتمر كان فى مصر عن الهندسه و كا الناتو مشارك فيه و كان رئيس وفد مهندسين الناتو فى المؤتمر كان مصرى معاه جنسيه المانيه يعنى احنا مش حمير اوى للدرجه دى و على فكرة اعرف همه بيدرسوا ايه و بعدين انتقد المهندسين العرب هتلاقى مفيش فرق بين اللى انت بتدرسوا و اللى همه بيدرسوه و صدقنى لو امتحان اى ماده متناظرة تم تقديمه من هناك الى طلاب المنصورة هيكون عادى جدا بالنسبه لهم و على فكرة برضه الشركة اللى قبلت واحد زيي اكيد عارفين الحقيقه اللى انت عارفه ان فى المان فى المانيا و اخر شئ تخيل ان فى جامعات فى المانيا لا ترتقى لمستوى جامعه المنصورة و ترتبها زباله مقارنه بالترتيب العالمى بتعنا.
اه على فكرة الدراسه اللى انا اخدتها فى الكليه اساس و مش خبرة و فى فرق و على فكرة بستغلها كويس اوى و كنت عارف كويس اوى انا بدرس ايه و الحمد لله مش مجرد بجيب تقدير و خلاص
ربنا معاك و ارجو انك تنتقد على اساس معرفه و مش العكس
و مش تزعل منى انى طولت عليك و ادعيلى بالتوفيق و كل الناس اللى فى الكليه
:jaz:
شكرا يابشمهندس على سرعة ردك مع مشغولياتك طبعا ولكن انا مقصدتش انى اقول ان ان المصريين حمير زى ماحضرتك فهمت ولكن قصدى اقول ان احنا ماتعلمناش ازاى نقدر نستغل عقلنا صح بحيث نوصل الى درجة الابداع زى مابيحصل برة وبعدين انا متكلمتش فى حتة التقدير طيب ما نا بجيب تقدير بس مفيش محتوى علمى صحيح مبنيين علية ياعنى بنتعلم ازاى نطبق نظرية والسلام بس ماعرفناش اصول العلوم دا اتعمل لية وبنستخدموا ازاى مجرد دراسة نظرية بحتة لا تهدف لنمو وخدمة المجتمع دراسة متدنية مقارنة ببقيت الدراسات العالمية وحضرتك بتقول ترتيب جامعة المنصورة ترتيب اية دة 3252 هو دة ترتيب وبعدين حتى لو دة ترتيب كويس بس فين النهضة اللى عمليتها الكلية دى فين الصناعات اللى البلد مستنياها فين المهندسين الاكفاء اللى يطلعوا يشتغلو ا فى شركة زى شركة الكهرباء او السماد ويصلحوا التوربينات بدل ما نبعت للخبرا ويكلفونا اد كدة على الفاضى كل دة وتقلى ان احنا اعظم من الالمان لا طبعا مع احترامى البلد دى اللى بيطلع فيها كويس مبيستناش وبيتصدر زى السلع كدة هما يصرفوا علية وينموا وياخدوا لخدمتهم واسف على الاطالة وربنا يوفقك يارب ويوفقنا جميعا لخدمة بلادنا ونشوفها فى احسن صورة
:salam:
:bsm:
احب اوضح ان الشغل ده مساله قسمه ونصيب وطبعا الارزاق بيدي الله واحنا كل اللي بنعمله ان احنا بناخد بالاسباب ونسيب الباقي علي ربنا
واحب اوضح حاجه لاخي الكريم اللي بيقول ان سوق العمل هيفضل المصري بدراسته العقيمه علي العقليه الالمانيه والامريكيه واليابانيه ..................... الخ
احب اوضحلك نقطه ان فيه ناس كتير اتعاملت مع العقليه المصريه واشادوا بها جدا ولها الافضليه دائما في مجالات كتير في الخارج البقاء لافضل والاكثر تميزا واحب اوضحلك بشهاده دكاتره جامعات درسوا خارج مصر واشادوا جدا بعقليات الطلبه المصرين وقالوا ان احنا افضل منهم بكتير بس في الخارج بيعرفو يستغلوا العقليات دي صح انما عندنا لاسف مفيش استغلال للمواهب المصريه
وفيه نقطه تانيه احب اوضحها ان احنا مش بنشتغل بدراستنا انما الدراسه مجرد وسيله فقط لتفتيح الذهن وجعله قادرا علي حل المشكلات التي قد توجهه في عمله الا جانب تنميه الحس الهندسي داخل المهندس انما انت كمهندس قوي ميكانيكيه لازم تاخد كورسات في المجال اللي انت هتشتغل في وده بيقي حسب طبيعه العمل ممكن يكون علي حسابك الشخصي او علي حساب جهه العمل
اسف لاطاله وشكرا لمروركم الكريم نيابه عن صاحب الموضوع
:radsalam:
Sara Raby 13-08-2009, 02:00 AM شكرا لانى استفدت من المعلومات دى كتير
sad angel 13-08-2009, 12:51 PM والله كلام جميل جدا وبشكر البشمهندس محمد سعد جدا على كلامة الرائع دة وفعلا هو عندة حق احنا مش حمير ولا حاجة بالعكس احنا يمكن مستوانا العلمى احسن من ناس كتير فى نفس مراحلنا العلمية وبيدرسو برة ودة فعلاحقيقى بس المشكلة عندنا فى نقص الامكانيات والجانب العملى مش متطور عندنا بدليل اننا لما بنروح فى اى مكان يتوفر لينا فية الامكانيات بنثبت نفسنا صح ودة معناة ان اساسنا سليم
ahmedcamor 27-08-2009, 12:19 AM احباااااااااااااااااااااااط
الونش 12-09-2009, 05:00 AM السلام عليكم ورحمة الله وبركاته
ياباش مهندس انت عممت الكلام دا على كل مهندسى الميكانيكا
وكمان مش معنى ان معامل هندسة المنصوره قديمه خلاص معامل هندسة شبين وعين شمس والقاهره وغيرها......تكون حلتها ضنك
Macclourin 18-07-2011, 11:43 PM شكرا على تبادل الخبرات :)
و شكر خاص للبشمهندس رامي الامام
|